ఈ పుట అచ్చుదిద్దబడ్డది
రేకు: 0222-3 పాడి సంపుటం: 08-129
పల్లవి:
రారే యింకానతని రవ్వసేతురా
ధీరుఁడైనవానినంత తెమలించవచ్చునా
చ. 1:
నయగారి వానికిఁ గా నంటుతోడి సరసాలు
ప్రియునికిఁ గా మంచిప్రేమమెల్లాను
క్రియ గలవానికిఁ గా క్రిందిమీఁది విచారాలు
భుఁయము లేనివానికి పట్టినదే పంతము
చ. 2:
ఆసగలవానికిఁ గా అందరితో వినయాలు
బాసగల వానికిఁ గా పాలకూళ్ళు
వేసరని వానికిఁ గా విచ్చనవిడి నవ్వులు
దోసమొల్లవానికి తోఁచినదే హితవు
చ. 3:
పనిగల వానికిఁ గా పైపై తమకములు
యెనసిన వానికిఁ గాను యేకాంతాలు
ఘన శ్రీవేంకటేశుఁడు గలసె నన్నింతలోనే
యెనలేక యీతనికి యెక్కినదే వయసు
