ఈ పుట అచ్చుదిద్దబడ్డది
జలు - జల్లి 833 జల్లి - జవ
జలుబునీళ్లు వదలిపోవు
- పొగ రడగు. కొత్త. 187.
జల్ల బండి
- పైన కప్పు లేనిబండి. కొత్త. 48.
జల్లి గంప
- సందు లున్న గంప.
జల్లి తోక
- కుచ్చుతోక.
జల్లి నీడ
- మధ్యమధ్య వెలుతురు పొడలున్న నీడ.
జల్లి పెండెము
- ఒక నగ.
జల్లిమాటలు
- వ్యర్థ ప్రలాపాలు, వట్టి మాటలు.
- జల్లెడ పట్టగా నిలుచునవి గట్టివి. అలా కానివి జల్లి మాటలు.
- నడుమ నడుమ సడలి విచ్చి పోయిన అనగా సత్యేతరత బయల్పడిన వగుటతోనూ జల్లిమాటలు కావచ్చును.
- "జల్లిమాటలు గాక సరిసేయ వచ్చు నే, సవరంబు లీశిరోజాతములకు." హంస. 1. 210.
జల్లి ముత్తెము
- సన్నటిముత్యము. బ్రౌన్.
జల్లిమూకుడు
- నడుమ సగందాకా రంధ్రాలున్న మూకుడు, సిబ్బి రేకు.
జల్లివేరు
- కొస కుచ్చుగా ఉన్న వేరు.
జల్దుకొని వచ్చు
- త్రోసుకొని వచ్చు.
- "జల్దుకొని వచ్చెఁ బైపైని సారమేయ, యాధములు." హర. 7. 38.
జల్లుకొను
- మూగు, గుంపగు.
జల్లు లాడు
- జలక్రీడ లాడు, నీళ్లు చల్లుకొను.
- "ఒండొరులమీఁద జలములు నిండుకొనఁగ, జల్లు లాడిరి సరసిలో సరసముగను." ఉషా. 2. 12.
జల్లెడపాటు వడు
- దట్టంగా పెరుగు.
జవకట్టు
- కూడిన, మేళవించిన.
జవకట్టికొను
- భద్రపఱుచుకొను, కూడుకొను.
- "భవరోగములు వీడి పాఱంగఁ బెద్దలు మున్ను, జవ కట్టుకొనిన నిచ్చల మైన మందు." తాళ్ల. సం. 5. 140.
