ఈ పుట అచ్చుదిద్దబడ్డది
కొఱ - కొఱ 546 కొఱ - కొఱ
కొఱకరాని కొయ్య
- దుస్సాధ్యుడు.
- "వాడు కొఱకరాని కొయ్య. వాడి దగ్గరికి ఎవరూ పోలేరు." వా.
కొఱక వచ్చు
- కసురుకొను.
- "వాడు మాట్లాడితే చాలు కొఱక వస్తాడు."
- చూ. కఱవ వచ్చు.
కొఱకుల తెరువుల పట్టించు
- అడవులపాలు చేయు, తఱిమి వేయు ; కొఱకు = బీడు.
- పచ్చికబీళ్లు పట్టించు - దిక్కులు పట్టించె ననుట వంటిదే.
- "పురములు గైకొని కొఱఁకుల, తెరువులఁ బట్టించె నన్ను దిక్పాలకులన్." ఉ. హరి. 1. 129.
కొఱకొఱ చూచు
- కోపముతో చూచు.
- "వా డెందుకో ఈ మధ్య నేనంటే కొఱకొఱ చూస్తున్నాడు." వా.
కొఱకొఱలాడు
- రుసరుసలాడు. రసిక. 5. 163.
కొఱ గల
- పనికి వచ్చునట్టి.
- "తఱి చనుదేర నాతని కుక్షివలనఁ, గొఱ గల యొక మంచి కొడుకు జనించె." ద్వి. భాగ. 8. శ. ర.
కొఱగాడు
- పనికి రాడు, సరిపడని వాడు.
- "ఏలినవానిన్, గొఱగాఁ డని కైకొన కిం,దఱఁ దెచ్చితి వీర లీశుదాసులు గారే?" కుమా. 2. 25.
- వాడుకలో: సరిపడని వా డనుటలో ఎక్కువగా ఉన్నది. రెండవది లేక పోలేదు.
- "వానికి నన్ను చూస్తే కొఱగాదు." వా.
- "వాడు దమ్మిడీకి కొఱగాడు." వా.
కొఱగాని
- పనికి రాని, కూడని.
- "పతి నే మేనియు నాడుట, సతికిం గొఱ గాదు." రుక్మాం. 4. 27.
కొఱగామి
- చెడుగు.
- "పార్థుఁడు తండ్రి బిడ్డలం, గలిపిన మేల కాక కొఱగామియుఁ గీడును నెద్ది పేర్కొనన్." జైమి. 1. 93.
కొఱడు కొట్ర
- కఱ్ఱా కంపా. జం. బస. 3. 65.
కొఱడుపాఱు
- కొయ్యబాఱు. బ్రౌన్.
కొఱడువడు
- కొయ్యబాఱు. అప్ప. 2. 196.
కొఱత పడు
- న్యూనత పడు, లోపించు.
- "కొంత దివ్యులలోపలఁ గొఱఁత పడఁగఁ." నిరంకు. 4. 37.
కొఱత పల్కు
- నీచముగా మాటలాడు, ఉదాసీనముగా మాటలాడు.
