30 కవికోకిల గ్రంథావళి [తృతీయాంకము
వ్వొలయఁ బవిత్రవర్తనను నొప్పని కారులుప్రేలినట్టి లో
కులను నుపేక్షసేఁత మనకు న్నరపాలురకైన ధర్మమే ?
అన్నా, లోకులు మందబుద్ధులు; గతానుగతికులు; సత్యాసత్య వివేక శూన్యులు.
రాము : అవును; అగుదురు.
లక్ష్మ : అట్లయిన వారి యపలాపప్రలాపములా మనకుఁ బ్రమాణములు ?
జను లపవాదముల్ పలుకఁ జాలుదురంచుఁ దలంచి, లంకలో
ననల విశుద్ధయౌటకు నిలాత్మజ మీ రడుగంగ నెమ్మనం
బున నళుకింతలేక నగుమోమునఁ జొచ్చె హుతాశనార్చులన్
జనకజ నిష్కళంకయని సన్నుతియింప నిలింపసంతతుల్.
రాము : వత్సా, నాకన్నులను నేనే విశ్వసింపక పోవుదునా ?
నమ్మెడివాఁడఁ గాను లలనామణి జానకి సంశయింప న్యా
యమ్మని, యైన లోకులు నయమ్మెడఁబాసి వివేకశూన్యులై
యి మ్మలినాపవాద ముదయింపగఁ జేసిరి ! దూఱువాప నిం
ద్యమ్మొ యధర్మమోవిధియొతమ్ముఁడ, నీ వెతలంపు మీయెడన్
లక్ష్మ : ఇఁక మూఢాత్ములే ధర్మసాక్షులా ?
రాము : లక్ష్మణా,
మూఢచిత్తులైన, బుద్ధిమంతులె యైనఁ
బ్రజల రంజనంబు పాలనంబు;