సామవేదము - పూర్వార్చికః - పఞ్చమ ప్రపాఠకః - ప్రథమోऽర్ధః

←ముందరి అధ్యాయము

సామవేదము (సామవేదము - పూర్వార్చికః - పఞ్చమ ప్రపాఠకః - ప్రథమోऽర్ధః)

తరువాతి అధ్యాయము→

పూర్వార్చికః - పఞ్చమ ప్రపాఠకః - ప్రథమోऽర్ధః - సూక్తము 1

గృణే తదిన్ద్ర తే శవ ఉపమాం దేవతాతయే|
యద్ధఁసి వృత్రమోజసా శచీపతే|| 1-5-1-01-01

యస్య త్యచ్ఛమ్బరం మదే దివోదాసాయ రన్ధయన్|
అయఁ స సోమ ఇన్ద్ర తే సుతః పిబ|| 1-5-1-01-02

ఏన్ద్ర నో గధి ప్రియ సత్రాజిదగోహ్య|
గిరిర్న విశ్వతః పృథుః పతిర్దివః|| 1-5-1-01-03

య ఇన్ద్ర సోమపాతమో మదః శవిష్ఠ చేతతి|
యేనా హఁసి న్యా3త్రిణం తమీమహే|| 1-5-1-01-04

తుచే తునాయ తత్సు నో ద్రాధీయ ఆయుర్జీవసే|
ఆదిత్యాసః సమహసః కృణోతన|| 1-5-1-01-05

వేత్థా హి నిరృతీనాం వజ్రహస్త పరివృజమ్|
అహరహః శున్ధ్యుః పరిపదామివ|| 1-5-1-01-06

అపామీవామప స్త్రిధమప సేధత దుర్మతిమ్|
ఆదిత్యాసో యుయోతనా నో అఁహసః|| 1-5-1-01-07

పిబా సోమమిన్ద్ర మన్దతు త్వా యం తే సుషావ హర్యశ్వాద్రిః|
సోతుర్బాహుభ్యాఁ సుయతో నార్వా|| 1-5-1-01-08

పూర్వార్చికః - పఞ్చమ ప్రపాఠకః - ప్రథమోऽర్ధః - సూక్తము 2

అభ్రాతృవ్యో అనా త్వమనాపిరిన్ద్ర జనుషా సనాదసి|
యుధేదాపిత్వమిచ్ఛసే|| 1-5-1-02-01

యో న ఇదమిదం పురా ప్ర వస్య ఆనినాయ తము వ స్తుషే|
సఖాయ ఇన్ద్రమూతయే|| 1-5-1-02-02

ఆ గన్తా మా రిషణ్యత ప్రస్థావానో మాప స్థాత సమన్యవః|
దృఢా చిద్యమయిష్ణవః|| 1-5-1-02-03

ఆ యాహ్యయమిన్దవేऽశ్వపతే గోపత ఉర్వరాపతే|
సోమఁ సోమపతే పిబ|| 1-5-1-02-04

త్వయా హ స్విద్యుజా వయం ప్రతి శ్వసన్తం వృషభ బ్రువీమహి|
సఁస్థే జనస్య గోమతః|| 1-5-1-02-05

గావశ్చిద్ధా సమన్యవః సజాత్యేన మరుతః సబన్ధవః|
రిహతే కకుభో మిథః|| 1-5-1-02-06

త్వం న ఇన్ద్రా భర ఓజో నృమ్ణఁ శతక్రతో విచర్షణే|
ఆ వీరం పృతనాసహమ్|| 1-5-1-02-07

అధా హీన్ద్ర గిర్వణ ఉప త్వా కామ ఈమహే ససృగ్మహే|
ఉదేవ గ్మన్త ఉదభిః|| 1-5-1-02-08

సీదన్తస్తే వయో యథా గోశ్రీతే మధౌ మదిరే వివక్షణే|
అభి త్వామిన్ద్ర నోనుమః|| 1-5-1-02-09

వయము త్వామపూర్వ్య స్థూరం న కచ్చిద్భరన్తోऽవస్యవః|
వజ్రిఞ్చిత్రఁ హవామహే|| 1-5-1-02-10

పూర్వార్చికః - పఞ్చమ ప్రపాఠకః - ప్రథమోऽర్ధః - సూక్తము 3

స్వాదోరిత్థా విషూవతో మధోః పిబన్తి గౌర్యః|
యా ఇన్ద్రేణ సయావరీర్వృష్ణా మదన్తి శోభథా వస్వీరను స్వరాజ్యమ్|| 1-5-1-03-01

ఇత్థా హి సోమ ఇన్మదో బ్రహ్మ చకార వర్ధనమ్|
శవిష్ఠ వజ్రిన్నోజసా పృథివ్యా నిః శశా అహిమర్చన్నను స్వరాజ్యమ్|| 1-5-1-03-02

ఇన్ద్రో మదాయ వావృధే శవసే వృత్రహా నృభిః|
తమిన్మహత్స్వాజిషూతిమర్భే హవామహే స వాజేషు ప్ర నోऽవిషత్|| 1-5-1-03-03

ఇన్ద్ర తుభ్యమిదద్రివోऽనుత్తం వజ్రిన్వీర్యమ్|
యద్ధ త్యం మాయినం మృగం తవ త్యన్మాయయావధీరర్చన్నను స్వరాజ్యమ్|| 1-5-1-03-04

ప్రేహ్యభీహి ధృష్ణుహి న తే వజ్రో ని యఁసతే|
ఇన్ద్ర నృమ్ణఁ హి తే శవో హనో వృత్రం జయా అపోऽర్చన్నను స్వరాజ్యమ్|| 1-5-1-03-05

యదుదీరత ఆజయో ధృష్ణవే ధీయతే ధనమ్|
యుఙ్క్ష్వా మదచ్యుతా హరీ కఁ హనః కం వసౌ దధోऽస్మాఁ ఇన్ద్ర వసౌ దధః|| 1-5-1-03-06

అక్షన్నమీమదన్త హ్యవ ప్రియా అధూషత|
అస్తోషత స్వభానవో విప్రా నవిష్ఠయా మతీ యోజా న్విన్ద్ర తే హరీ|| 1-5-1-03-07

ఉపో షు శృణుహీ గిరో మఘవన్మాతథా ఇవ|
కదా నః సూనృతావతః కర ఇదర్థయాస ఇద్యోజా న్విన్ద్ర తే హరీ|| 1-5-1-03-08

చన్ద్రమా అప్స్వా3న్తరా సుపర్ణో ధావతే దివి|
న వో హిరణ్యనేమయః పదం విన్దన్తి విద్యుతో విత్తం మే అస్య రోదసీ|| 1-5-1-03-09

ప్రతి ప్రియతమఁ రథం వృషణం వసువాహనమ్|
స్తోతా వామశ్వినావృశి స్తోమేభిర్భూషతి ప్రతి మాధ్వీ మమ శ్రుతఁ హవమ్|| 1-5-1-03-10

పూర్వార్చికః - పఞ్చమ ప్రపాఠకః - ప్రథమోऽర్ధః - సూక్తము 4

ఆ తే అగ్న ఇధీమహి ద్యుమన్తం దేవాజరమ్|
యుద్ధ స్యా తే పనీయసీ సమిద్దీదయతి ద్యవీషఁ స్తోతృభ్య ఆ భర|| 1-5-1-04-01

ఆగ్నిం న స్వవృక్తిభిర్హోతారం త్వా వృణీమహే|
శీరం పావకశోచిషం వి వో మదే యజ్ఞేషు స్తీర్ణబర్హిషం వివక్షసే|| 1-5-1-04-02

మహే నో అద్య బోధయోషో రాయే దివిత్మతీ|
యథా చిన్నో అబోధయః సత్యశ్రవసి వాయ్యే సుజాతే అశ్వసూనృతే|| 1-5-1-04-03

భద్రం నో అపి వాతయ మనో దక్షముత క్రతుమ్|
అథా తే సఖ్యే అన్ధసో వి వో మదే రణా గావో న యవసే వివక్షసే|| 1-5-1-04-04

క్రత్వా మహాఁ అనుష్వధం భీమ ఆ వావృతే శవః|
శ్రియ ఋష్వ ఉపాకయోర్ని శిప్రీ హరివాం దధే హస్తయోర్వజ్రమాయసమ్|| 1-5-1-04-05

స ఘా తం వృషణఁ రథమధి తిష్ఠాతి గోవిదమ్|
యః పాత్రఁ హారియోజనం పూర్ణమిన్ద్రా చికేతతి యోజా న్విన్ద్ర తే హరీ|| 1-5-1-04-06

అగ్నిం తం మన్యే యో వసురస్తం యం యన్తి ధేనవః|
అస్తమర్వన్త ఆశవోऽస్తం నిత్యాసో వాజిన ఇషఁ స్తోతృభ్య ఆ భర|| 1-5-1-04-07

న తమఁహో న దురితం దేవాసో అష్ట మర్త్యమ్|
సజోషసో యమర్యమా మిత్రో నయతి వరుణో అతి ద్విషః|| 1-5-1-04-08

పూర్వార్చికః - పఞ్చమ ప్రపాఠకః - ప్రథమోऽర్ధః - సూక్తము 5

పరి ప్ర ధన్వేన్ద్రాయ సోమ స్వాదుర్మిత్రాయ పూష్ణే భగాయ|| 1-5-1-05-01

పర్యూ షు ప్ర ధన్వ వాజసాతయే పరి వృత్రాణి సక్షణిః|
ద్విషస్తరధ్యా ఋణయా న ఈరసే|| 1-5-1-05-02

పవస్వ సోమ మహాన్త్సముద్రః పితా దేవానాం విశ్వాభి ధామ|| 1-5-1-05-03

పవస్వ సోమ మహే దక్షాయాశ్వో న నిక్తో వాజీ ధనాయ|| 1-5-1-05-04

ఇన్దుః పవిష్ట చారుర్మదాయాపాముపస్థే కవిర్భగాయ|| 1-5-1-05-05

అను హి త్వా సుతఁ సోమ మదామసి మహే సమర్యరాజ్యే|
వాజాఁ అభి పవమాన ప్ర గాహసే|| 1-5-1-05-06

క ఈం వ్యక్తా నరః సనీడా రుద్రస్య మర్యా అథ స్వశ్వాః|| 1-5-1-05-07

అగ్నే తమద్యాశ్వం న స్తోమైః క్రతుం న భద్రఁ హృదిస్పృశమ్|
ఋధ్యామా త ఓహైః|| 1-5-1-05-08

ఆవిర్మర్యా ఆ వాజం వాజినో అగ్మం దేవస్య సవితుః సవమ్|
స్వర్గాఁ అర్వన్తో జయత|| 1-5-1-05-09

పవస్వ సోమ ద్యుమ్నీ సుధారో మహాఁ అవీనామనుపూర్వ్యః|| 1-5-1-05-10