సామవేదము - పూర్వార్చికః - పఞ్చమ ప్రపాఠకః - ద్వితీయోऽర్ధః

←ముందరి అధ్యాయము

సామవేదము (సామవేదము - పూర్వార్చికః - పఞ్చమ ప్రపాఠకః - ద్వితీయోऽర్ధః)

తరువాతి అధ్యాయము→

పూర్వార్చికః - పఞ్చమ ప్రపాఠకః - ద్వితీయోऽర్ధః - సూక్తము 1

విశ్వతోదావన్విశ్వతో న ఆ భర యం త్వా శవిష్ఠమీమహే|| 1-5-2-01-01

ఏష బ్రహ్మా య ఋత్వియ ఇన్ద్రో నామ శ్రుతో గృణే|| 1-5-2-01-02

బ్రహ్మాణ ఇన్ద్రం మహయన్తో అర్కైరవర్ధయన్నహయే హన్తవా ఉ|| 1-5-2-01-03

అనవస్తే రథమశ్వాయ తక్షుస్త్వష్టా వజ్రం పురుహూత ద్యుమన్తమ్|| 1-5-2-01-04

శం పదం మఘఁ రయీషిణో న కామమవ్రతో హినోతి న స్పృశద్రయిమ్|| 1-5-2-01-05

సదా గావః శుచయో విశ్వధాయసః సదా దేవా అరేపసః|| 1-5-2-01-06

ఆ యాహి వనసా సహ గావః సచన్త వర్త్తనిం యదూధభిః|| 1-5-2-01-07

ఉప ప్రక్షే మధుమతి క్షియన్తః పుష్యేమ రయిం ధీమహే త ఇన్ద్ర|| 1-5-2-01-08

అర్చన్త్యర్కం మరుతః స్వర్క్కా ఆ స్తోభతి శ్రుతో యువా స ఇన్ద్రః|| 1-5-2-01-09

ప్ర వ ఇన్ద్రాయ వృత్రహన్తమాయ విప్రాయ గాథం గాయత యం జుజోషతే|| 1-5-2-01-010

పూర్వార్చికః - పఞ్చమ ప్రపాఠకః - ద్వితీయోऽర్ధః - సూక్తము 2

అచేత్యగ్నిశ్చికితిర్హవ్యవాడ్న సుమద్రథః|| 1-5-2-02-01

అగ్నే త్వం నో అన్తమ ఉత త్రాతా శివో భువో వరూథ్యః|| 1-5-2-02-02

భగో న చిత్రో అగ్నిర్మహోనాం దధాతి రత్నమ్|| 1-5-2-02-03

విశ్వస్య ప్ర స్తోభ పురో వా సన్యది వేహ నూనమ్|| 1-5-2-02-04

ఉషా అప స్వసుష్టమః సం వర్త్తయతి వర్త్తనిఁ సుజాతతా|| 1-5-2-02-05

ఇమా ను కం భువనా సీషధేమేన్ద్రశ్చ విశ్వే చ దేవాః|| 1-5-2-02-06

వి స్రుతయో యథా పథ ఇన్ద్ర త్వద్యన్తు రాతయః|| 1-5-2-02-07

అయా వాజం దేవహితఁ సనేమ మదేమ శతహిమాః సువీరాః|| 1-5-2-02-08

ఊర్జా మిత్రో వరుణః పిన్వతేడాః పీవరీమిషం కృణుహీ న ఇన్ద్ర|| 1-5-2-02-09

ఇన్ద్రో విశ్వస్య రాజతి|| 1-5-2-02-010

పూర్వార్చికః - పఞ్చమ ప్రపాఠకః - ద్వితీయోऽర్ధః - సూక్తము 3

త్రికద్రుకేషు మహిషో యవాశిరం తువిశుష్మస్తృమ్పత్సోమమపిబద్విష్ణునా సుతం యథావశమ్|
స ఈం మమాద మహి కర్మ కర్త్తవే మహామురుఁ సైనఁ సశ్చద్దేవో దేవఁ సత్య ఇన్దుః సత్యమిన్ద్రమ్|| 1-5-2-03-01

అయఁ సహస్రమానవో దృశః కవీనాం మతిర్జ్యోతిర్విధర్మ|
బ్రధ్నః సమీచీరుషసః సమైరయదరేపసః సోచేతసః స్వసరే మన్యుమన్తశ్చితా గోః|| 1-5-2-03-02

ఏన్ద్ర యాహ్యుప నః పరావతో నాయమచ్ఛా విదథానీవ సత్పతిరస్తా రాజేవ సత్పతిః|
హవామహే త్వా ప్రయస్వన్తః సుతేష్వా పుత్రాసో న పితరం వాజసాతయే మఁహిష్ఠం వాజసాతయే|| 1-5-2-03-03

తమిన్ద్రం జోహవీమి మఘవానముగ్రఁ సత్రా దధానమప్రతిష్కుతఁ శ్రవాఁసి భూరిః|
మఁహిష్ఠో గీర్భిరా చ యజ్ఞియో వవర్త్త రాయే నో విశ్వా సుపథా కృణోతు వజ్రీ|| 1-5-2-03-04

అస్తు శ్రౌష్ట్పురో అగ్నిం ధియా దధ ఆ ను త్యచ్ఛర్ధో దివ్యం వృణీమహ ఇన్ద్రవాయూ వృణీమహే|
యద్ధ క్రాణా వివస్వతే నాభా సన్దాయ నవ్యసే|
అధ ప్ర నూనముప యన్తి ధీతయో దేవాఁఅచ్ఛా న ధీతయః|| 1-5-2-03-05

ప్ర వో మహే మతయో యన్తు విష్ణవే మరుత్వతే గిరిజా ఏవయామరుత్|
ప్ర శర్ధాయ ప్ర యజ్యవే సుఖాదయే తవసే భన్దదిష్టయే ధునివ్రతాయ శవసే|| 1-5-2-03-06

అయా రుచా హరిణ్యా పునానో విశ్వా ద్వేషాఁసి తరతి సయుగ్వభిః సూరో న సయుగ్వభిః|
ధారా పృష్ఠస్య రోచతే పునానో అరుషో హరిః|
విశ్వా యద్రూపా పరియాస్యృక్వభిః సప్తాస్యేభిరృక్వభిః|| 1-5-2-03-07

అభి త్యం దేవఁ సవితారమోణ్యోః కవిక్రతుమర్చామి సత్యసవఁ రత్నధామభి ప్రియం మతిమ్
ఊర్ధ్వా యస్యామతిర్భా అదిద్యుతత్సవీమని హిరణ్యపాణిరమిమీత సుక్రతుః కృపా స్వః|| 1-5-2-03-08

అగ్నిఁ హోతారం మన్యే దాస్వన్తం వసోః సూనుఁ సహసో జాతవేదసం విప్రం న జాతవేదసమ్|
య ఊర్ధ్వయా స్వధ్వరో దేవో దేవాచ్యా కృపా|
ఘృతస్య విభ్రాష్టిమను శుక్రశోచిష ఆజుహ్వానస్య సర్పిషః|| 1-5-2-03-09

తవ త్యన్నర్యం నృతోऽప ఇన్ద్ర ప్రథమం పూర్వ్యం దివి ప్రవాచ్యం కృతమ్|
యో దేవస్య శవసా ప్రారిణా అసు రిణన్నపః|
భువో విశ్వమభ్యదేవమోజసా విదేదూర్జఁ శతక్రతుర్విదేదిషమ్|| 1-5-2-03-10

పూర్వార్చికః - పఞ్చమ ప్రపాఠకః - ద్వితీయోऽర్ధః - సూక్తము 4

ఉచ్చా తే జాతమన్ధసో దివి సద్భూమ్యా దదే|
ఉగ్రఁ శర్మ మహి శ్రవః|| 1-5-2-04-01

స్వాదిష్ఠయా మదిష్ఠయా పవస్వ సోమ ధారయా|
ఇన్ద్రాయ పాతవే సుతః|| 1-5-2-04-02

వృషా పవస్వ ధారయా మరుత్వతే చ మత్సరః|
విశ్వా దధాన ఓజసా|| 1-5-2-04-03

యస్తే మదో వరేణ్యస్తేనా పవస్వాన్ధసా|
దేవావీరఘశఁసహా|| 1-5-2-04-04

తిస్రో వాచ ఉదీరతే గావో మిమన్తి ధేనవః|
హరిరేతి కనిక్రదత్|| 1-5-2-04-05

ఇన్ద్రాయేన్దో మరుత్వతే పవస్వ మధుమత్తమః|
అర్కస్య యోనిమాసదమ్|| 1-5-2-04-06

అసావ్యఁశుర్మదాయాప్సు దక్షో గిరిష్ఠాః|
శ్యేనో న యోనిమాసదత్|| 1-5-2-04-07

పవస్వ దక్షసాధనో దేవేభ్యః పీతయే హరే|
మరుద్భ్యో వాయవే మదః|| 1-5-2-04-08

పరి స్వానో గిరిష్ఠాః పవిత్రే సోమో అక్షరత్|
మదేషు సర్వధా అసి|| 1-5-2-04-09

పరి ప్రియా దివః కవిర్వయాఁసి నప్త్యోర్హితః|
స్వానైర్యాతి కవిక్రతుః|| 1-5-2-04-10

పూర్వార్చికః - పఞ్చమ ప్రపాఠకః - ద్వితీయోऽర్ధః - సూక్తము 5

ప్ర సోమాసో మదచ్యుతః శ్రవసే నో మఘోనః|
సుతా విదథే అక్రముః|| 1-5-2-05-01

ప్ర సోమాసో విపశ్చితోऽపో నయన్త ఊర్మయః|
వనాని మహిషా ఇవ|| 1-5-2-05-02

పవస్వేన్దో వృషా సుతః కృధీ నో యశసో జనే|
విశ్వా అప ద్విషో జహి|| 1-5-2-05-03

వృషా హ్యసి భానునా ద్యుమన్తం త్వా హవామహే|
పవమాన స్వర్దృశమ్|| 1-5-2-05-04

ఇన్దుః పవిష్ట చేతనః ప్రియః కవీనాం మతిః|
సృజదశ్వఁ రథీరివ|| 1-5-2-05-05

అసృక్షత ప్ర వాజినో గవ్యా సోమాసో అశ్వయా|
శుక్రాసో వీరయాశవః|| 1-5-2-05-06

పవస్వ దేవ ఆయుషగిన్ద్రం గచ్ఛతు తే మదః|
వాయుమా రోహ ధర్మణా|| 1-5-2-05-07

పవమానో అజీజనద్దివశ్చిత్రం న తన్యతుమ్|
జ్యోతిర్వైశ్వానరం బృహత్|| 1-5-2-05-08

పరి స్వానాస ఇన్దవో మదాయ బర్హణా గిరా|
మధో అర్షన్తి ధారయా|| 1-5-2-05-09

పరి ప్రాసిష్యదత్కవిః సిన్ధోరూర్మావధి శ్రితః|
కారుం బిభ్రత్పురుస్పృహమ్|| 1-5-2-05-10