సామవేదము - ఉత్తర ఆర్చికః - షష్ఠ ప్రపాఠకః - ప్రథమోऽర్ధః

←ముందరి అధ్యాయము

సామవేదము (సామవేదము - ఉత్తర ఆర్చికః - షష్ఠ ప్రపాఠకః - ప్రథమోऽర్ధః)

తరువాతి అధ్యాయము→

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 1

సుషమిద్ధో న ఆ వహ దేవాఁ అగ్నే హవిష్మతే|
హోతః పావక యక్షి చ||

మధుమన్తం తనూనపాద్యజ్ఞం దేవేషు నః కవే|
అద్యా కృణుయ్హూతయే||

నరాశఁసమిహ ప్రియమస్మిన్యజ్ఞ ఉప హ్వయే|
మధుజిహ్వఁ హవిష్కృతమ్||

అగ్నే సుఖతమే రథే దేవాఁ ఈడిత ఆ వహ|
అసి హోతా మనుర్హితః||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 2

యదద్య సూర ఉదితేऽనాగా మిత్రో అర్యమా|
సువాతి సవితా భగః||

సుప్రావీరస్తు స క్షయః ప్ర ను యామన్త్సుదానవః|
యే నో అఁహోऽతిపిప్రతి||

ఉత స్వరాజో అదితిరదబ్ధస్య వ్రతస్య యే|
మహో రాజాన ఈశతే||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 3

ఉ త్వా మన్దన్తు సోమాః కృణుష్వ రాధో అద్రివః|
అవ బ్రహ్మద్విషో జహి||

పదా పణీనరాధసో ని బాధస్వ మహాఁ అసి|
న హి త్వా కశ్చ న ప్రతి||

త్వమీశిషే సుతానామిన్ద్ర త్వమసుతానామ్|
త్వఁ రాజా జనానామ్||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 4

ఆ జాగృవిర్విప్ర ఋతాం మతీనాఁ సోమః పునానో అసదచ్చమూషు|
సపన్తి యం మిథునాసో నికామా అధ్వర్యవో రథిరాసః సుహస్తాః||

స పునాన ఉప సూరే దధాన ఓబే అప్రా రోదసీ వి ష ఆవః|
ప్రియా చిద్యస్య ప్రియసాస ఊతీ సతో ధనం కారిణే న ప్ర యఁసత్||

స వర్ధితా వర్ధనః పూయమానః సోమో మీఢ్వాఁ అభి నో జ్యోతిషావీత్|
యత్ర నః పూర్వే పితరః పదజ్ఞాః స్వర్విదో అభి గా అద్రిమిష్ణన్||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 5

మా చిదన్యద్వి శఁసత సఖాయో మా రిషణ్యత|
ఇన్ద్రమిత్స్తోతా వృషణఁ సచా సుతే ముహురుక్థా చ శఁసత||

అవక్రక్షిణం వృషభం యథా జువం గాం న చర్షణీసహమ్|
విద్వేషణఁ సంవననముభయఙ్కరం మఁహిష్ఠముభయావినమ్||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 6

ఉదు త్యే మధుమత్తమా గిర స్తోమాస ఈరతే|
సత్రాజితో ధనసా అక్షితోతయో వాజన్తో రథా ఇవ||

కణ్వా ఇవ భృగవః సూర్యా ఇవ విశ్వమిద్ధీతమాశత|
ఇన్ద్రఁ స్తోమేభిర్మహయన్త ఆయవః ప్రియమేధాసో అస్వరన్||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 7

పర్యూ షు ప్ర ధన్వ వాజసాతయే పరి వృత్రాణి సక్షణిః|
ద్విషస్తరధ్యా ఋణయా న ఈరసే||

అజీజనో హి పవమాన సూర్యం విధారే శక్మనా పయః|
గోజీరయా రఁహమానః పురన్ధ్యా||

అను హి త్వా సుతఁ సోమ మదామసి మహే సమర్యరాజ్యే|
వాజాఁ అభి పవమాన ప్ర గాహసే||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 8

పరి ప్ర ధన్వేన్ద్రాయ సోమ స్వాదుర్మిత్రాయ పూష్ణే భగాయ||

ఏవామృతాయ మహే క్షయాయ స శుక్రో అర్ష దివ్యః పీయూషః||

ఇన్ద్రస్తే సోమ సుతస్య పేయాత్క్రత్వే దక్షాయ విశ్వే చ దేవాః||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 9

సూర్యస్యేవ రశ్మయో ద్రావయిత్నవో మత్సరాసః ప్రసుతః సాకమీరతే|
తన్తుం తతం పరి సర్గాస ఆశవో నేన్ద్రాదృతే పవతే ధామ కిం చన||

ఉపో మతిః పృచ్యతే సిచ్యతే మధు మన్ద్రాజనీ చోదతే అన్తరాసని|
పవమానః సన్తనిః సున్వతామివ మధుమాన్ద్రప్సః పరి వారమర్షతి||

ఉక్షా మిమేతి ప్రతి యన్తి ధేనవో దేవస్య దేవీరుప యన్తి నిష్కృతమ్|
అత్యక్రమీదర్జునం వారమవ్యయమత్కం న నిక్తం పరి సోమో అవ్యత||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 10

అగ్నిం నరో దీధితిభిరరణ్యోర్హస్తచ్యుతం జనయత ప్రశస్తమ్|
దూరేదృశం గృహపతిమథవ్యుమ్||

తమగ్నిమస్తే వసవో న్యృణ్వన్త్సుప్రతిచక్షమవసే కుతశ్చిత్|
దక్షాయ్యో యో దమ ఆస నిత్యః||

ప్రేద్ధో అగ్నే దీదిహి పురో నోऽజస్రయా సూర్మ్యా యవిష్ఠ|
త్వాఁ శశ్వన్త ఉప యన్తి వాజాః||

ఉత్తర ఆర్చికః - షష్ఠ ప్రపాఠకః - ప్రథమోऽర్ధః - సూక్తము 11

ఆయం గౌః పృశ్నిరక్రమీదసదన్మాతరం పురః|
పితరం చ ప్రయన్త్స్వః||

అన్తశ్చరతి రోచనాస్య ప్రాణాదపానతీ|
వ్యఖ్యన్మహిషో దివమ్||

త్రిఁశద్ధామ వి రాజతి వాక్పతఙ్గాయ ధీయతే|
ప్రతి వస్తోరహ ద్యుభిః||