సామవేదము - ఉత్తర ఆర్చికః - షష్ఠ ప్రపాఠకః - తృతీయోऽర్ధః
| ←ముందరి అధ్యాయము | సామవేదము (సామవేదము - ఉత్తర ఆర్చికః - షష్ఠ ప్రపాఠకః - తృతీయోऽర్ధః) | తరువాతి అధ్యాయము→ |
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 1[మార్చు]
పవస్వ వృష్టిమా సు నోऽపామూర్మిం దివస్పరి|
అయక్ష్మా బృహతీరిషః||
తయా పవస్వ ధారయా యయా గావ ఇహాగమన్|
జన్యాస ఉప నో గృహమ్||
ఘృతం పవస్వ ధారయా యజ్ఞేషు దేవవీతమః|
అస్మభ్యం వృష్టిమా పవ||
స న ఊర్జే వ్యావ్యయం పవిత్రం ధావ ధారయా|
దేవాసః శృణవన్హి కమ్||
పవమానో అసిష్యదద్రక్షాఁస్యపజఙ్ఘనత్|
ప్రత్నవద్రోచయన్రుచః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 2[మార్చు]
ప్రత్యస్మై పిపీషతే విశ్వాని విదుషే భర|
అరఙ్గమాయ జగ్మయేऽపశ్చాదధ్వనే నరః||
ఏమేనం ప్రత్యేతన సోమేభిః సోమపాతమమ్|
అమత్రేభిరృజీషిణమిన్ద్రఁ సుతేభిరిన్దుభిః||
యదీ సుతేభిరిన్దుభిః సోమేభిః ప్రతిభూషథ|
వేదా విశ్వస్య మేధిరో ధృషత్తన్తమిదేషతే||
అస్మాస్మా ఇదన్ధసోऽధ్వర్యో ప్ర భరా సుతమ్|
కువిత్సమస్య జేన్యస్య శర్ధతోऽభిశస్తేరవస్వరత్||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 3[మార్చు]
బభ్రవే ను స్వతవసేऽరుణాయ దివిస్పృశే|
సోమాయ గాథమర్చత||
హస్తచ్యుతేభిరద్రిభిః సుతఁ సోమం పునీతన|
మధావా ధావతా మధు||
నమసేదుప సీదత దధ్నేదభి శ్రీణీతన|
ఇన్దుమిన్ద్రే దధాతన||
అమిత్రహా విచర్షణిః పవస్వ సోమ శం గవే|
దేవేభ్యో అనుకామకృత్||
ఇన్ద్రాయ సోమ పాతవే మదాయ పరి షిచ్యసే|
మనశ్చిన్మనసస్పతిః||
పవమాన సువీర్యఁ రయిఁ సోమ రిరీహి నః|
ఇన్దవిన్ద్రేణ నో యుజా||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 4[మార్చు]
ఉద్ధేదభి శ్రుతామఘం వృషమం నర్యాపసమ్|
అస్తారమేషి సూర్య||
నవ యో నవతిం పురో బిభేద బాహ్వోజసా|
అహిం చ వృత్రహావధీత్||
స న ఇన్ద్రః శివః సఖాశ్వావద్గోమద్యవమత్|
ఉరుధారేవ దోహతే||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 5[మార్చు]
విభ్రాడ్ బృహత్పిబతు సోమ్యం మధ్వాయుర్దధద్యజ్ఞపతావవిహ్రుతమ్|
వాతజూతో యో అభిరక్షతి త్మనా ప్రజాః పిపర్తి బహుధా వి రాజతి||
విభ్రాడ్ బృహత్సుభృతం వాజసాతమం ధర్మం దివో ధరుణే సత్యమర్పితమ్|
అమిత్రహా వృత్రహా దస్యుహన్తమం జ్యోతిర్జజ్ఞే అసురహా సపత్నహా||
ఇదఁ శ్రేష్ఠం జ్యోతిషాం జ్యోతిరుత్తమం విశ్వజిద్ధనజిదుచ్యతే బృహత్|
విశ్వభ్రాడ్ భ్రాజో మహి సూర్యో దృశ ఉరు పప్రథే సహ ఓజో అచ్యుతమ్||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 6[మార్చు]
ఇన్ద్ర క్రతుం న ఆ భర పితా పుత్రేభ్యో యథా|
శిక్షా ణో అస్మిన్పురుహూత యామని జీవ జ్యోతిరశీమహి||
మా నో అజ్ఞాతా వృజనా దురాధ్యో మాశివాసోऽవ క్రముః|
త్వయా వయం ప్రవతః శశ్వతీరపోऽతి శూర తరామసి||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 7[మార్చు]
అద్యాద్యా శ్వఃశ్వ ఇన్ద్ర త్రాస్వ పరే చ నః|
విశ్వా చ నో జరితౄన్త్సత్పతే అహా దివా నక్తం చ రక్షిషః||
ప్రభఙ్గీ శూరో మఘవా తువీమఘః సమ్మిశ్లో విర్యాయ కమ్|
ఉభా తే బాహూ వృషణా శతక్రతో ని యా వజ్రం మిమిక్షతుః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 8[మార్చు]
జనీయన్తో న్వగ్రవః పుత్రీయన్తః సుదానవః|
సరస్వన్తఁ హవామహే||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 9[మార్చు]
ఉత నః ప్రియా ప్రియాసు సప్తస్వసా సుజుష్టా|
సరస్వతీ స్తోమ్యా భూత్||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 10[మార్చు]
తత్సవితుర్వరేణ్యం భర్గో దేవస్య ధీమహి|
ధియో యో నః ప్రచోదయాత్||
సోమానాఁ స్వరణం కృణుహి బ్రహ్మణస్పతే|
కక్షీవన్తఁ య ఔశిజః||
అగ్న ఆయూఁషి పవసే ఆ సువోర్జం ఇషం చ నః|
ఆరే బాధస్వ దుచ్ఛునామ్||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 11[మార్చు]
తా నః శక్తం పార్థివస్య మహో రాయో దివ్యస్య|
మహి వా క్షత్రం దేవేషు||
ఋతమృతేన సపన్తేషిరం దక్షమాశాతే|
అద్రుహా దేవౌ వర్ధేతే||
వృష్టిద్యావా రీత్యాపేషస్పతీ దానుమత్యాః|
బృహన్తం గర్త్తమాశాతే||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 12[మార్చు]
యుఞ్జన్తి బ్రధ్నమరుషం చరన్తం పరి తస్థుషః|
రోచన్తే రోచనా దివి||
యుఞ్జన్త్యస్య కామ్యా హరీ విపక్షసా రథే|
శోణా ధృష్ణూ నృవాహసా||
కేతుం కృణ్వన్నకేతవే పేశో మర్యా అపేశసే|
సముషద్భిరజాయథాః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 13[మార్చు]
అయఁ సోమ ఇన్ద్ర తుభ్యఁ సున్వే తుభ్యం పవతే త్వమస్య పాహి|
త్వఁ హ యం చకృషే త్వం వవృష ఇన్దుం మదాయ యుజ్యాయ సోమమ్||
స ఈఁ రథో న భురిషాడయోజి మహః పురూణి సాతయే వసూని|
ఆదీం విశ్వా నహుష్యాణి జాతా స్వర్షాతా వన ఊర్ధ్వా నవన్త||
శుష్మీ శర్ధో న మారుతం పవస్వానభిశస్తా దివ్యా యథా విట్|
ఆపో న మక్షూ సుమతిర్భవా నః సహస్రాప్సాః పృతనాషాణ్న యజ్ఞః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 14[మార్చు]
త్వమగ్నే యజ్ఞానాఁ హోతా విశ్వేషాఁ హితః|
దేవేభిర్మానుషే జనే||
స నో మన్ద్రాభిరధ్వరే జిహ్వాభిర్యజా మహః|
ఆ దేవాన్వక్షి యక్షి చ||
వేత్థా హి వేధో అధ్వనః పథశ్చ దేవాఞ్జసా|
అగ్నే యజ్ఞేషు సుక్రతో||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 15[మార్చు]
హోతా దేవో అమర్త్యః పురస్తాదేతి మాయయా|
విదథాని ప్రచోదయన్||
వాజీ వాజేషు ధీయతేऽధ్వరేషు ప్ర ణీయతే|
విప్రో యజ్ఞస్య సాధనః||
ధియా చక్రే వరేణ్యో భూతానాం గర్భమా దధే|
దక్షస్య పితరం తనా||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 16[మార్చు]
ఆ సుతే సిఞ్చత శ్రియఁ రోదస్యోరభిశ్రియమ్|
రసా దధీత వృషభమ్||
తే జానత స్వమోక్యాఁ సం వత్సాసో న మాతృభిః|
మిథో నసన్త జామిభిః||
ఉప స్రక్వేషు బప్సతః కృణ్వతే ధరుణం దివి|
ఇన్ద్రే అగ్నా నమః స్వః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 17[మార్చు]
తదిదాస భువనేషు జ్యేష్టం యతో జజ్ఞా ఉగ్రస్త్వేషనృమ్ణః|
సద్యో జజ్ఞానో ని రిణాతి శత్రూనను యం విశ్వే మదన్త్యూమాః||
వావృధానః శవసా భూర్యోజాః శత్రుర్దాసాయ భియసం దధాతి|
అవ్యనచ్చ వ్యనచ్చ సస్ని సం తే నవన్త ప్రభృతా మదేషు||
త్వే క్రతుమపి వృఞ్జన్తి విశ్వే ద్విర్యదేతే త్రిర్భవన్త్యూమాః|
స్వాదోః స్వాదీయః స్వాదునా సృజా సమదః సు మధు మధునాభి యోధీః||
ఉత్తర ఆర్చికః - షష్ఠ ప్రపాఠకః - తృతీయోऽర్ధః - సూక్తము 18[మార్చు]
త్రికద్రుకేషు మహిషో యవాశిరం తువిశుష్మస్తృమ్పత్సోమమపిబద్విష్ణునా సుతం యథావశమ్|
స ఈం మమాద మహి కర్మ కర్తవే మహామురుఁ సైనఁ సశ్చద్దేవో దేవఁ సత్య ఇన్దుః సత్యమిన్ద్రమ్||
సాకం జాతః క్రతునా సాకమోజసా వవక్షిథ సాకం వృద్ధో వీర్యైః సాసహిర్మృధో విచర్షణిః|
దాతా రాధ స్తువతే కామ్యం వసు ప్రచేతన సైనఁ సశ్చద్దేవో దేవఁ సత్య ఇన్దుః సత్యమిన్ద్రమ్||
అధ త్విషీమాఁ అభ్యోజసా కృవిం యుధాభవదా రోదసీ అపృణదస్య మజ్మనా ప్ర వావృధే|
అధత్తాన్యం జఠరే ప్రేమరిచ్యత ప్ర చేతయ సైనఁ సశ్చద్దేవో దేవఁ సత్య ఇన్దుః సత్యమిన్ద్రమ్||