శుక్ల యజుర్వేదము - అధ్యాయము 9
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 9) | తరువాతి అధ్యాయము→ |
దేవ సవితః ప్ర సువ యజ్ఞం ప్ర సువ యజ్ఞపతిం భగాయ |
దివ్యో గన్ధర్వః కేతుపూః కేతం నః పునాతు వాచస్పతిర్వాజం నః
స్వదతు స్వాహా ||
ధ్రువసదం త్వా నృషదం మనఃసదమ్ |
ఉపయామగృహీతో సీన్ద్రాయ త్వా జుష్టం గృహ్ణామి |
ఏష తే యోనిరిన్ద్రాయ త్వా జుష్టతమమ్ |
అప్సుషదం త్వా ఘృతసదం వ్యోమసదమ్ |
ఉపయామగృహీతో సీన్ద్రాయ త్వా జుష్టం గృహ్ణామి |
ఏష తే యోనిరిన్ద్రాయ త్వా జుష్టతమమ్ |
పృథివీసదం త్వాన్తరిక్షసదం దివిసదం దేవసదం నాకసదమ్ |
ఉపయామగృహీతో సీన్ద్రాయ త్వా జుష్టం గృహ్ణామి |
ఏష తే యోనిరిన్ద్రాయ త్వా జుష్టతమమ్ ||
అపాఁ రసముద్వయసఁ సూర్యే సన్తఁ సమాహితమ్ |
అపాఁ రసస్య యో రసస్తం వో గృహ్ణామ్యుత్తమమ్ |
ఉపయామగృహీతో సీన్ద్రాయ త్వా జుష్టం గృహ్ణామి |
ఏష తే యోనిరిన్ద్రాయ త్వా జుష్టతమమ్ ||
గ్రహా ఊర్జాహుతయో వ్యన్తో విప్రాయ మతిమ్ |
తేషాం విశిప్రియాణాం వో హమిషమూర్జఁ సమగ్రభమ్ |
ఉపయామగృహీతో సీన్ద్రాయ త్వా జుష్టం గృహ్ణామి |
ఏష తే యోనిరిన్ద్రాయ త్వా జుష్టతమమ్ |
సమ్పృచౌ స్థః సం మా భద్రేణ పృఙ్క్తమ్ |
విపృచౌ స్థో వి మా పాప్మనా పృఙ్క్తమ్ ||
ఇన్ద్రస్య వజ్రో సి వాజసాస్త్వయాయఁ సేత్ |
వాజస్య ను ప్రసవే మాతరం మహీమదితిం నామ వచసా కరామహే |
యస్యామిదం విశ్వం భువనమావివేశ తస్యాం నో దేవః సవితా ధర్మ
సావిషత్ ||
అప్స్వన్తరమృతమప్సు భేషజమపాముత ప్రశస్తిష్వశ్వా భవత వాజినః|
దేవీరాపో యో వ ఊర్మిః ప్రతూర్తిః కకున్మాన్వాజసాస్తేనాయం వాజఁ
సేత్ ||
వాతో వా మనో వా గన్ధర్వాః సప్తవిఁశతిః |
తే అగ్రే శ్వమయుఞ్జఁస్తే అస్మిన్జవమాదధుః ||
వాతరఁహా భవ వాజిన్యుజ్యమాన ఇన్ద్రస్యేవ దక్షిణః శ్రియైధి |
యుఞ్జన్తు త్వా మరుతో విశ్వవేదస ఆ తే త్వష్టా పత్సు జవం
దధాతు ||
జవో యస్తే వాజిన్నిహితో గుహా యః శ్యేనే పరీత్తో అచరచ్చ వాతే |
తేన నో వాజిన్బలవాన్బలేన వాజజిచ్చ భవ సమనే చ పారయిష్ణుః |
వాజినో వాజజితో వాజఁ సరిష్యన్తో బృహస్పతేర్భాగమవ జిఘ్రత ||
దేవస్యాహఁ సవితుః సవే సత్యసవసో బృహస్పతేరుత్తమం నాకఁ రుహేయమ్ |
దేవస్యాహఁ సవితుః సవే సత్యసవస ఇన్ద్రస్యోత్తమం నాకఁ రుహేయమ్ |
దేవస్యాహఁ సవితుః సవే సత్యప్రసవసో బృహస్పతేరుత్తమం నాకమరుహమ్ |
దేవస్యాహఁ సవితుః సవే సత్యప్రసవస ఇన్ద్రస్యోత్తమం నాకమరుహమ్ ||
బృహస్పతే వాజం జయ బృహస్పతయే వాచం వదత బృహస్పతిం వాజం
జాపయత |
ఇన్ద్ర వాజం జయేన్ద్రాయ వాచం వదతేన్ద్రం వాజం జాపయత ||
ఏషా వః సా సత్యా సంవాగభూద్యయా బృహస్పతిం వాజమజీజపతాజీజపత
బృహస్పతిం వాజం వనస్పతయో వి ముచ్యధ్వమ్ |
ఏషా వః సా సత్యా సంవాగభూద్యయేన్ద్రం వాజమజీజపతాజీజపతేన్ద్రం
వాజం వనస్పతయో వి ముచ్యధ్వమ్ ||
దేవస్యాహఁ సవితుః సవే సత్యప్రసవసో బృహస్పతేర్వాజజితో వాజం
జేషమ్ |
వాజినో వాజజితో ధ్వన స్కభ్నువన్తో యోజనా మిమానాః కాష్ఠాం గచ్ఛత ||
ఏష స్య వాజీ క్షిపణిం తురణ్యతి గ్రీవాయాం బద్ధో అపికక్ష ఆసని |
క్రతుం దధిక్రా అను
సఁసనిష్యదత్పథామఙ్గాఁస్యన్వాపనీపణత్స్వాహా ||
ఉత స్మాస్య ద్రువతస్తురణయతః పర్ణం న వేరను వాతి ప్రగర్ధినః |
శ్యేనస్యేవ ధ్రజతో అఙ్కసం పరి దధిక్రావ్ణః సహోర్జా తరిత్రః
స్వాహా ||
శం నో భవన్తు వాజినో హవేషు దేవతాతా మితద్రవః స్వర్కాః |
జమ్భయన్తో హిం వృకఁ రక్షాఁసి సనేమ్యస్మద్యుయవన్నమీవాః ||
తే నో అర్వన్తో హవనశ్రుతో హవం విశ్వే శృణ్వన్తు వాజినో
మితద్రవః |
సహస్రసా మేధసాతా సనిష్యవో మహో యే ధనఁ సమిథేషు జభ్రిరే ||
వాజే-వాజే వత వాజినో నో ధనేషు విప్రా అమృతా ఋతజ్ఞాః |
అస్య మధ్వః పిబత మాదయధ్వం తృప్తా యాత పథిభిర్దేవయానైః ||
ఆ మా వాజస్య ప్రసవో జగమ్యాదేమే ద్యావాపృథివీ విశ్వరూపే |
ఆ మా గన్తాం పితరా మాతరా చా మా సోమో అమృతత్వేన గమ్యాత్ |
వాజినో వాజజితో వాజఁ ససృవాఁసో బృహస్పతేర్భాగమవ జిఘ్రత
నిమృజానాః ||
ఆపయే స్వాహా |
స్వాపయే స్వాహా |
ఆపిజాయ స్వాహా |
క్రతవే స్వాహా |
వసవే స్వాహా |
అహర్పతయే స్వాహా |
అహ్నే ముగ్ధాయ స్వాహా |
ముగ్ధాయ వైనఁశినాయ స్వాహా |
వినఁశిన ఆన్త్యాయనాయ స్వాహా |
అన్త్యాయ భౌవనాయ స్వాహా |
భువనస్య పతయే స్వాహా |
అధిపతయే స్వాహా ||
ఆయుర్యజ్ఞేన కల్పతామ్ |
ప్రాణో యజ్ఞేన కల్పతామ్ |
చక్షుర్యజ్ఞేన కల్పతామ్ |
శ్రోత్రం యజ్ఞేన కల్పతామ్ |
పృష్ఠం యజ్ఞేన కల్పతామ్ |
యజ్ఞో యజ్ఞేన కల్పతామ్ |
ప్రజాపతేః ప్రజా అభూమ |
స్వర్దేవా అగన్మ |
అమృతా అభూమ ||
అస్మే వో అస్త్విన్ద్రియమస్మే నృమ్ణముత క్రతురస్మే వర్చాఁసి
సన్తు వః |
నమో మాత్రే పృథివ్యై నమో మాత్రే పృథివ్యై |
ఇయం తే రాట్ |
యన్తాసి యమనో ధ్రువో సి ధరుణః కృష్యై త్వా క్షేమాయ త్వా రయ్యై
త్వా పోషాయ త్వా ||
వాజస్యేమం ప్రసవః సుషువే గ్రే సోమఁ రాజానమోషధీష్వప్సు |
తా అస్మభ్యం మధుమతీర్భవన్తు వయఁ రాష్టృఏ జాగృయామ పురోహితాః
స్వాహా ||
వాజస్యేమాం ప్రసవః శిశ్రియే దివమిమా చ విశ్వా భువనాని
సమ్రాట్ |
అదిత్సన్తం దాపయతి ప్రజానన్స నో రయిఁ సర్వవీరం ని యచ్ఛతు
స్వాహా ||
వాజస్య ను ప్రసవ ఆబభూవేమా చ విశ్వా భువనాని సర్వతః |
సనేమి రాజా పరియాతి విద్వాన్ప్రజాం పుష్టిం వర్ధయమానో అస్మే
స్వాహా ||
ఆదిత్యాన్విష్ణుఁ సూర్యం బ్రహ్మాణం చ బృహస్పతిఁ స్వాహా ||
అర్యమణం బృహస్పతిమిన్ద్రం దానాయ చోదయ |
వాచం విష్ణుఁ సరస్వతీఁ సవితారం చ వాజినఁ స్వాహా ||
అగ్నే అచ్ఛావదేహ నః ప్రతి నః సుమనా భవ |
ప్ర నో యచ్ఛ సహస్రజిత్త్వఁ హి ధనదా అసి స్వాహా ||
ప్ర నో యచ్ఛత్వర్యమా ప్ర పూషా ప్ర బృహస్పతిః |
ప్ర వాగ్దేవీ దదాతు నః స్వాహా ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
సరస్వత్యై వాచో యన్తుర్యన్త్రియే దధామి బృహస్పతేష్ట్వా
సామ్రాజ్యేనాభి షిఞ్చామ్యసౌ ||
అగ్నిరేకాక్షరేణ ప్రాణముదజయత్తముజ్జేషమ్ |
అశ్వినౌ ద్వ్యక్షరేణ ద్విపదో మనుష్యానుదజయతాం తానుజ్జేషమ్ |
విష్ణుస్త్ర్యక్షరేణ త్రీఁల్లోకానుదజయత్తానుజ్జేషమ్ |
సోమశ్చతురక్షరేణ చతుష్పదః పశూనుదజయత్తానుజ్జేషమ్ ||
పూషా పఞ్చాక్షరేణ పఞ్చ దిశ ఉదజయత్తా ఉజ్జేషమ్ |
సవితా షడక్షరేణ షడృతూనుదజయత్తానుజ్జేషమ్ |
మరుతః సప్తాక్షరేణ సప్త గ్రామ్యాన్పశూనుదజయఁస్తానుజ్జేషమ్ |
బృహస్పతిరష్టాక్షరేణ గాయత్రీముదజయత్తాముజ్జేషమ్ ||
మిత్రో నవాక్షరేణ త్రివృతఁ స్తోమముదజయత్తముజ్జేషమ్ |
వరుణో దశాక్షరేణ విరాజముదజయత్తాముజ్జేషమ్ |
ఇన్ద్ర ఏకాదశాక్షరేణ త్రిష్టుభముదజయత్తాముజ్జేషమ్ |
విశ్వే దేవా ద్వాదశాక్షరేణ జగతీముదజయఁస్తాముజ్జేషమ్ ||
వసవస్త్రయోదశాక్షరేణ త్రయోదశఁ స్తోమముదజయఁస్తముజ్జేషమ్ |
రుద్రాశ్చతుర్దశాక్షరేణ చతుర్దశఁ స్తోమముదజయఁస్తముజ్జేషమ్ |
ఆదిత్యాః పఞ్చదశాక్షరేణ పఞ్చదశఁ స్తోమముదజయఁస్తముజ్జేషమ్ |
అదితిః షోడశాక్షరేణ షోడశఁ స్తోమముదజయత్తముజ్జేషమ్ |
ప్రజాపతిః సప్తదశాక్షరేణ సప్తదశఁ స్తోమముదజయత్తముజ్జేషమ్ ||
ఏష తే నిరృతే భాగస్తం జుషస్వ స్వాహా |
అగ్నినేత్రేభ్యో దేవేభ్యః పురఃసద్భ్యః స్వాహా |
యమనేత్రేభ్యో దేవేభ్యో దక్షిణాసద్భ్యః స్వాహా |
విశ్వదేవనేత్రేభ్యో దేవేభ్యో పశ్చాత్సద్భ్యః స్వాహా |
మిత్రావరుణనేత్రేభ్యో వా మరున్నేత్రేభ్యో వా దేవేభ్య
ఉత్తరాసద్భ్యః స్వాహా |
సోమనేత్రేభ్యో దేవేభ్యో ఉపరిసద్భ్యో దువస్వద్భ్యః స్వాహా ||
యే దేవా అగ్నినేత్రాః పురఃసదస్తేభ్యః స్వాహా |
యే దేవా యమనేత్రా దక్షిణాసదస్తేభ్యః స్వాహా |
యే దేవా విశ్వదేవనేత్రాః పశ్చాత్సదస్తేభ్యః స్వాహా |
యే దేవా మిత్రావరుణనేత్రా వా మరున్నేత్రా వోత్తరాసదస్తేభ్యః
స్వాహా |
యే దేవాః సోమనేత్రా ఉపరిసదో దువస్వన్తస్తేభ్యః స్వాహా ||
అగ్నే సహస్వ పృతనా అభిమాతీరపాస్య |
దుస్టరస్తరన్నరాతీర్వర్చో ధా యజ్ఞవాహసి ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఉపాఁశోర్వీర్యేణ జుహోమి హతఁ రక్షః స్వాహా |
రక్షసాం త్వా బధాయ |
అబధిష్మ రక్షో బధిష్మాముమసౌ హతః ||
సవితా త్వా సవానాఁ సువతామగ్నిర్గృహపతీనాఁ సోమో
వనస్పతీనామ్ |
బృహస్పతిర్వాచ ఇన్ద్రో జ్యైష్ఠ్యాయ రుద్రః పశుభ్యో మిత్రః సత్యో
వరుణో ధర్మపతీనామ్ ||
ఇమం దేవా అసుపత్నఁ సువధ్వం మహతే క్షత్రాయ మహతే జ్యైష్ఠ్యాయ మహతే
జానరాజ్యాయేన్ద్రస్యేన్ద్రియాయ |
ఇమమముష్య పుత్రమముష్యై పుత్రమస్యై విశ ఏష వో మీ రాజా సోమో
స్మాకం బ్రాహ్మణానాఁ రాజా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |