శుక్ల యజుర్వేదము - అధ్యాయము 8
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 8) | తరువాతి అధ్యాయము→ |
ఉపయామగృహీతో సి |
ఆదిత్యేభ్యస్త్వా |
విష్ణ ఉరుగాయైష తే సోమస్తఁ రక్షస్వ మా త్వా దభన్ ||
కదా చన స్తరీరసి నేన్ద్ర సశ్చసి దాశుషే |
ఉపోపేన్ను మఘవన్భూయ ఇన్ను తే దానం దేవస్య పృచ్యతే |
ఆదిత్యేభ్యస్త్వా ||
కదా చన ప్ర యుచ్ఛస్యుభే ని పాసి జన్మనీ |
తురీయాదిత్య సవనం త ఇన్ద్రియమా తస్థావమృతం దివి |
ఆదిత్యేభ్యస్త్వా ||
యజ్ఞో దేవానాం ప్రత్యేతి సుమ్నమాదిత్యాసో భవతా మృడయన్తః |
ఆ వో ర్వాచీ సుమతిర్వవృత్యాదఁహోశ్చిద్యా వరివోవిత్తరాసత్ |
ఆదిత్యేభ్యస్త్వా ||
వివస్వన్నాదిత్యైష తే సోమపీథస్తస్మిన్మత్స్వ |
శ్రదస్మై నరో వచసే దధాతన యదాశీర్దా దమ్పతీ వామమశ్నుతః |
పుమాన్పుత్రో జాయతే విన్దతే వస్వధా విశ్వాహారప ఏధతే గృహే ||
వామమద్య సవితర్వామము శ్వో దివే-దివే వామమస్మభ్యఁ సావీః |
వామస్య హి క్షయస్య దేవ భూరేరయా ధియా వామభాజః స్యామ ||
ఉపయామగృహీతో సి సావిత్రో సి చనోధాశ్చనోధా అసి చనో మయి ధేహి |
జిన్వ యజ్ఞం జిన్వ యజ్ఞపతిం భగాయ దేవాయ త్వా సవిత్రే ||
ఉపయామగృహీతో సి సుశర్మాసి సుప్రతిష్ఠానో బృహదుక్షాయ నమః |
విశ్వేభ్యస్త్వా దేవేభ్యః |
ఏష తే యోనిర్విశ్వేభ్యస్త్వా దేవేభ్యః ||
ఉపయామగృహీతో సి బృహస్పతిసుతస్య దేవ సోమ త
ఇన్దోరిన్ద్రియావతం పత్నీవతో గ్రహాఁ ఋధ్యాసమ్ |
అహం పరస్తాదహమవస్తాద్యదన్తరిక్షం తదు మే పితాభూత్ |
అహఁ సూర్యముభయతో దదర్శాహం దేవానాం పరమం గుహా యత్ ||
అగ్నాఇ పత్నీవన్త్సజూర్దేవేన త్వష్ట్రా సోమం పిబ స్వాహా |
ప్రజాపతిర్వృషాసి రేతోధా రేతో మయి ధేహి ప్రజాపతేస్త వృష్ణో
రేతోధసో రేతోధామశీయ ||
ఉపయామగృహీతో సి హరిరసి హారియోజనో హరిభ్యాం త్వా |
హర్యోర్ధానా స్థ సహసోమా ఇన్ద్రాయ ||
యస్తే అశ్వసనిర్భక్షో యో గోసనిస్తస్య త ఇష్టయజుష స్తుతసోమస్య
శస్తోక్థస్యోపహూతస్యోపహూతో భక్షయామి ||
దేవకృతస్యైనసో వయజనమసి |
మనుష్యకృతస్యైనసో వయజనమసి |
పితృకృతస్యైనసో వయజనమసి |
ఆత్మకృతస్యైనసో వయజనమసి |
ఏనస-ఏనసో వయజనమసి |
యచ్చాహమేనో విద్వాఁశ్చకార యచ్చావిద్వాఁస్తస్య సర్వస్యైనసో
వయజనమసి |
సం వర్చసా పయసా సం తనూభిరగన్మహి మనసా సఁ శివేన |
త్వష్టా సుదత్రో వి దధాతు రాయో ను మార్ష్టు తన్వో
యద్విలిష్టమ్ ||
సమిన్ద్ర ణో మనసా నేషి గోభిః సఁ సూరిభిర్మఘవన్త్సఁ స్వస్త్యా |
సం బ్రహ్మణా దేవకృతం యదస్తి సం దేవానాఁ సుమతౌ యజ్ఞియానాఁ
స్వాహా ||
సం వర్చసా పయసా సం తనూభిరగన్మహి మనసా సఁ శివేన |
త్వష్టా సుదత్రో విదధాతు రాయో ను మార్ష్టు తన్వో
యద్విలిష్టమ్ ||
ధాతా రాతిః సవితేదం జుషన్తాం ప్రజాపతిర్నిధిపా దేవో అగ్నిః |
త్వష్టా విష్ణుః ప్రజయా సఁరరాణా యజమానాయ ద్రవిణం దధాత
స్వాహా ||
సుగా వో దేవాః సదనా అకర్మ య ఆజగ్మేదఁ సవనం జుషాణాః |
భరమాణా వహమానా హవీఁష్యస్మే ధత్త వసవో వసూని స్వాహా ||
యాఁ ఆవహ ఉశతో దేవ దేవాఁస్తాన్ప్రేరయ స్వే అగ్నే సధస్థే |
జక్షివాఁసః పపివాఁసశ్చ విశ్వే సుం ధర్మఁ స్వరాతిష్ఠతాను
స్వాహా ||
వయఁ హి త్వా ప్రయతి యజ్ఞే అస్మిన్నగ్నే హోతారమవృణీమహీహ |
ఋధగయా ఋధగుతాశమిష్ఠాః ప్రజానన్యజ్ఞముప యాహి
విద్వాన్త్స్వాహా ||
దేవా గాతువిదో గాతుం విత్త్వా గాతుమిత |
మనసస్పత ఇమం దేవ యజ్ఞఁ స్వాహా వాతే ధాః ||
యజ్ఞ యజ్ఞం గచ్ఛ యజ్ఞపతిం గచ్ఛ స్వాం యోనిం గచ్ఛ స్వాహా |
ఏష తే యజ్ఞో యజ్ఞపతే సహసూక్తవాకః సర్వవీరస్తజ్జుషస్వ
స్వాహా ||
మాహిర్భూర్మా పృదాకుః |
ఉరుఁ హి రాజా వరుణశ్చకార సూర్యాయ పన్థామన్వేతవా ఉ |
అపదే పాదా ప్రతిధాతవే కరుతాపవక్తా హృదయావిధశ్చిత్ |
నమో వరుణాయాభిష్ఠితో వరుణస్య పాశః ||
అగ్నేరనీకమప ఆ వివేశాపాం నపాత్ప్రతిరక్షన్నసుర్యమ్ |
దమే-దమే సమిధం యక్ష్యగ్నే ప్రతి తే జిహ్వా
ఘృతముచ్చరణ్యత్స్వాహా ||
సముద్రే తే హృదయమప్స్వన్తః సం త్వా విశన్త్వోషధీరుతాపః |
యజ్ఞస్య త్వా యజ్ఞపతే సూక్తోక్తౌ నమోవాకే విధేమ యత్స్వాహా ||
దేవీరాప ఏష వో గర్భస్తఁ సుప్రీతఁ సుభృతం బిభృత |
దేవ సోమైష తే లోకస్తస్మిఞ్ఛం చ వక్ష్వ పరి చ వక్ష్వ ||
అవభృథ నిచుమ్పుణ నిచేరురసి నిచుమ్పుణః |
అవ దేవైర్దేవకృతమేనో యాసిషమవ మర్త్యైర్మర్త్యకృతం
పురురావ్ణో దేవ రిషస్పాహి |
దేవానాఁ సమిదసి ||
ఏజతు దశమాస్యో గర్భో జరాయుణా సహ |
యథాయం వాయురేజతి యథా సముద్ర ఏజతి |
ఏవాయం దశమాస్యో అస్రజ్జరాయుణా సహ ||
యస్యై తే యజ్ఞియో గర్భో యస్యై యోనిర్హిరణ్యీ |
అఙ్గాన్యహ్రుతా యస్య తం మాత్రా సమజీగమఁ స్వాహా ||
పురుదస్మో విషురూప ఇన్దురన్తర్మహిమానమానఞ్జ ధీరః |
ఏకపదీం ద్విపదీం త్రిపదీం చతుష్పదీమష్టాపదీం భువనాను
ప్రథన్తాఁ స్వాహా ||
మరుతో యస్య హి క్షయే పాథా దివో విమహసః |
స సుగోపాతమో జనః ||
మహీ ద్యౌః పృథివీ చ న ఇమం యజ్ఞం మిమిక్షతామ్ |
పిపృతాం నో భరీమభిః ||
ఆ తిష్ఠ వృత్రహన్రథం యుక్తా తే బ్రహ్మణా హరీ |
అర్వాచీనఁ సు తే మనో గ్రావా కృణోతు వగ్నునా |
ఉపయామగృహీతో సీన్ద్రాయ త్వా షోడశినే |
ఏష తే యోనిరిన్ద్రాయ త్వా షోడశినే ||
యుక్ష్వా హి కేశినా హరీ వృషణా కక్ష్యప్రా |
అథా న ఇన్ద్ర సోమపా గిరాముపశ్రుతిం చర |
ఉపయామగృహీతో సీన్ద్రాయ త్వా షోడశినే |
ఏష తే యోనిరిన్ద్రాయ త్వా షోడశినే ||
ఇన్ద్రమిద్ధరీ వహతో ప్రతిధృష్టశవసమ్ |
ఋషీణాం చ స్తుతీరుప యజ్ఞం చ మానుషాణామ్ |
ఉపయామగృహీతో సీన్ద్రాయ త్వా షోడశినే |
ఏష తే యోనిరిన్ద్రాయ త్వా షోడశినే ||
యస్మన్న జాతః పరో అన్యో అస్తి య ఆవివేశ భువనాని విశ్వా |
ప్రజాపతిః ప్రజయా సఁరరాణస్త్రీణి జ్యోతీఁషి సచతే స షోలశీ ||
ఇన్ద్రశ్చ సమ్రాడ్వరుణశ్చ రాజా తౌ తే భక్షం చక్రతురగ్రేతమ్ |
తయోరహమను భక్షం భక్షయామి వాగ్దేవీ జుషాణా సోమస్య తృప్యతు |
సహ ప్రాణేన స్వాహా ||
అగ్నే పవస్వ స్వపా అస్మే వర్చః సువీర్యమ్ |
దధద్రయిం మయి పోషమ్ |
ఉపయామగృహీతో స్యగ్నయే త్వా వర్చసే |
ఏష తే యోనిరగ్నయే త్వా వర్చసే |
అగ్నే వర్చస్విన్వర్చస్వాఁస్త్వం దేవేష్వసి వర్చస్వానహం
మనుష్యేషు భూయాసమ్ ||
ఉత్తిష్ఠన్నోజసా సహ పీత్వీ శిప్రే అవేపయః |
సోమమిన్ద్ర చమూ సుతమ్ |
ఉపయామగృహీతో సీన్ద్రాయ త్వౌజసే |
ఏష తే యోనిరిన్ద్రాయ త్వౌజసే |
ఇన్ద్రౌజిష్ఠౌజిష్ఠస్త్వం దేవేష్వస్యోజిష్ఠో హం మనుష్యేషు
భూయాసమ్ ||
అదృశ్రమస్య కేతవో వి రశ్మయో జనాఁ అను |
భ్రాజన్తో అగ్నయో యథా |
ఉపయామగృహీతో సి సూర్యాయ త్వా భ్రాజాయ |
ఏష తే యోనిః సూర్యాయ త్వా భ్రాజాయ |
సూర్య భ్రాజిష్ఠ భ్రాజిష్ఠస్త్వం దేవేష్వసి భ్రాజిష్ఠో హం
మనుష్యేషు భూయాసమ్ ||
ఉదు త్యం జాతవేదసం దేవం వహన్తి కేతవః |
దృశే విశ్వాయ సూర్యమ్ |
ఉపయామగృహీతో సి సూర్యాయ త్వా భ్రాజాయ |
ఏష తే యోనిః సూర్యాయ త్వా భ్రాజాయ |
సూర్య భ్రాజిష్ఠ భ్రాజిష్ఠస్త్వం దేవేష్వసి భ్రాజిష్ఠో హం
మనుష్యేషు భూయాసమ్ ||
సహస్రం ధుక్ష్వోరుధారా పయస్వతీ పునర్మావిశతాద్రయిః ||
ఇడే రన్తే హవ్యే కామ్యే చన్ద్రే జ్యోతే దితే సరస్వతి మహి
విశ్రుతి |
ఏతా తే అఘ్న్యే నామాని దేవేభ్యో మా సుకృతంం బ్రూతాత్ ||
వి న ఇన్ద్ర మృధో జహి నీచా యచ్ఛ పృతన్యతః |
యో అస్మాఁ అభిదాసత్యధరం గమయా తమః |
ఉపయామగృహీతో సీన్ద్రాయ త్వా విమృధే |
ఏష తే యోనిరిన్ద్రాయ త్వా విమృధే ||
వాచస్పతిం విశ్వకర్మాణమూతయే మనోజువం వాజే అద్యా హువేమ |
స నో విశ్వాని హవనాని జోషద్విశ్వశమ్భూరవసే సాధుకర్మా |
ఉపయామగృహీతో సీన్ద్రాయ త్వా విశ్వకర్మణే |
ఏష తే యోనిరిన్ద్రాయ త్వా విశ్వకర్మణే ||
విశ్వకర్మన్హవిషా వర్ధనేన త్రాతారమిన్ద్రమకృణోరవధ్యమ్ |
తస్మై విశః సమనమన్త పూర్వీరయముగ్రో విహవ్యో యథాసత్ |
ఉపయామగృహీతో సీన్ద్రాయ త్వా విశ్వకర్మణే |
ఏష తే యోనిరిన్ద్రాయ త్వా విశ్వకర్మణే ||
ఉపయామగృహీతో స్యగ్నయే త్వా గాయత్రచ్ఛన్దసం గృహ్ణామి |
ఇన్ద్రాయ త్వా త్రిష్టుప్ఛన్దసం గృహ్ణామి |
విశ్వేభ్యస్త్వా దేవేభ్యో జగచ్ఛన్దసం గృహ్ణామి |
అనుష్టుప్తే భిగరః ||
వ్రేశీనాం త్వా పత్మన్నా ధూనోమి కుకాననానాం త్వా పత్మన్నా
ధూనోమి భన్దనానాం త్వా పత్మన్నా ధూనోమి మదిన్తమానాం త్వా పత్మన్నా ధూనోమి
మధున్తమానాం త్వా పత్మన్నా ధూనోమి శుక్రం త్వా శుక్ర ఆ ధూనోమ్యహ్నో రూపే
సూర్యస్య రశ్మిషు ||
కకుభఁ రూపం వృషభస్య రోచతే బృహచ్ఛుక్రః శుక్రస్య పురోగాః
సోమః సోమస్య పురోగాః |
యత్తే సోమాదాభ్యం నామ జాగృవి తస్మై త్వా గృహ్ణామి తస్మై తే
సోమ సోమాయ స్వాహా ||
ఉశిక్త్వం దేవ సోమాగ్నేః ప్రియం పాథో పీహి |
వశీ త్వం దేవ సోమేన్ద్రస్య ప్రియం పాథో పీహి |
అస్మత్సఖా త్వం దేవ సోమ విశ్వేషాం దేవానాం ప్రియం పాథో పీహి ||
ఇహ రతిరిహ రమధ్వమిహ ధృతిరిహ స్వధృతిః స్వాహా |
ఉపసృజన్ధరుణం మాత్రే ధరుణో మాతరం ధయన్ |
రాయస్పోషమస్మాసు దీధరత్స్వాహా ||
సత్రస్య ఋద్ధిరస్యగన్మ జ్యోతిరమృతా అభూమ దివం పృథివ్యా
అధ్యారుహామావిదామ దేవాన్త్స్వర్జ్యోతిః ||
యువం తమిన్ద్రాపర్వతా పురోయుధా యో నః పృతన్యాదప తం-తమిద్ధతం
వజ్రేణ తం-తమిద్ధతమ్ |
దూరే చత్తాయ ఛన్త్సద్గహనం యదినక్షత్ |
అస్మాకఁ శత్రూన్పరి శూర విశ్వతో దర్మా దర్షీష్ట విశ్వతః |
భూర్భువః స్వః సుప్రజాః ప్రజాభిః స్యామ సువీరా వీరైః సుపోషాః
పోషైః ||
పరమేష్ఠ్యభిధీతః |
ప్రజాపతిర్వాచి వ్యాహృతాయామ్ |
అన్ధో అచ్ఛేతః |
సవితా సన్యామ్ |
విశ్వకర్మా దీక్షాయామ్ |
పూషా సోమక్రయణ్యామ్ ||
ఇన్ద్రశ్చ మరుతశ్చ క్రయాయోపోత్థితః |
అసురః పణ్యమానః |
మిత్రః క్రీతః |
విష్ణుః శిపివిష్ట ఊరావాసన్నః |
విష్ణుర్నరన్ధిషః ప్రోహ్యమాణః ||
సోమ ఆగతః |
వరుణ ఆసన్ద్యామాసన్నః |
అగ్నిరాగ్నీధ్రే |
ఇన్ద్రో హవిర్ధానే |
అథర్వోపావహ్రియమాణః ||
విశ్వే దేవా అఁశుషు న్యుప్తః |
విష్ణురాప్రీతపా ఆప్యాయ్యమానః |
యమః సూయమానః |
విష్ణుః సంభ్రియమాణః |
వాయుః పూయమానః |
శుక్రః పూతః |
శుక్రం క్షీరశ్రీః |
మన్థీ సక్తుశ్రీః ||
విశ్వే దేవాశ్చమసేషూన్నీతః |
అసుర్హోమాయోద్యతః |
రుద్రో హూయమానః |
వాతో భ్యావృత్తః |
నృచక్షాః ప్రతిఖ్యాతః |
భక్షో భక్ష్యమాణః |
పితరో నారాశఁసాః సన్నః ||
సిన్ధురవభృథాయోద్యతః |
సముద్రో భ్యవహ్రియమాణః |
సలిలః ప్రప్లుతః |
యయోరోజసా స్కభితా రజాఁసి వీర్యేభిర్వీరతమా శవిష్ఠా |
యా పత్యేతే అప్రతీతా సహోభిర్విష్ణూ అగన్వరుణా పూర్వహూతౌ ||
దేవాన్దివమగన్యజ్ఞస్తతో మా ద్రవిణమష్టు
మనుష్యానన్తరిక్షమగన్యజ్ఞస్తతో మా ద్రవిణమష్టు
పితౄన్పృథివీమగన్యజ్ఞస్తతో మా ద్రవిణమష్టు యం కం చ లోకమగన్యజ్ఞస్తతో మే
భద్రం అభూత్ ||
చతుస్త్రిఁశత్తన్తవో యే వితత్నిరే య ఇమం యజ్ఞఁ స్వధయా దదన్తే |
తేషాం ఛిన్నఁ సమ్వేతద్దధామి స్వాహా ఘర్మో అప్యేతు దేవాన్ ||
యజ్ఞస్య దోహో వితతః పురుత్రా సో అష్టధా దివమన్వా తతాన |
స యజ్ఞ ధుక్ష్వ మహి మే ప్రజయాఁ రాయస్పోషం విశ్వమాయురశీయ
స్వాహా ||
ఆ పవస్వ హిరణ్యవదశ్వవత్సోమ వీరవత్ |
వాజం గోమన్తమా భర స్వాహా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |