శుక్ల యజుర్వేదము - అధ్యాయము 31
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 31) | తరువాతి అధ్యాయము→ |
సహస్రశీర్షా పురుషః సహస్రాక్షః సహస్రపాత్ |
స భూమిఁ సర్వత స్పృత్వాత్యతిష్ఠద్దశాఙ్గులమ్ ||
పురుష ఏవేదఁ సర్వం యద్భూతం యచ్చ భావ్యమ్ |
ఉతామృతత్వస్యేశానో యదన్నేనాతిరోహతి ||
ఏతావానస్య మహిమాతో జ్యాయాఁశ్చ పూరుషః |
పాదో స్య విశ్వా భూతాని త్రిపాదస్యామృతం దివి ||
త్రిపాదూర్ధ్వ ఉఐత్పురుషః పాదో స్యేహాభవత్పునః |
తతో విష్వఙ్వ్యక్రామత్సాశనానశనే అభి ||
తస్మాద్విరాడజాయత విరాజో అధి పూరుషః |
స జాతో అత్యరిచ్యత పశ్చాద్భూమిమథో పురః ||
తస్మాద్యజ్ఞాత్సర్వహుతః సమ్భృతం పృషదాజ్యమ్ |
పశూఁస్తాఁశ్చక్రే వాయవ్యానారణ్యా గ్రామ్యాశ్చ యే ||
తస్మాద్యజ్ఞాత్సర్వహుత ఋచః సామాని జజ్ఞిరే |
ఛన్దాఁసి జజ్ఞిరే తస్మాద్యజుస్తస్మాదజాయత ||
తస్మాదశ్వా అజాయన్త యే కే చోభయాదతః |
గావో హ జజ్ఞిరే తస్మాత్తస్మాజ్జాతా అజావయః ||
తం యజ్ఞం బర్హిషి ప్రౌక్షన్పురుషం జాతమగ్రతః |
తేన దేవా అయజన్త సాధ్యా ఋషయశ్చ యే ||
యత్పురుషం వ్యదధుః కతిధా వ్యకల్పయన్ |
ముఖం కిమస్య కౌ బాహూ కా ఊరూ పాదా ఉచ్యేతే ||
బ్రాహ్మణో స్య ముఖమాసీద్బాహూ రాజన్యః కృతః |
ఊరూ తదస్య యద్వైశ్యః పద్భ్యాఁ శూద్రో అజాయత ||
చన్ద్రమా మనసో జాతశ్చక్షోః సూర్యో అజాయత |
శ్రోత్రాద్వాయుశ్చ ప్రాణశ్చ ముఖాదగ్నిరజాయత ||
నాభ్యా ఆసీదన్తరిక్షఁ శీర్ష్ణో ద్యౌః సమవర్తత |
పద్భ్యాం భూమిర్దిశః శ్రోత్రాత్తథా లోకాఁ అకల్పయన్ ||
యత్పురుషేణ హవిషా దేవా యజ్ఞమతన్వత |
వసన్తో స్యాసీదాజ్యం గ్రీష్మ ఇధ్మః శరద్ధవిః ||
సప్తాస్యాసన్పరిధయస్త్రిః సప్త సమిధః కృతాః |
దేవా యద్యజ్ఞం తన్వానా అబధ్నన్పురుషం పశుమ్ ||
యజ్ఞేన యజ్ఞమయజన్త దేవాస్తాని ధర్మాణి ప్రథమాన్యాసన్ |
తే హ నాకం మహిమానః సచన్త యత్ర పూర్వే సాధ్యాః సన్తి దేవాః ||
అద్భ్యః సమ్భృతః పృథివ్యై రసాచ్చ విశ్వకర్మణః సమవర్తతాగ్రే |
తస్య త్వష్టా విదధద్రూపమేతి తన్మర్త్యస్య దేవత్వమాజానమగ్రే ||
వేదాహమేతం పురుషం మహాన్తమాదిత్యవర్ణం తమసః పరస్తాత్ |
తమేవ విదిత్వాతి మృత్యుమేతి నాన్యః పన్థా విద్యతే యనాయ ||
ప్రజాపతిశ్చరతి గర్భే అన్తరజాయమానో బహుధా వి జాయతే |
తస్య యోనిం పరి పశ్యన్తి ధీరాస్తస్మిన్హ తస్థుర్భువనాని
విశ్వా ||
యో దేవేభ్య ఆతపతి యో దేవానాం పురోహితః |
పూర్వో యో దేవేభ్యో జాతో నమో రుచాయ బ్రాహ్మయే ||
రుచం బ్రాహ్మ్యం జనయన్తో దేవా అగ్రే తదబ్రువన్ |
యస్త్వైవం బ్రాహ్మణో విద్యాత్తస్య దేవా అసన్వశే ||
శ్రీశ్చ తే లక్ష్మీశ్చ పత్న్యావహోరాత్రే పార్శ్వే నక్షత్రాణి
రూపమశ్వినౌ వ్యాత్తామ్ |
ఇష్ణన్నిషాణాముం మ ఇషాణ సర్వలోకం మ ఇషాణ ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |