శుక్ల యజుర్వేదము - అధ్యాయము 30
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 30) | తరువాతి అధ్యాయము→ |
దేవ సవితః ప్ర సువ యజ్ఞం ప్ర సువ యజ్ఞపతిం భగాయ |
దివ్యో గన్ధర్వః కేతుపూః కేతం నః పునాతు వాచస్పతిర్వాజం నః
స్వదతు ||
తత్సవితుర్వరేణ్యం భర్గో దేవస్య ధీమహి |
ధియో యో నః ప్రచోదయత్ ||
విశ్వాని దేవ సవితర్దురితాని పరా సువ |
యద్భద్రం తన్న ఆ సువ ||
విభక్తారఁ హవామహే వసోశ్చిత్రస్య రాధసః |
సవితారం నృచక్షసమ్ ||
బ్రహ్మణే బ్రాహ్మణం క్షత్రాయ రాజన్యం మరుద్భ్యో వైశ్యం తపసే
శూద్రం తమసే తస్కరం నారకాయ వీరహణం పాప్మనే క్లీబమాక్రయాయా అయోగూం కామాయ
పుఁశ్చలూమతిక్రుష్టాయ మాగధమ్ ||
నృత్తాయ సుతం గీతాయ శైలూషం ధర్మాయ సభాచరం నరిష్ఠాయై భీమలం
నర్మాయ రేభఁ హసాయ కారిమానన్దాయ స్త్రీషుఖం ప్రమదే కుమారీపుత్రం మేధాయై
రథకారం ధైర్యాయ తక్షాణమ్ ||
తపసే కౌలాలం మాయాయై కర్మారఁ రూపాయ మణికారఁ శుభే వపఁ
శరవ్యాయా ఇషుకారఁ హేత్యై ధనుష్కారం కర్మణే జ్యాకారం దిష్టాయ రజ్జుసర్జం
మృత్యవే మృగయుమన్తకాయ శ్వనినమ్ ||
నదీభ్యః పౌఞ్జిష్ఠమృక్షీకాభ్యో నైషాదం పురుషవ్యాఘ్రాయ
దుర్మదం గన్ధర్వాప్సరోభ్యో వ్రాత్యం ప్రయుగ్భ్య ఉన్మత్తఁ సర్పదేవజనేభ్యో
ప్రతిపదమయేభ్యః కితవమీర్యతాయా అకితవం పిశాచేభ్యో బిదలకారీం యాతుధానేభ్యః
కణ్టకీకారీమ్ ||
సంధయే జారం గేహాయోపపతిమార్త్యై పరివిత్తం నిరృత్యై
పరివివిదానమరాద్ధ్యా ఏదిధిషుఃపతిం నిష్కృత్యై పేశస్కారీఁ సంజ్ఞానాయ స్మరకారీం
ప్రకామోద్యాయోపసదం వర్ణాయానురుధం బలాయోపదామ్ ||
ఉత్సాదేభ్యః కుబ్జం ప్రముదే వామనం ద్వార్భ్యః స్రామఁ
స్వప్నాయాన్ధమర్ధమాయ బధిరం పవిత్రాయ భిషజం ప్రజ్ఞానాయ
నక్షత్రదర్శమాశిక్షాయై ప్రశ్నినముపశిక్షాయా అభిప్రశ్నినం మర్యాదాయై
ప్రశ్నవివాకమ్ ||
అమ్ర్భ్యో హస్తిపం జవాయాశ్వపం పుష్ట్యై గోపాలం వీర్యాయావిపాలం
తేజసే జపాలమిరాయై కీనాశం కీలాలాయ సురాకారం భద్రాయ గృహపఁ శ్రేయసే
విత్తధమాధ్యక్ష్యాయానుక్షత్తారమ్ ||
భాయై దార్వాహారం ప్రభాయా అగ్న్యేధం బ్రధ్నస్య
విష్టపాయాభిషేక్తారం వర్షిష్ఠాయ నాకాయ పరివేష్టారం దేవలోకాయ పేశితారం
మనుష్యలోకాయ ప్రకరితారఁ సర్వేభ్యో లోకే భ్యోఉపసేక్తారమవఋత్యై
బధాయోపమన్థితారం మేధాయ వాసఃపల్పూలీం ప్రకామాయ రజయిత్రీమ్ ||
ఋతయే స్తేనహృదయం వైరహత్యాయ పిశునం వివిక్త్యై
క్షత్తారఔపద్రష్ట్ర్యాయానుక్షత్తారం బాలాయానుచరం భూమ్నే పరిష్కన్దం ప్రియాయ
ప్రియవాదినమరిష్ట్యా అశ్వసాదఁ స్వర్గాయ లోకాయ భాగదుఘం వర్షిష్ఠాయ నాకాయ
పరివేష్టారమ్ ||
మన్యవే యస్తాపం క్రోధాయ నిసరం యోగాయ యోక్తారఁ
శోకాయాభిసర్తారం క్షేమాయ విమోక్తారముత్కూలేభ్యస్త్రిష్ఠినం వపుషే మానస్కృతఁ
శీలాయాఞ్జనీకారీం నిరృత్యై కోశకారీం యమాయాసూమ్ ||
యమాయ యమసూమథర్వభ్యో వతోకాఁ సంవత్సరాయ పర్యాయిణీం
పరివత్సరాయావిజాతామిదావత్సరాయాతీత్వరీమిద్వత్సరాయాతిష్కద్వరీం వత్సరాయ
విజర్జరాఁ సంవత్సరాయ పలిక్నీమృభుభ్యో జినసంధఁ సాధ్యేభ్యశ్చర్మమ్నమ్ ||
సరేభ్యో ధైవరముపస్థావరాభ్యో దాశం వైశన్తాభ్యో బైన్దం
నడ్వలాభ్యః శౌష్కలం పారాయ మార్గారమవరాయ కేవర్తం తీర్థేభ్య ఆన్దం
విషమేభ్యో మైనాలఁ స్వనేభ్యః పర్ణకం గుహాభ్యః కిరాతఁ సానుభ్యో జమ్భకం
పర్వతేభ్యః కిమ్పూరుషమ్ ||
బీభత్సాయై పౌల్కసం వర్ణాయ హిరణ్యకారం తులాయై వాణిజం
పశ్చాదోషాయ గ్లావినం విశ్వేభ్యో భూతేభ్యః సిధ్మలం భూత్యై జాగరణమభూత్యై
స్వపనమార్త్యై జనవాదినం వ్యృర్ద్ధ్యా అపగల్భఁ సఁశరాయ ప్రచ్ఛిదమ్ ||
అక్షరాజాయ కితవం కృతాయాదినవదర్శం త్రేతాయై కల్పినం
ద్వాపరాయాధికల్పినమాస్కన్దాయ సభాస్థాణుం మృత్యవే గోవ్యచ్ఛమన్తకాయ గోఘాతం
క్షుధే యో గాం వికృన్తన్తం భిక్షమాణ ఉపతిష్ఠతి దుష్కృతాయ చరకాచార్యం
పాప్మనే సైలగమ్ ||
ప్రతిశ్రుత్కాయా అర్తనం ఘోషాయ భషమన్తాయ బహువాదినమనన్తాయ మూకఁ
శబ్దాయాడమ్బరాఘాతం మహసే వీణావాదం క్రోశాయ తూణవధ్మమవరస్పరాయ శఙ్ఖధ్మం వనాయ
వతపమన్యతోరణ్యాయ దావపమ్ ||
నర్మాయ పుఁశ్చలూఁ హసాయ కారిం యాదసే శాబల్యాం గ్రామణ్యం
గణకమభిక్రోశకం తాన్మహసే వీణావాదం పాణిఘ్నం తూణవధ్మం తాన్నృతాయానన్దాయ
తలవమ్ ||
అగ్నయే పీవానం పృథివ్యై పీఠసర్పిణం వాయవే
చాణ్డాలమన్తరిక్షాయ వఁశనర్తినం దివే ఖలతిఁ సూర్యాయ హర్యక్షం నక్షత్రేభ్యః
కిర్మిరం చన్ద్రమసే కిలాసమహ్నే శుక్లం పిఙ్గాక్షఁ రాత్ర్యై కృష్ణం
పిఙ్గాక్షమ్ ||
అతైతానష్టౌ విరూపానా లభతే తిదీర్ఘం చాతిహ్రస్వం
చాతిస్థూలం చాతికృశం చాతిశుక్లం చాతికృష్ణం చాతికుల్వం చాతిలోమశం చ |
అశూద్రా అబ్రాహ్మణాస్తే ప్రాజాపత్యాః |
మాగధః పుఁశ్చలీ కితవః క్లీబో శూద్రా అబ్రాహ్మణాస్తే
ప్రాజాపత్యాః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |