శుక్ల యజుర్వేదము - అధ్యాయము 21
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 21) | తరువాతి అధ్యాయము→ |
ఇమం మే వరుణ శ్రుధీ హవమద్యా చ మృడయ |
త్వామస్వస్యురా చకే ||
తత్త్వా యామి బ్రహ్మణా వన్దమానస్తదా శాస్తే యజమానో హవిర్భిః |
అహేడమానో వరుణేహ బోధ్యురుశఁస మా న ఆయుః ప్ర మోషీః ||
త్వం నో అగ్నే వరుణస్య విద్వాన్దేవస్య హేడో వ యాసిసీష్ఠాః |
యజిష్ఠో వహ్నితమః శోశుచానో విశ్వా ద్వేషాఁసి ప్ర
ముముగ్ధ్యస్మత్ ||
స త్వం నో అగ్నే వమో భవోతీ నేదిష్ఠో అస్యా ఉషసో వ్యుష్టౌ |
అవ యక్ష్వ నో వరుణఁ రరాణో వీహి మృడీకఁ సుహవో న ఏధి ||
మహీమూ షు మాతరఁ సువ్రతానామృతస్య పత్నీమవసే హువేమ |
తువిక్షత్రామజరన్తీమురూచీఁ సుశర్మాణమదితిఁ సుప్రణీతిమ్ ||
సుత్రామాణం పృథివీం ద్యామనేహసఁ సుశర్మాణమదితిఁ సుప్రణీతిమ్ |
దేవీం నావఁ స్వరిత్రామనాగసమస్రవన్తీమా రుహేమా స్వస్తయే ||
సునావమా రుహేయమస్రవన్తీమనాగసమ్ |
శతారిత్రాఁ స్వస్తయే ||
ఆ నో మిత్రావరుణా ఘృతైర్గవ్యూతిముక్షతమ్ |
మధ్వా రజాఁసి సుక్రతూ ||
ప్ర బాహవా సిసృతం జీవసే న ఆ నో గవ్యూతిముక్షతం ఘృతేన |
ఆ నో జనే శ్రవయతం యువానా శ్రుతం మే మిత్రావరుణా హవేమా ||
శం నో భవన్తు వాజినో హవేషు దేవతాతా మితద్రవః స్వర్కాః |
జమ్భయన్తో హిం వృకఁ రక్షాఁసి సనేమ్యస్మద్యుయవన్నమీవాః ||
వాజే-వాజే వత వాజినో నో ధనేషు విప్రా అమృతా ఋతజ్ఞాః |
అస్య మధ్వః పిబత మాదయధ్వం తృప్తా యాత పథిభిర్దేవయానైః ||
సమిద్ధో అగ్నిః సమిధా సుసమిద్ధో వరేణ్యః |
గాయత్రీ ఛన్ద ఇన్ద్రియం త్ర్యవిర్గౌర్వయో దధుః ||
తనూనపాచ్ఛుచివ్రతస్తనూపాశ్చ సరస్వతీ |
ఉష్ణిహా ఛన్ద ఇన్ద్రియం దిత్యవాడ్గౌర్వయో దధుః ||
ఇడాభిరగ్నిరీడ్యః సోమో దేవో అమర్త్యః |
అనుష్టుప్ఛన్ద ఇన్ద్రియం పఞ్చావిర్గౌర్వయో దధుః ||
సుబర్హిరగ్నిః పూషణ్వాన్త్స్తీర్ణబర్హిరమర్త్యః |
బృహతీ ఛన్ద ఇన్ద్రియం త్రివత్సో గౌర్వయో దధుః ||
దురో దేవీర్దిశో మహీర్బ్రహ్మా దేవో బృహస్పతిః |
పఙ్క్తిశ్ఛన్ద ఇహేన్ద్రియం తుర్యవాడ్గౌర్వయో దధుః ||
ఉషే యహ్వీ సుపేశసా విశ్వే దేవా అమర్త్యాః |
త్రిష్టుప్ఛన్ద ఇహేన్ద్రియం పష్ఠవాడ్గౌర్వయో దధుః ||
దైవ్యా హోతారా భిషజేన్ద్రేణ సయుజా యుజా |
జగతీ ఛన్ద ఇన్ద్రియమనడ్వాన్గౌర్వయో దధుః ||
తిస్ర ఇడా సరస్వతీ భారతీ మరుతో విశః |
విరాట్ఛన్ద ఇహేన్ద్రియం ధేనుర్గౌర్న వయో దధుః ||
త్వష్టా తురీపో అద్భుత ఇన్ద్రాగ్నీ పుష్టివర్ధనా |
ద్విపదా ఛన్ద ఇన్ద్రియముక్షా గౌర్న వయో దధుః ||
శమితా నో వనస్పతిః సవితా ప్రసువన్భగమ్ |
కకుప్ఛన్ద ఇన్ద్రియం వశా వేహద్వయో దధుః ||
స్వాహా యజ్ఞం వరుణః సుక్షత్రో భేషజం కరత్ |
అతిచ్ఛన్దా ఇన్ద్రియం బృహదృషభో గౌర్వయో దధుః ||
వసన్తేన ఋతునా దేవా వస్వవస్త్రివృతా స్తుతాః |
రథన్తరేణ తేజసా హవిరిన్ద్రే వయో దధుః ||
గ్రీష్మేణ ఋతునా దేవా రుద్రాః పఞ్చదశే స్తుతాః |
బృహతా యశసా బలఁ హవిరిన్ద్రే వయో దధుః ||
వర్షాభిరృతునాదిత్యా స్తోమే సప్తదశే స్తుతాః |
వైరూపేణ విశౌజసా హవిరిన్ద్రే వయో దధుః ||
శారదేన ఋతునా దేవా ఏకవిఁశ ఋభవ స్తుతాః |
వైరాజేన శ్రియా శ్రియఁ హవిరిన్ద్రే వయో దధుః ||
హేమన్తేన ఋతునా దేవాస్త్రిణవే మరుత స్తుతాః |
బలేన శక్వరీః సహో హవిరిన్ద్రే వయో దధుః ||
శైశిరేణ ఋతునా దేవాస్త్రయస్త్రిఁశే మృతా స్తుతాః |
సత్యేన రేవతీః క్షత్రఁ హవిరిన్ద్రే వయో దధుః ||
హోతా యక్షత్సమిధాగ్నిమిడస్పదే శ్వినేన్ద్రఁ సరస్వతీమజో ధూమ్రో
న గోధూమైః కువలైర్భేషజం మధు శష్పైర్న తేజ ఇన్ద్రియం పయః సోమః పరిస్రుతా
ఘృతం మధు వ్యన్త్వాజ్యస్య హోతర్యజ ||
హోతా యక్షత్తనూనపాత్సరస్వతీ అవిర్మేషో న భేషజం పథా మధుమతా
భరన్నశ్వినేన్ద్రాయ వీర్యం బదరైరుపవాకాభిర్భేషజం తోక్మభిః పయః సోమః
పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షన్నరాశఁసం న నగ్నహుం పతిఁ సురయా భేషజం మేషః సరస్వతీ
భిషగ్రథో న చన్ద్ర్యశ్వినోర్వపా ఇన్ద్రస్య వీర్యం బదరైరుపవాకాభిర్భేషజం
తోక్మభిః పయః సోమః పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షదిడేడిత ఆజుహ్వానః సరస్వతీమిన్ద్రం బలేన
వర్ధయన్నృషభేణ గవేన్ద్రియమశ్వినేన్ద్రాయ భేషజం యవైర్కర్కన్ధుభిర్మధు
లాజైర్న మాసరం పయః సోమః పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షద్బర్హిరూర్ణమ్రదా భిషఙ్నాసత్యా భిషజాశ్వినాశ్వా
శిశుమతీ భిషగ్ధేనుః సరస్వతీ భిషగ్దుహ ఇన్ద్రాయ భేషజం పయః సోమః పరిస్రుతా
ఘృతం మధు వ్యన్త్వాజ్యస్య హోతర్యజ ||
హోతా యక్షద్దురో దిశః కవష్యో న వ్యచస్వతీరశ్విభ్యాం న దురో
దిశ ఇన్ద్రో న రోదసీ దుఘే దుహే ధేనుః సరస్వత్యశ్వినేన్ద్రాయ భేషజఁ శుక్రం న
జ్యోతిరిన్ద్రియం పయః సోమః పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షత్సుపేశసోషే నక్తం దివాశ్వినా సమఞ్జతి సరస్వత్యా
త్విషిమిన్ద్రే న భేషజఁ శ్యేనో న రజసా హృదా శ్రియా న మాసరం పయః సోమః
పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షద్దైవ్యా హోతారా భిషజాశ్వినేన్ద్రం న జాగృవి దివా
నక్తం న భేషజైః శూషఁ సరస్వతీ భిషక్సీసేన దుహ ఇన్ద్రియం పయః సోమః పరిస్రుతా
ఘృతం మధు వ్యన్త్వాజ్యస్య హోతర్యజ ||
హోతా యక్షత్తిస్రో దేవీర్న భేషజం త్రయస్త్రిధాతవో పసో
రూపమిన్ద్రే హిరణ్యయమశ్వినేడా న భారతీ వాచా సరస్వతీ మహ ఇన్ద్రాయ దుహ
ఇన్ద్రియం పయః సోమః పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షత్సురేరసమృషభం నర్యాపసం త్వష్టారమిన్ద్రమశ్వినా
భేషజం న సరస్వతీమోజో న హూతిరిన్ద్రియం వృకో న రభసో భిషగ్యశః సురయా భేషజఁ
శ్రియా న మాసరం పయః సోమః పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షద్వనస్పతిఁ శమితారఁ శతక్రతుం భీమం న మన్యుఁ రాజానం
వ్యాఘ్రం నమసాశ్వినా భామఁ సరస్వతీ భిషగిన్ద్రాయ దుహ ఇన్ద్రియం పయః సోమః
పరిస్రుతా ఘృతం మధు వ్యన్త్వాజ్యస్య హోతర్యజ ||
హోతా యక్షదగ్నిఁ స్వాహాజ్యస్య స్తోకానాఁ స్వాహా మేదసాం
పృథక్స్వాహా ఛాగమశ్విభ్యాఁ స్వాహా మేషఁ సరస్వత్యై స్వాహ ఋషభమిన్ద్రాయ
సిఁహాయ సహస ఇన్ద్రియఁ స్వాహాగ్నిం న భేషజఁ స్వాహా సోమమిన్ద్రియఁ స్వాహేన్ద్రఁ
సుత్రామాణఁ సవితారం వరుణం భిషజాం పతిఁ స్వాహా వనస్పతిం ప్రియం పాథో న
భేషజఁ స్వాహా దేవా ఆజ్యపా జుషాణో అగ్నిర్భేషజం పయః సోమః పరిస్రుతా ఘృతం
మధు వ్యన్త్వాజ్యస్య హోతర్యజ ||
హోతా యక్షదశ్వినౌ ఛాగస్య వపాయా మేదసో జుషేతాఁ హవిర్హోతర్యజ |
హోతా యక్షత్సరస్వతీం మేషస్య వపాయా మేదసో జుషతాఁ
హవిర్హోతర్యజ |
హోతా యక్షదిన్ద్రమృషభస్య వపాయా మేదసో జుషతాఁ హవిర్హోతర్యజ ||
హోతా యక్షదశ్వినౌ సరస్వతీమిన్ద్రఁ సుత్రామాణమిమే సోమాః
సురామాణశ్ఛాగైర్న మేషైరృషభైః సుతాః శష్పైర్బ తోక్మభిర్లాజైర్మహస్వన్తో మదా
మాసరేణ పరిష్కృతాః శుక్రాః పయస్వన్తో మృతాః ప్రస్థితా వో
మధుశ్చుతస్తానశ్వినా సరస్వతీన్ద్రః సుత్రామా వృత్రహా జుషన్తాఁ సోమ్యం
మధు పిబన్తు వ్యన్తు హోతర్యజ ||
హోతా యక్షదశ్వినౌ ఛాగస్య హవిష ఆత్తామద్య మధ్యతో మేద ఉద్భృతం
పురా ద్వేషోభ్యః పురా పౌరుషేయ్యా గృభో ఘస్తాం నూనం ఘాసేఅజ్రాణాం యవసప్రథమానాఁ
సుమత్క్షరాణాఁ శతరుద్రియాణామగ్నిష్వాత్తానాం పీవోపవసానాం పార్శ్వతః
శ్రోణితః శితామత ఉత్సాదతో ఙ్గాద్-అఙ్గాదవత్తానాం కరత ఏవాశ్వినా జుషేతాఁ
హవిర్హోతర్యజ ||
హోతా యక్షత్సరస్వతీం మేషస్య హవిష ఆవయదద్య మధ్యతో మేద
ఉద్భృతం పురా ద్వేషోభ్యః పురా పౌరుషేయ్యా గృభో ఘసన్నూనం ఘాసేఅజ్రాణాం
యవసప్రథమానాఁ సుమత్క్షరాణాఁ శతరుద్రియాణామగ్నిష్వాత్తానాం పీవోపవసానాం
పార్శ్వతః శ్రోణితః శితామత ఉత్సాదతో ఙ్గాద్-అఙ్గాదవత్తానాం కరదేవఁ సరస్వతీ
జుషతాఁ హవిర్హోతర్యజ ||
హోతా యక్షదిన్ద్రమృషభస్య హవిష ఆవయదద్య మధ్యతో మేద ఉద్భృతం
పురా ద్వేషోభ్యః పురా పౌరుషేయ్యా గృభో ఘసన్నూనం ఘాసేఅజ్రాణాం యవసప్రథమానాఁ
సుమత్క్షరాణాఁ శతరుద్రియాణామగ్నిష్వాత్తానాం పీవోపవసానాం పార్శ్వతః
శ్రోణితః శితామత ఉత్సాదతో ఙ్గాద్-అఙ్గాదవత్తానాం కరదేవమిన్ద్రో జుషతాఁ
హవిర్హోతర్యజ ||
హోతా యక్షద్వనస్పతిమభి హి పిష్టతమయా రభిష్టయా రశనయాధిత |
యత్రాశ్వినోశ్ఛాగస్య హవిషః ప్రియా ధామాని యత్ర సరస్వత్యా
మేషస్య హవిషః ప్రియా ధామాని యత్రేన్ద్రస్య ఋషభస్య హవిషః ప్రియా ధామాని
యత్రాగ్నేః ప్రియా ధామాని యత్ర సోమస్య ప్రియా ధామాని యత్రేన్ద్రస్య సుత్రామ్ణః
ప్రియా ధామాని యత్ర సవితుః ప్రియా ధామాని యత్ర వరుణస్య ప్రియా ధామాని యత్ర
వనస్పతేః ప్రియా పాథాఁసి యత్ర దేవానామాజ్యపానాం ప్రియా ధామాని
యత్రాగ్నేర్హోతుః ప్రియా ధామాని తత్రైతాన్ప్రస్తుత్యేవోపస్తుత్యేవోపావ
స్రక్షద్రభీయస ఇవ కృత్వీ కరదేవం దేవో వనస్పతిర్జుషతాఁ హవిర్హోతర్యజ ||
హోతా యక్షదగ్నిఁ స్విష్టకృతమయాడగ్నిరశ్వినోశ్ఛాగస్య హవిషః
ప్రియా ధామాన్యయాట్సరస్వత్యా మేషస్య హవిషః ప్రియా ధామాన్యయాడిన్ద్రస్య
ఋషభస్య హవిషః ప్రియా ధామాన్యయాడగ్నేః ప్రియా ధామాన్యయాట్సోమస్య ప్రియా
ధామాన్యయాడిన్ద్రస్య సుత్రామ్ణః ప్రియా ధామాన్యయాట్సవితుః ప్రియా
ధామాన్యయాడ్వరుణస్య ప్రియా ధామాన్యయాడ్వనస్పతేః ప్రియా
పాథాఁస్యయాడ్దేవానామాజ్యపానాం ప్రియా ధామాని యక్షదగ్నేర్హోతుః ప్రియా ధామాని
యక్షత్స్వం మహిమానమా యజతామేజ్యా ఇషః కృణోతు సో అధ్వరా జాతవేదా జుషతాఁ
హవిర్హోతర్యజ ||
దేవం బర్హిః సరస్వతీ సుదేవమిన్ద్రే అశ్వినా |
తేజో న చక్షురక్ష్యోర్బర్హిషా దధురిన్ద్రియం వసువనే
వసుధేయస్య వ్యన్తు యజ ||
దేవీర్ద్వారో అశ్వినా భిషజేన్ద్రే సరస్వతీ |
ప్రాణం న వీర్యం నసి ద్వారో దధురిన్ద్రియం వసువనే వసుధేయస్య
వ్యన్తు యజ ||
దేవీ ఉషాసావశ్వినా సుత్రామేన్ద్రే సరస్వతీ |
బలం న వాచమాస్య ఉషాభ్యాం దధురిన్ద్రియం వసువనే వసుధేయస్య
వ్యన్తు యజ ||
దేవీ జోష్ట్రీ సరస్వత్యశ్వినేన్ద్రమవర్ధయన్ |
శ్రోత్రం న కర్ణయోర్యశో జోష్ట్రీభాం దధురిన్ద్రియం వసువనే
వసుధేయస్య వ్యన్తు యజ ||
దేవీ ఊర్జాహుతీ దుఘే సుదుఘేన్ద్రే సరస్వత్యశ్వినా
భిషజావతః |
శుక్రం న జ్యోతి స్తనయోరాహుతీ ధత్త ఇన్ద్రియం వసువనే
వసుధేయస్య వ్యన్తు యజ ||
దేవా దేవానాం భిషజా హోతారావిన్ద్రమశ్వినా |
వషట్కారైః సరస్వతీ త్విషిం న హృదయే మతిఁ హోతృభ్యాం
దధురిన్ద్రియం వసువనే వసుధేయస్య వ్యన్తు యజ ||
దేవీస్తిస్రస్తిస్రో దేవీరశ్వినేడా సరస్వతీ |
శూషం న మధ్యే నాభ్యామిన్ద్రాయ దధురిన్ద్రియం వసువనే వసుధేయస్య
వ్యన్తు యజ ||
దేవ ఇన్ద్రో నరాశఁసస్త్రివరూథః సరస్వత్యాశ్విభ్యామీయతే రథః |
రేతో న రూపమమృతం జనిత్రమిన్ద్రాయ త్వష్టా దధదిన్ద్రియాణి
వసువనే వసుధేయస్య వ్యన్తు యజ ||
దేవో దేవైర్వనస్పతిర్హిరణ్యపర్ణో అశ్విభ్యాఁ సరస్వత్యా
సుపిప్పల ఇన్ద్రాయ పచ్యతే మధు |
ఓజో న జూతిరృషభో న భామం వనస్పతిర్నో దధదిన్ద్రియాణి వసువనే
వసుధేయస్య వ్యన్తు యజ ||
దేవం బర్హిర్వారితీనామధ్వరే స్తీర్ణమశ్విభ్యామూర్ణమ్రదాః
సరస్వత్యా స్యోనమిన్ద్ర తే సదః |
ఈశాయై మన్యుఁ రాజానం బర్హిషా దధురిన్ద్రియం వసువనే
వసుధేయస్య వ్యన్తు యజ ||
దేవో అగ్నిః స్విష్టకృద్దేవాన్యక్షద్యథాయథఁ
హోతారావిన్ద్రమశ్వినా వాచా వాచఁ సరస్వతీమగ్నిఁ సోమఁ స్విష్టకృత్స్విష్ట
ఇన్ద్రః సుత్రామా సవితా వరుణో భిషగిష్టో దేవోవనస్పతిః స్విష్టా దేవా
ఆజ్యపాః స్విష్టో అగ్నిరగ్నినా హోతా హోత్రే స్విష్టకృద్యశో న
దధదిన్ద్రియమూర్జమపచితిఁ స్వధాం వసువనే వసుధేయస్య వ్యన్తు యజ ||
అగ్నిమద్య హోతారమవృణీతాయం యజమానః పచన్పక్తీః
పచన్పురోడాశాన్బధ్నన్నశ్విభ్యాం ఛాగఁ సరస్వత్యై మేషమిన్ద్రాయ ఋషభఁ
సున్వన్నశ్విభ్యాఁ సరస్వత్యా ఇన్ద్రాయ సుత్రామ్ణే సురాసోమాన్ ||
సూపస్థా అద్య దేవో వనస్పతిరభవదశ్విభ్యాం ఛాగేన సరస్వత్యై
మేషేణేన్ద్రాయ ఋషభేణాక్షఁస్తాన్మేదస్తః ప్రతి పచతాగృభీషతావీవృధన్త
పురోడాశైరపురశ్వినా సరస్వతీన్ద్రః సుత్రామా సురాసోమాన్ ||
త్వామద్య ఋష ఆర్షేయ ఋషీణాం నపాదవృణీతాయ్ం యజమానో బహుభ్య ఆ
సంగతేభ్య ఏష మే దేవేషు వసు వార్యాయక్ష్యత ఇతి తా యా దేవా దేవ
దానాన్యదుస్తాన్యస్మా ఆ చ శాస్స్వా చ గురస్వేషితశ్చ హోతరసి భద్రవాచ్యాయ
ప్రేషితో మానుషః సూక్తవాకాయ సూక్తా బ్రూహి ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |