శుక్ల యజుర్వేదము - అధ్యాయము 19

వికీసోర్స్ నుండి
శుక్ల యజుర్వేదము (శుక్ల యజుర్వేదము - అధ్యాయము 19)



  
స్వాద్వీం త్వా స్వాదునా తీవ్రాం తీవ్రేణామృతామమృతేన |
మధుమతీం మధుమతా సృజామి సఁ సోమేన |
సోమో సి |
అశ్విభ్యాం పచ్యస్వ |
సరస్వత్యై పచ్యస్వ |
ఇన్ద్రాయ సుత్రామ్ణే పచ్యస్వ ||

  
పరీతో షిఞ్చతా సుతఁ సోమో య ఉత్తమఁ హవిః |
దధన్వా యో నర్యో అప్స్వన్తరా సుషావ సోమమద్రిభిః ||

  
వాయోః పూతః పవిత్రేణ ప్రత్యఙ్క్సోమో అతిద్రుతః |
ఇన్ద్రస్య యుజ్యః సఖా |
వాయోః పూతః పవిత్రేణ ప్రత్యఙ్క్సోమో అతిద్రుతః |
ఇన్ద్రస్య యుజ్యః సఖా ||

  
పునాతి తే పరిస్రుతఁ సోమఁ సూర్యస్య దుహితా |
వారేణ శశ్వతా తనా ||

  
బ్రహ్మ క్షత్రం పవతే తేజ ఇన్ద్రియఁ సురయా సోమః సుత ఆసుతో
మదాయ |
శుక్రేణ దేవ దేవతాః పిపృగ్ధి రసేనాన్నం యజమానాయ ధేహి ||

  
కువిదఙ్గ యవమన్తో వయం చిద్యథా దాన్త్యనుపూర్వం వియూయ |
ఇహేహైషాం కృణుహి భోజనాని యే బర్హిషో నమఉక్తిం యజన్తి |
ఉపయామగృహీతో స్యశ్విభ్యాం త్వా సరస్వత్యై త్వేన్ద్రాయ త్వా
సుత్రామ్ణే |
ఏష తే యోనిస్తేజసే త్వా వీర్యాయ త్వా బలాయ త్వా ||

  
నానా హి వాం దేవహితఁ సదస్కృతం మా సఁ సృక్షాథాం పరమే వ్యోమన్ |
సురా త్వమసి శుష్మిణీ సోమ ఏష మా మా హిఁసీః స్వాం
యోనిమావిశన్తీ ||

  
ఉపయామగృహీతో స్యాశ్వినం తేజః సారస్వతం వీర్యఐన్ద్రం బలమ్ |
ఏష తే యోనిర్మోదాయ త్వానన్దాయ త్వా మహసే త్వా ||

  
తేజో సి తేజో మయి ధేహి |
వీర్యమసి వీర్యం మయి ధేహి |
బలమసి బలం మయి ధేహి |
ఓజో స్యోజో మయి ధేహి |
మన్యురసి మన్యుం మయి ధేహి |
సహో సి సహో మయి ధేహి ||

  
యా వ్యాఘ్రం విషూచికోభౌ వృకం చ రక్షతి |
శ్యేనం పతత్రిణఁ సిఁహఁ సేమం పాత్వఁహసః ||

  
యదాపిపేష మాతరం పుత్రః ప్రముదితో ధయన్ |
ఏతత్తదగ్నే అనృణో భవామ్యహతౌ పితరౌ మయా |
సమ్పృచ స్థ సం మా భద్రేణ పృఙ్క్త |
విపృచ స్థ వి మా పాప్మనా పృఙ్క్త ||

  
దేవా యజ్ఞమతన్వత భేషజం భిషజాశ్వినా |
వాచా సరస్వతీ భిషగిన్ద్రాయేన్ద్రియాణి దధతః ||

  
దీక్షాయై రూపఁ శష్పాణి ప్రాయణీయస్య తోక్మాని |
క్రయస్య రూపఁ సోమస్య లాజాః సోమాఁశవో మధు ||

  
ఆతిథ్యరూపం మాసరం మహావీరస్య నగ్నహుః |
రూపముపసదామేతత్తిస్రో రాత్రీః సురాసుతా ||

  
సోమస్య రూప క్రీతస్య పరిస్రుత్పరి షిచ్యతే |
అశ్విభ్యాం దుద్గ్ధం భేషజమిన్ద్రాయైన్ద్రఁ సరస్వత్యా ||

  
ఆసన్దీ రూపఁ రాజాసన్ద్యై వేద్యై కుమ్భీ సురాధానీ |
అన్తర ఉత్తరవేద్యా రూపం కారోతరో భిషక్ ||

  
వేద్యా వేదిః సమాప్యతే బర్హిషా బర్హిరిన్ద్రియమ్ |
యూపేన యూప ఆప్యతే ప్రణీతో అగ్నిరగ్నినా ||

  
హవిర్ధానం యదశ్వినాగ్నీధ్రం యత్సరస్వతీ |
ఇన్ద్రాయైన్ద్రఁ సదస్కృతం పత్నీశాలం గార్హపత్యః ||

  
ప్రైషేభిః ప్రైషానాప్నోత్యాప్రీభిరాప్రీర్యజ్ఞస్య |
ప్రయాజేభిరనుయాజాన్వషట్కారేభిరాహుతీః ||

  
పశుభిః పశూనాప్నోతి పురోడాశైర్హవీఁష్యా |
ఛన్దోభిః సామిధేనీర్యాజ్యాభిర్వషట్కారాన్ ||

  
ధానాః కరమ్భః సక్తవః పరీవాపః పయో దధి |
సోమస్య రూపఁ హవిష ఆమిక్షా వాజినం మధు ||

  
ధానానాఁ రూపం కువలం పరీవాపస్య గోధూమాః |
సక్తూనాఁ రూపం బదరముపవాకాః కరమ్భస్య ||

  
పయసో రూపం యద్యవా దధ్నో రూపం కర్కన్ధూని |
సఓమస్య రూపం వాజినఁ సౌమ్యస్య రూపమామిక్షా ||

  
ఆ శ్రావయేతి స్తోత్రియాః ప్రత్యాశ్రావో అనురూపః |
యజేతి ధయ్యారూపం ప్రగాథా యేయజామహాః ||

  
అర్ధఋచైరుక్థానాఁ రూపం పదైరాప్నోతి నివిదః |
ప్రణవైః శస్త్రాణాఁ రూపం పయసా సోమ ఆప్యతే ||

  
అశ్విభ్యాం ప్రాతఃసవనమిన్ద్రేణైన్ద్రం మాధ్యన్దినమ్ |
వైశ్వదేవఁ సరస్వత్యా తృతీయమాప్తఁ సవనమ్ ||

  
వాయవ్యైర్వాయవ్యానాప్నోతి సతేన ద్రోణకలశమ్ |
కుమ్భీభ్యామమ్భృణౌ సుతే స్థాలీభి స్థాలీరాప్నోతి ||

  
యజుర్వ్హిరాప్యన్తే గ్రహా గ్రహై స్తోమాశ్చ విష్టుతీః |
ఛన్దోభిరుక్థాశస్త్రాణి సామ్నావభృథ ఆప్యతే ||

  
ఇడాభిర్భక్షానాప్నోతి సూక్తవాకేనాశిషః |
శమ్యునా పత్నీసంయాజాన్త్సమిష్టయజుషా సఁస్థామ్ ||

  
వ్రతేన దీక్షామాప్నోతి దీక్షయాప్నోతి దక్షిణామ్ |
దక్షిణా శ్రద్ధామాప్నోతి శ్రద్ధయా సత్యమాప్యతే ||

  
ఏతావద్రూపం యజ్ఞస్య యద్దేవైర్బ్రహ్మణా కృతమ్ |
తదేతత్సర్వమాప్నోతి యజ్ఞే సౌత్రామణీ సుతే ||

  
సురావన్తం బర్హిషదఁ సువీరం యజ్ఞఁ హిన్వన్తి మహిషా నమోభిః |
దధానాః సోమం దివి దేవతాసు మదేమేన్ద్రం యజమానాః స్వర్కాః ||

  
యస్తే రసః సమ్భృత ఓషధీషు సోమస్య శుష్మః సురయా సుతస్య |
తేన జిన్వ యజమానం మదేన సరస్వతీమశ్వినావిన్ద్రమగ్నిమ్ ||

  
యమశ్వినా నముచేరాసురాదధి సరస్వత్యసునోదిన్ద్రియాయ |
ఇమం తఁ శుక్రం మధుమన్తమిన్దుఁ సోమఁ రాజానమిహ భక్షయామి ||

  
యదత్ర రిప్తఁ రసినః సుతస్య యదిన్ద్రో అపిబచ్ఛచీభిః |
అహం తదస్య మనసా శివేన సోమఁ రాజానమిహ భక్షయామి ||

  
పితృభ్యః స్వధాయిభ్యః స్వధా నమః |
పితామహేభ్యః స్వధాయిభ్యః స్వధా నమః |
ప్రపితామహేభ్యః స్వధాయిభ్యః స్వధా నమః |
అక్షన్పితరః |
అమీమదన్త పితరః |
అతీతృపన్త పితరః |
పితరః శున్ధధ్వమ్ ||

  
పునన్తు మా పితరః సోమ్యాసః పునన్తు మా పితామహాః |
పునన్తు ప్రపితామహాః పవిత్రేణ శతాయుషా |
పునన్తు మా పితామహాః సోమ్యాసః పునన్తు ప్రపితామహాః |
పవిత్రేణ శతాయుషా విశ్వమాయుర్వ్యశ్నవై ||

  
అగ్న ఆయూఁషి పవస్వ ఆ సువోర్జమిషం చ నః |
ఆరే బాధస్వ దుచ్ఛునామ్ ||

  
పునన్తు మా దేవజనాః పునన్తు మనసా ధియః |
పునన్తు విశ్వా భూతాని జాతవేదః పునీహి మా ||

  
పవిత్రేణ పునీహి మా శుక్రేణ దేవ దీద్యత్ |
అగ్నే క్రత్వా క్రతూఁరను ||

  
యత్తే పవిత్రమర్చిష్యగ్నే వితతమన్తరా |
బ్రహ్మ తేన పునాతు మా ||

  
పవమానః సో అద్య నః పవిత్రేణ విచర్షణిః |
యః పోతా స పునాతు మా ||

  
ఉభాభ్యాం దేవ సవితః పవిత్రేణ సవేన చ |
మాం పునీహి విశ్వతః ||

  
వైశ్వదేవీ పునతీ దేవ్యాగాద్యస్యామిమా బహ్వ్యస్తన్వో వీతపృష్ఠాః |
తయా మదన్తః సధమాదేషు వయఁ స్యామ పతయో రయీణామ్ ||

  
యే సమానాః సమనసః పితరో యమరాజ్యే |
తేషాం లోకః స్వధా నమో యజ్ఞో దేవేషు కల్పతామ్ ||

  
యే సమానాః సమనసో జీవా జీవేషు మామకాః |
తేషాఁ శ్రీర్మయి కల్పతామస్మిం లోకే సతఁ సమాః ||

  
ద్వే సృతీ అశృనవం పితౄణామహం దేవానాముత మర్త్యానామ్ |
తాభ్యామిదం విశ్వమేజత్సమేతి యదన్తరా పితరం మాతరం చ ||

  
ఇదఁ హవిః ప్రజననం మే అస్తు దశవీరఁ సర్వగణఁ స్వస్తయే |
ఆత్మసని ప్రజాసని పశుసని లోకసన్యభయసని |
అగ్నిః ప్రజాం బహులాం మే కరోత్వన్నం పయో రేతో అస్మాసు ధత్త ||

  
ఉదీరతామవర ఉత్పరాస ఉన్మధ్యమాః పితరః సోమ్యాసః |
అసుం య ఈయురవృకా ఋతజ్ఞాస్తే నో వన్తు పితరో హవేషు ||

  
అఙ్గిరసో నః పితరో నవగ్వా అథర్వాణో భృగవః సోమ్యాసః |
తేషాం వయఁ సుమతౌ యజ్ఞియానామపి భద్రే సౌమనసే స్యామ ||

  
యే నః పూర్వే పితరః సోమ్యాసో నూహిరే సోమపీథం వసిష్ఠాః |
తేభిర్యమః సఁరరాణో హవీఁష్యుశన్నుశద్భిః ప్రతికామమత్తు ||

  
త్వఁ సోమ ప్ర చికితో మనీషా త్వఁ రజిష్ఠమను నేషి పన్థామ్ |
తవ ప్రణీతీ పితరో న ఇన్దో దేవేషు రత్నమభజన్త ధీరాః ||

  
త్వయా హి నః పితరః సోమ పూర్వే కర్మాణి చక్రుః పవమాన ధీరాః |
వన్వన్నవాతః పరిధీఁరపోర్ణు వీరేభిరశ్వైర్మఘవా భవా నః ||

  
త్వఁ సోమ పితృభిః సంవిదానో ను ద్యావాపృథివీ ఆ తతన్థ |
తస్మై త ఇన్దో హవిషా విధేమ వయఁ స్యామ పతయో రయీణామ్ ||

  
బర్హిషదః పితర ఊత్యర్వాగిమా వో హవ్యా చకృమా జుషధ్వమ్ |
త ఆ గతావసా శంతమేనాథా నః శం యోరరపో దధాత ||

  
ఆహం పితౄన్సువిదత్రాఁ అవిత్సి నపాతం చ విక్రమణం చ విష్ణోః |

బర్హిషదో యే స్వధయా సుతస్య భజన్త పిత్వస్త ఇహాగమిష్ఠాః ||

  
ఉపహూతాః పితరః సోమ్యాసో బర్హిష్యేషు నిధిషు ప్రియేషు |
త ఆ గమన్తు త ఇహ శ్రువన్త్వధి బ్రువన్తు తే వన్త్వస్మాన్ ||

  
ఆ యన్తు నః పితరః సోమ్యాసో గ్నిష్వాత్తాః పథిభిర్దేవయానైః |
అస్మిన్యజ్ఞే స్వధయా మదన్తో ధి బ్రువన్తు తే వన్త్వస్మాన్ ||

  
అగ్నిష్వాత్తాః పితర ఏహ గచ్ఛత సదః-సదః సదత సుప్రణీతయః |
అత్తా హవీఁషి ప్రయతాని బర్హిష్యథా రయిఁ సర్వవీరం దధాతన ||

  
యే అగ్నిష్వాత్తా యే అనగ్నిష్వాత్తా మధ్యే దివః స్వధయా
మాదయన్తే |
తేభ్యః స్వరాడసునీతిమేతాం యథావశం తన్వం కల్పయాతి ||

  
అగ్నిష్వాత్తాఁ ఋతుమతో హవామహే నారాశఁసే సోమపీథం య ఆశుః |
తే నో విప్రాసః సుహవా భవన్తు వయఁ స్యామ పతయో రయీణామ్ ||

  
ఆచ్యా జాను దక్షిణతో నిషద్యేమం యజ్ఞమభి గృణీత విశ్వే |
మా హిఁసిష్ట పితరః కేన చిన్నో యద్వ ఆగః పురుషతా కరామ ||

  
ఆసీనాసో అరుణీనాముపస్థే రయిం ధత్త దాశుషే మర్త్యాయ |
పుత్రేభ్యః పితరస్తస్య వస్వః ప్ర యచ్ఛత త ఇహోర్జం దధాత ||

  
యమగ్నే కవ్యవాహన త్వం చిన్మన్యసే రయిమ్ |
తం నో గీర్భిః శ్రవాయ్యం దేవత్రా పనయా యుజమ్ ||

  
యో అగ్నిః కవ్యవాహనః పితౄన్యక్షదృతావృధః |
ప్రేదు హవ్యాని వోచతి దేవేభ్యశ్చ పితృభ్య ఆ ||

  
త్వమగ్న ఈడితః కవ్యవాహనావాడ్ఢవ్యాని సురభీణి కృత్వీ |
ప్రాదాః పితృభ్యః స్వధయా తే అక్షన్నద్ధి త్వం దేవ ప్రయతా
హవీఁషి ||

  
యే చేహ పితరో యే చ నేహ యాఁశ్చ విద్మ యాఁ ఉ చ న ప్రవిద్మ |
త్వం వేత్థ యతి తే జాతవేదః స్వధాభిర్యజ్ఞఁ సుకృతం జుషస్వ ||

  
ఇదం పితృభ్యో నమో అస్త్వద్య యే పూర్వాసో య ఉపరాస ఈయుః |
యే పార్థివే రజస్యా నిషత్తా యే వా నూనఁ సువృజనాసు విక్షు ||

  
అధా యథా నః పితరః పరాసః ప్రత్నాసో అగ్న ఋతమాశుషాణాః |
శుచీదయన్దీధితిముక్థశాసః క్షామా భిన్దన్తో అరుణీరప వ్రన్ ||

  
ఉశన్తస్త్వా ని ధీమహ్యుశన్తః సమిధీమహి |
ఉశన్నుశత ఆ వహ పితౄన్హవిషే అత్తవే ||

  
అపాం పేనేన నముచేః శిర ఇన్ద్రోదవర్తయః |
విశ్వా యదజయ స్పృధః ||

  
సోమో రాజామృతఁ సుత ఋజీషేణాజహాన్మృత్యుమ్ |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
అద్భ్యః క్షీరం వ్యపిబత్క్రుఙ్ఙాఙ్గిరసో ధియా |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
సోమమద్భ్యో వ్యపిబచ్ఛన్దసా హఁసః శుచిషత్ |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
అన్నాత్పరిస్రుతో రసం బ్రహ్మణా వ్యపిబత్క్షత్రం పయః సోమం
ప్రజాపతిః |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
రేతో మూత్రం వి జహాతి యోనిం ప్రవిశద్రయిమ్ |
గర్భో జరాయుణావృత ఉల్వం జహాతి జన్మనా |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
దృష్ట్వా రూపే వ్యాకరోత్సత్యానృతే ప్రజాపతిః |
అశ్రద్ధామనృతే దధాచ్ఛ్రద్ధాఁ సత్యే ప్రజాపతిః |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
వేదేన రూపే వ్యపిబత్సుతాసుతౌ ప్రజాపతిః |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
దృష్ట్వా పరిస్రుతో రసఁ శుక్రేణ శుక్రం వ్యపిబత్ |
పయః సోమం ప్రజాపతిః |
ఋతేన సత్యమిన్ద్రియం విపానఁ శుక్రమన్ధస
ఇన్ద్రస్యేన్ద్రియమిదం పయో మృతం మధు ||

  
సీసేన తన్త్రం మనసా మనీషిణా ఊర్ణాసూత్రేణ కవయో వయన్తి |
అశ్వినా యజ్ఞఁ సవితా సరస్వతీన్ద్రస్య రూపం వరుణో భిషజ్యన్ ||

  
తదస్య రూపమమృతఁ శచీభిస్తస్రో దధుర్దేవతాః సఁరరాణాః |
లోమాని శష్పైర్బహుధా న తోక్మభిస్త్వగస్య మాఁసమభవన్న లాజాః ||

  
తదశ్వినా భిషజా రుద్రవర్తనీ సరస్వతీ వయతి పేశో అన్తరమ్ |
అస్థి మజ్జానం మాసరైః కారోతరేణ దధతో గవాం త్వచి ||

  
సరస్వతీ మనసా పేశలం వసు నాసత్యాభ్యాం వయతి దర్శతం వపుః |
రసం పరిస్రుతా న రోహితం నగ్నహుర్ధీరస్తసరం న వేమ ||

  
పయసా శుక్రమమృతం జనిత్రఁ సురయా మూత్రాజ్జనయన్త రేతః |
అపామతిం దుర్మతిం బాధమానా ఊవధ్యం వాతఁ సబ్వం తదారాత్ ||

  
ఇన్ద్రః సుత్రామా హృదయేణ సత్యం పురోడాశేన సవితా జజాన |
యకృత్క్లోమానం వరుణో భిషజ్యన్మతస్నే వాయవ్యైర్న మినాతి పిత్తమ్ ||

  
ఆన్త్రాణి స్థాలీర్మధు పిన్వమానా గుదాః పాత్రాణి సుదుఘా న
ధేనుః |
శ్యేనస్య పత్రం న ప్లీహా శచీభిరాసన్దీ నాభిరుదరం న మాతా ||

  
కుమ్భో వనిష్ఠుర్జనితా శచీభిఏ యస్మిన్నగ్రే యోన్యాం గర్భో
అన్తః |
ప్లాశిర్వ్యక్తః శతధార ఉత్సో దుహే న కుమ్భీ స్వధాం పితృభ్యః ||

  
ముఖఁ సదస్య శిర ఇత్సతేన జిహ్వా పవిత్రమశ్వినాసన్త్సరస్వతీ |
చప్యం న పాయుర్భిషగస్య వాలో వస్తిర్న శేపో హరసా తరస్వీ ||

  
అశ్విభ్యాం చక్షురమృతం గ్రహాభ్యాం ఛాగేన తేజో హవిషా
శృతేన |
పక్ష్మాణి గోధూమైః కువలైరుతాని పేశో న శుక్రమసితం వసాతే ||

  
అవిర్న మేషో నసి వీర్యాయ ప్రాణస్య పన్థమృతో గ్రహాభ్యామ్ |
సరస్వత్యుపవాకైర్వ్యానం నస్యాని బర్హిర్బదరైర్జజాన ||

  
ఇన్ద్రస్య రూపం వృషభో బలాయ కర్ణాభ్యాఁ శ్రోత్రమమృతం గ్రహాభ్యాం |
యవా న బరిర్భ్రువి కేసరాణి కర్కన్ధు జజ్ఞే మధు సారఘం ముఖాత్ ||

  
ఆత్మన్నుపస్థే న వృకస్య లోమ ముఖే శ్మశ్రూణి న వ్యాఘ్రలోమ |
కేశా న శీర్షన్యశసే శ్రియై శిఖా సిఁహస్య లోమ
త్విషిరిన్ద్రియాణి ||

  
అఙ్గాన్యాత్మన్భిషజా తదశ్వినాత్మానమఙ్గైః సమధాత్సరస్వతీ |
ఇన్ద్రస్య రూపఁ శతమానమాయుశ్చన్ద్రేణ జ్యోతిరమృతం దధానాః ||

  
సరస్వతీ యోన్యాం గర్భమన్తరసరస్భ్యాం పత్నీ సుకృతం బిభర్తి |
అపాఁ రసేన వరుణో న సామ్నేన్ద్రఁ శ్రియై జనయన్నప్సు రాజా ||

  
తేజః పశూనాఁ హవిరిన్ద్రియావత్పరిస్రుతా పయసా సారఘం మధు |
అశ్విభ్యాం దుగ్ధం భిషజా సరస్వత్యా సుతాసుతాభ్యామమృతః సోమ
ఇన్దుః ||


శుక్ల యజుర్వేదము