శశికళ/సంగీత మేలనే
< శశికళ
సంగీత మేలనే
సంగీత మేలనే
పొంగేటి లయలేల
సంతోషమే లేని జన్మకిక
సంగీత మేలనే !
గొంతెత్తి పాడితే
గొణుగు పోయెను స్వరము
పాట రానేరాదు
బరువెక్కెనే గుండె
సంగీత మేలనే ?
ఆనంద రూపమై
అవతరించే గీతి
ఆర్తిలో వికృతమై
అపయానమై పోవు
సంగీత మేలనే ?
కోకిలల కంఠాన
మూకత్వమే చాలు
సెలయేటి పతనాల
జలము లింకిన చాలు
సంగీత మేలనే ?
నీవు కనరాని నా
కీ విపంచది ఏల
ఈ వేణు వెందుకే
ఈ హంగు లెందుకే
సంగీత మేలనే ?
పొంగేటి లయలేల
సంతోషయే లేని జన్మకిక
సంగీత మేలనే ?