యెంకి పాటలు/రావొద్దె

వికీసోర్స్ నుండి
ఇక్కడికి గెంతు: మార్గసూచీ, వెతుకు

రావొద్దె!

రావొద్దె నాపక్క రావద్దె యెంకీ!
ఆపొద్దె మనపొత్తు లయిపోయెనెంకీ!
నీ మీద పాణాలు నిలుపు కొంటా వొచ్చి,
అద్ద రేతిర్లోనె అడివంత తిరిగానె !!

రావొద్దె నా పక్క రావొద్దె యెంకీ !
ఆపొద్దె మనపొత్తు లయిపోయెనెంకీ!
గట్టెక్కి సూశాను ! పుట్టెక్కి సూశానె !
కల్ల కపటము లేని పిల్ల వను కున్నానె !!!

రావొద్దె నా పక్క రావొద్దె యెంకీ !
ఆపొద్దె మనపొత్తు లయిపోయెనెంకీ!
యేడ నువ్వుండావొ యేళ్ళన్ని యీదానె !!!
యేటి సేస్తుండావొ యీశ్శరు ణ్ణడిగానె !!!

రావొద్దె నాపక్క రావొద్దె యెంకీ!
ఆపొద్దె మనపొత్తు లయిపోయెనెంకీ!