బసవరాజు అప్పారావు గీతములు/సముద్రము
చిట్టి నాచెక్కిళ్ళు చేతితో నిమిరీ
తియ్యగా ప్రేమమ్ము దెల్పేటివేళా
చిరునవ్వు నవ్వేటి చంద్రుణ్ణి గాంచీ
స్వర్గ మింకేటికని పలువరించేను!
సముద్రము
ఎంత లోతుంటుందొ
యీ సముద్రము చిట్టి!
అంతులేనేలేద
నంటారు కాదా!
ఈ సముద్రము దరిని
నీ అగాధపు హృదయ
మది యేమొ, చిట్టి, నా
కట్టె తలపొచ్చింది
బ్రహ్మాండమైన నీ
ప్రణయాబ్ధిలో బడే
పిల్లకాలవను నా
ప్రేమ లెఖ్ఖా జమా! ఎంత ||