ఈ పుట అచ్చుదిద్దబడ్డది
రెండో దృశ్యం
(పూజాపాత్రిక ఊపుకుంటూ అత్యుత్సాహంతో ఏకాంతంగా వసంతసేన మదనాలయం నుంచి ఇంటికిపోతూ పాడుకుంటుంది)
నావ నైనానోయి సఖుడా!
నడుపవోయీ, నావికుడవై!!
కారు మొగిలులు లేనె లేని
గాలిగుంపులు రానె రాని
ప్రణయసాగరతీరభూముల
పాడుకోరా! ఆడుకోరా!! నావనైనా...
వెండి వెలుగుల నిండి వెలిగే
వింత లోకములోన సఖుడా!
నాకు నీవై నీకు నేనై
ఏకమౌదామోయి సఖుడా!! నావనైనా...
కుంభీలకుడు : వసంతసేనా!... నిలు!... నిలు!!
శకారుడు : (తెరలో నిష్కర్షగా) వసంతసేనా! వసంతసేనా!!
వసంతసేన : (వెనుదిరిగి చూచి) అయ్యో! అయ్యో!!
శకారుడు : (కుంభీలకుడితో ప్రవేశించి) మేము... మేము వసంతసేనా!
వసంతసేన : (భయకంపితస్వరంతో) పల్లవికా. పరభృతికా! మదనికా! మధుకరికా!... అయ్యో! అయ్యో!
శకారుడు : బావా! ఎవరో మనుష్యులను పిలుస్తున్నది.
కుంభీలకుడు : పరిజనాన్ని బావా!
———————————————————————————
వసంతసేన
121
