'భారతా!'
మ. జననం బందిరి సర్వరంగములలో శౌండీరు లౌ పుత్రు లీ
జనయిత్రీ ఘన గర్భమందున - మహోత్సాహంబుతో వారి జీ
వన చాతుర్య కథల్ రచించి, నిజదర్పంబొప్ప లోకంబులం
దున నుప్పొంగుచు పాడుకొమ్మెపుడు నుద్యోగించి ఓ భారతా!
ఉ. తీర్చి భయం బహింసయను దివ్య మహాస్త్రము దాల్చి శక్తిమై
నోర్చి భయంకరారిగణ ముజ్జ్వల భాగ్యము స్వేచ్ఛ నిచ్చి, ని
త్యార్చిత మూర్తియై వెలుగు నా జననేతకు గాంధి దేవుకున్
గూర్చి త్వదీయ హృన్మధుర కుట్మల మీయెడ నంజలింపుమా
చ. భువి నిటువంటి నాయకుని పొందుట పుణ్యమటన్న కీర్తి తో
నవిరళ ధర్మ మూర్తి యయి అభ్యుదయమ్మును - శాంతి నిచ్చు వి
ప్లవకర రాజనీతిఁ బరిపాలన సేసిన రాజ్యశిల్పి - ఆ
జవహరునాత్మ నీకిల ప్రశస్త పథంబులఁ జూపు దివ్వెయై.
ఉ. ఈ కమనీయ దేశమున నెల్లర కెందును భేదభావముల్
లేక ప్రశాంతమై - బ్రతుకు రీతులతో గణతంత్ర రాజ్యమే
కైక మనోజ్ఞ వైఖరి ఘటించి జగమ్మున మిన్నఁ జేయఁగా
నీకిడినట్టి పూజ్య మహనీయుల నెల్లెడ సంస్మరింపుమా!
ఉ. భండన భూములం దెటుల ప్రౌఢులొ అట్టులె శాంతి వేళ ను
ద్దండులు భారతీయులని యీ జగమెల్ల నెరుంగ జూపె మా
ర్తాండు మహోజ్జ్వలుండయిన లాల్ బహదూర్ ప్రియనాయకుండు నా
తండు ప్రియంపడంగ వసుధన్ విరజిమ్మును శాంతి చంద్రికల్.
ఉ. 'శాంతి, ప్రపంచ శాంతి' యని చాటెడు దేశములందు నెన్నియో
సాంత్వన నిచ్చి శక్తిమెయి శాంతికి నై కృషి సల్పఁబోవు న
త్యంతము నీపయి బడియెనయ్య ఘటింపగ విశ్వశాంతి దు
ర్ధాంత తమః ప్రభాత్తరణ దారుణ మేఘములన్ జెదర్చుచున్. 6
మధుప్రప
133
