ఈ పుట ఆమోదించబడ్డది
ఆదిప్రకరణము
53
బలవంతముగఁ గనఁ - బడునట్టి వాస
నలు తనుత్వము నొంది-నను శరీరమునఁ
దగ నాతివాహిక - త్వం బుదయించుఁ
బగలైనఁ, దపన తా-పంబున మంచు
కరిగి నీరంబైన - కైవడిగాను
సురుచిరంబైనట్టి - శుద్ధసత్యంబు
దఱచుగాఁ జిత్తను - తనువాసనయును
వరుసగా గన నాతి - వాహికం బగును1150
నన విని లీల యిట్లనియె నీ జ్ఞాన
మెనసి నే సాధించు - టెట్లొకో? యనుచు
ననుమాన మొందఁగా నా వాణి పలికెఁ
'దనుమద్య! విను పర- తత్త్వచింతనము
ధన్యతా ప్రదముగు, - తత్కథాశ్రవణ
మన్యోన్యభోదనం - బతిశయకాంతి
పనుపడిన తదేక - పరత యభ్యాస
మనఁబడు, దృశ్యంబు లన్ని సత్యములు
గా మదిఁగని కర్మకారు లందఱును
బామరు లని వారి [1]పథములం జౌక1160
యూరకే యుపశాంతిఁ బొందినరీతి
నారూఢమైన బ్రహ్మానుసంధాన
సరణి యటంచు నిశ్చయముగాఁ జెప్ప
సరిప్రొద్దువేళ నిశ్చలతరజ్ఞాన
- ↑ కథల నొకవేళ
