ఈ పుట ఆమోదించబడ్డది
ఆదిప్రకరణము
41
ఎల్లకార్యములందు - నేవేళ నాత్మ
చల్లనై తగునట్టి - శాంతి వహించి,
పొరిఁ [1]బదార్థములందుఁ - బూర్ణుఁడై, గర్వ
విరహితుఁ డగుచు వి - వేకియై నట్టి
వాఁడు నిక్కముగ జీ - వన్ముక్తుఁ డగును,
పోఁడిమిగా నట్టి - పుణ్యాత్మకుండు
కాలవశంబునం - గాయంబు విడిచి
వాలాయమైన జీ - వత్వంబు నణఁచి
పరమాత్మ యందుఁ ద - ప్పక పొందు; నదియె
మురువు మీఱ విదేహ - ముక్తి యటంచుఁ. 880
బలుక నొప్పు' నటంచుఁ బట్టు గాఁ జెప్పి
పలికె నమ్ముని, యీ యు - పాఖ్యానమందు
నల పరమాత్మ మా - యా మనోరూప
కలితుఁడై జగములఁ - గల్పించినట్టి
సరణిఁ జెప్పంబడె; - సాత్త్వికి మాయ
కిరవైన దుర్ఘట - హేతుత్వ మహిమ,
మతి జగత్తునకును - మాయికత్వమును
తరమిడి యెఱుగంగఁ - దగునట్టి లీల
చరితంబుఁ జెప్పెదఁ - జక్కఁగాఁ దెలియు
మరు దది యెట్లన్న - నాలించి వినుము! 890
- ↑ నరార్థములందు - వా.
