ఆదిప్రకరణము
31
ఘనుఁ డట్టి సాధు సాం-గత్యంబుఁ జేయు
మనుజుఁడు తరియించు - మాయాంబునిధిని,
గనుకను సాధు సాం-గత్యంబు లోనఁ
బనుబడ తద్ద్వార - పాలకుం డగును.
చిరముగా నిది యభ్య-సించినవారు
వరుసగా మోహార్ణ-వంబు దాఁటుదురు.
స్పష్టంబుగాఁ బర-బ్రహ్మోపదేశ
దృష్టాంత మీరీతిఁ - వెలియజేసితిని,
ధీరాత్మ! యిదియేక - దేశ సామర్థ్య
మారసి చూడు -యంతరంగమున,
నమర నిరాకార-మగు బ్రహ్మమందుఁ
గ్రమముగా సాకార-కల్పన గలిగె.
తగఁ దాన దృష్టాంత - దార్ట్షాంతికంబు
లగుచు నెప్పుడుఁ బ్రమా-దాంతంబు లగుచు
ధర నొప్పు మూర్ఖ కు-తర్క వాదములఁ
జొరక సదా పరిశుద్ధమై వెలుఁగు
శుద్ధచైతన్య మ-చ్చుగ భావమందు
సిద్ధాంతముగఁ జూచి - చింతింపుచుండు;650
ధీర! నీ వందుఁ బొం-దెదవని కరుణ
నారూఢుఁడైన సంయమి- దృఢంబుగను
మొనసి రామునకు ము-ముక్షు ప్రకరణ
మనువొంద బోధించె ననుచు వాల్మీకి
క్రమమొప్ప వినిపింపఁ-గా భరద్వాజుఁ
డమర శ్రీరామున కా-వసిష్ఠుండు
