ఈ పుట ఆమోదించబడ్డది
28
వాసిష్ఠరామాయణము
కర్మకులకుఁ గ్రియా - కాండ బోధింతు,
నిర్మలవైరాగ్య - నిష్ఠుల కెల్లఁ
దిరముగా జ్ఞానోప-దేశము సేతు;
నరసి సంసారినై - యం దంట కుందుఁ,
జేయఁగాఁ దగు పనుల్ - చేసియు, నొకటి
చేయనివాఁడనై - జీవింపుచుందు,
గుఱిగానలేని మూ-ర్ఖుండైనఁ గాని
గురు సేవఁజేసి యా-గురుతర జ్ఞాన570
సరణిని వినుచున్న - సకలపాపములు
పొరిఁబొరి నశియించి - పోవుఁ బిమ్మటను,
అరయ మేధాశాలి - వై గురుమర్మ
మెఱిఁగి ముక్తినిఁ బొందు - మినకులోత్తమ!
సరససద్గురువాక్య - సరణి సచ్ఛాస్త్ర
మరసి, మనోనిశ్చ-యంబు, నాత్మైక్య
పరుఁడైన పురుషుండు - పరమందుఁబెందు.
ధరణీశ! వినుము తీ-ర్థస్నానములును,
మొనయుఁ, గాయక్లేశ-ములు, సతీసతులు,
ధనధాన్యములు, దేవ-తా సేవనములు580
పురుషుని ముక్తినిఁ - బొందింపలేవు
తిరముగా మది నిరో-ధింపకుండినను,
నది నిరోధంబగు - నటువంటి రీతి
విదితంబుగా నీవు - విను మదెట్లనిన
