ఈ పుట ఆమోదించబడ్డది
ఆదిప్రకరణము
13
నూరకే ధనవంతుఁ-డులుకుచునుండు,
వారయఁగా వాని-కది సుఖం బగునె?
కదిసి యౌవనము సు-ఖం బిచ్చు ననిన
నది రక్త, మాంస, హే-యాస్థి చర్మములు240
గూడి రూపములైన-కొమ్మల ముఖము
లాడాడఁ జూచి, మో-హభ్రాంతి పొంది,
తగఁ బెండ్లియాడి, వి-త్తము నపేక్షించి,
మగఁటిమిఁ జూపుచు, మదమత్తులైన
ధనికుల యాచించి-ధనము లార్జించి,
తనభార్య కొప్పించి,-తమకించి దానిఁ
గలసి స్వతేజంబుఁ-గరఁగించి విడిచి,
బలహీనుఁడై డస్సి-పామరుం డగుచు,
నందనులను గాంచి-వాటుగాఁ బెంచి,
యందున బహుసౌఖ్య-మబ్బె నటంచు250
మురిసి, వారలమీఁద-మోహంబు నుంచి,
మఱి మఱి సంసార-మాయలో మునిగి,
సారార్థ సరణి వి-చారింపఁ దనకుఁ
దీఱక, పగలు రా-తిరి యదే జోలి
గా కాల మూరకే-గడపుచునుండి,
యాకాల మరుగగా,-నట జరాభార
కలితుఁడై రోగదుః-ఖంబుల చేతఁ
బలుమాఱు వగచుచుఁ-బడి లేవ లేక,
దేహంబుపై నాశ-దిగవీడ లేక,
మోహ లోభములచే-మూఢాత్ముఁ డగుచుఁ260
