చతుర్థ ప్రకరణము
285
కరణి సహస్రార - కమలమధ్యమున
సురుచిరమైనట్టి - సూక్ష్మ లక్ష్యమునఁ
దనరు వోంకార నా-దము మ్రోయ, దాని
వినుచుఁ జొక్కుచు మహి-విభుఁడు కన్నులను
దెఱచి, యా ముందర - దీపించి మున్ను
గురుఁడైన యట్టి య-క్కుంభు నీక్షించి,
యతని సద్భక్తితో - నర్చించి నిలిచి,
హిత మొప్పఁగా మ్రొక్కి - యెదుట నుండఁగను,
భూపాలుఁ జూచి కుం-భుఁడు సంతసించి
'యో పార్థివేశ్వర! - యోపుణ్యచరిత! 1960
వలనైన విమల జీ-వన్ముక్తి సుఖము
పొలుపొంద సుస్థితిఁ - బొందెనే నీకు?
పరమచిదానంద - పదవియం దిపుడు
సరససుబుద్ధి వి-శ్రాంతిఁ బొందితివె?
ఇది ఖేద, మిది మోద-మిది భేద మనుచు
మదిఁ దోఁచ కవి యెల్ల - మఱచితే? యిపుడు
కడలేని కర్మ సం-కల్ప జాలముల
విడిచితివే? జ్ఞాన -విభవ మొందితివె?
సర్వవైరాగ్యంబు - సర్వసౌమ్యంబు
సర్వశాంతము నీకు - సంభవించినది? 1970
యని పెక్కు విధముల - నడుగఁగా, నన్ని
విని కుంభునకు మహీ-విభుఁ డిట్టు లనియె: