737 వొక్కటిగఁ గలపుకొని వొలుపుఁబప్పులతోడ కిక్కిరియ నిటు లారగించవయ్యా చ. కడుమధురమైన మీఁగడ పెరుగులను మంచి అడియాల పూరుఁగాయల రుచులతో బడిబడిగ నవకంపుఁ బళ్లేరంబులతోడ కడునారగించు వేంకటగి-lరీంద్రా రేకు:0256-05 సాళంగనాట సంపుటము: 03-324 పల్లవి: పంచేంద్రియములనే పట్టణ స్వాములాల తెంచి బేరమాడుకొని దించరో బరవు చ. తగిన సంసారసముద్రములోనఁ దిరిగాడి బిగువు దేహపు టోడబేహారివాఁడ జగతిఁ బుణ్యపాపపు సరకులు దెచ్చినాఁడ దిగితి బూతురేవునఁ దీరుచరో సుంకము చ. అడరి గుణత్రయములనేటి తెడ్డుల చేత నడుమ నిన్నాళ్ళదాఁకా నడపినాడ కడుఁజంచలములనే గాలిచాప లెత్తినాఁడ వెడమాయపు సరకు వెలకియ్యరో చ. ఆతుమయనేటి కంభ మంతరాత్ముఁ డెక్కియుండి నీతితో మమ్ముఁగాచుక నిలుచున్నాఁడు ఆతఁడే శ్రీవేంకటేశుఁ డటు మాకు మీకుఁ గర్త ఘూతమాని ఇఁక మాకు కడుగుణ మియ్యరో రేకు:0286-04 రామక్రియ సంపుటము: 03-497 పల్లవి: పంచేంద్రియములాల పంచభూతములాల అంచెలఁ దొమ్మి సేయకురో మీరు చ. కొందరికి మంచివాఁడ కొందరికిఁ గానివాఁడ నిందకుఁ గీర్తికిఁ బొత్తు నే నొకఁడనే అంది నిద్దిరించువాఁడ నటు మేలుకొనువాఁడ బొందితో నెఱుక మఱపులకు నొక్కఁడనే చ. దైవము నిర్మించినది ధరణిఁ బొడమినది యీవలావలికిఁ బొత్తు యీ దేహమే వేవేలు పుణ్యములకు వెలయుఁ బాపములకు యిూవల రెంటికి గురి ఇదివో నా మనసు చ. తుంచి సగమటు వోవు తోడనే సగము వచ్చు పంచి లోనికి వెలికిఁ బ్రాణమొక్కటే కొంచక శ్రీవేంకటేశుఁ గొలిచి నే శరణంటి మంచివాయఁ బనులెల్లా మమ్ముఁ గాచె నితఁడు రేకు:0148-06 దేసాళం సంపుటము:02-222 పల్లవి: పంట వండుకొనేవారిభాగ్యము లిటమీఁద నంటిముట్టి వెదకితే నాతుమ లోనున్నది చ. వేదములలో మొలచె వేదాంతాలఁ గొనసాగె గాదిలి శ్రీహరిభక్తికల్పలత పోదియెక్కె వైరాగ్యబోధలచేఁ బలుమారు పాదుకొని వేరువారె పంచసంస్కారాలను చ. అల్లుకొనె మునులలో నంటెనుఁ బురాణాల చెల్లుబడి శాస్త్రాలఁ జిగిరించెను చల్లఁగాఁ బూవులు వూచె సత్కర్మవిదులను
