609 చ. ముప్పిరిదాసులకెల్లా ముందు ముందే యొసగేటి తిప్పరాని వరముల దేవసింహమా చిప్పల నహోబలాన శ్రీవేంకటాద్రిమీఁద తెప్పల దేలేటియట్టి దేవసింహమా రేకు: 0151-05 సాళంగనాట సంపుటము: 02-239 పల్లవి: దిక్కులు సాధించఁబూని దేవదుంధుభులు మైూయ యొక్కువ శ్రీవేంకటేశుఁ డెక్కెఁ దేరు చ. పన్నిద్దరు సూరియుల బండికండ్లతేరు సన్నుతి శేషాదిదేవాసనపుఁ దేరు కన్నులపండుగైన గరుడధ్వజపుఁ దేరు యెన్నఁగ శ్రీవేంకటేశుఁ డెక్కె నిదె తేరు చ. మించు నానా మేఘముల మేలుకట్ల తేరు చుంచులనక్షత్రాల కుచ్చుల తేరు అంచెదేవతలే బొమ్మలై వుండినట్టి తేరు యెంచఁగ శ్రీవేంకటేశుఁ డెక్కె నిదె తీరు చ. అట్టె కిందేడులోకము లంతరువులైన తేరు నట్టనడుమను బ్రహ్మాండపు తేరు దిట్ట యలమేల్మంగతోఁ దిరమైవుండేటి తేరు యిట్టె శ్రీవేంకటేశుఁ డెక్కె నిదె తేరు రేకు:0287–02 మాళవి సంపుటము: 03-501 పల్లవి: దిక్కులెల్లా సాధించి దేవదుందుభులు మైూయ నెక్కడ చూచినఁ దానే యేఁగీ సేవించరో చ. అదివో శ్రీహరి తేరు అదె గరుడధ్వజము కదలేటి ఘనతురంగము లవిగో పొదలుఁ బూదండలవే పూచి వాఁగే ఘంటలవే యెదుటఁ దిరువీధుల నేఁగీ సేవించరో చ. వారె అచ్చరలేమలు వారె మునులు రుషులు వారక కొలిచే దేవతలు వారే వీరె యనంతగరుడవిష్వక్సేనాదులు యీ రీతిఁ బ్రతాపాన నేఁగీ సేవించరో చ. వీఁడె శ్రీవేంకటేశుఁడు వీఁ డలమేల్మంగపతి వీఁడె శంఖచక్రాదుల వెలసినాఁడు పోఁడిమి వరములిచ్చీఁ బొసంగ దాసులకెల్లా యేఁడేఁడు దప్పకుండాను యేఁగి సేవించరో రేకు: 9084-02 వరాళి సంపుటము: 04-588 పల్లవి: దిక్కులేకపోయే నిట్టే దినదినము వెక్కసపు లోకమేలే విభుఁడెవ్వడో చ. గుత్తముగ నెల్లవారు కుడిచేటి కంచము ఎత్తుక లోఁబెట్టుకొనె నెవ్వఁడో దొంగ కొత్తగానే యింతి గట్టుకొని బయటవేసిన మెత్తనిదంటాఁ బట్టు మింగె నెవ్వడో చ. బంతిగాఁగ నెల్లవాఁరు పండేటిమంచము గుంతలో విరుగఁదోసె గూళఁడెవ్వడో దొంతుల కడవలోన తొరలి దాఁచిన పెద్ద పొంతకూటికుండఁగొంటఁ బోయెనెవ్వఁడో
