593 నగవుల నిదియును నమ్మగఁ జాలక పగటునఁ దమలో భమ్లయఁగ నేలా చ. అంతరంగుఁడును నర్చావతారము నింతయు శ్రీవేంకటేశ్వరుఁడే చెంతల నీతనిసేవకులకు మరి దొంతికర్మములతోడ సిఁకనేలా రేకు:0169-03 దేవగాంధారి సంపుటము: 02-335 పల్లవి: తెలియరాదు నీమాయ తెరమరఁగు పెక్కు వలలఁ జిక్కక నిన్నే కొలువఁగవలయు చ. చూడఁగ నీజగత్తుకు సూత్రధారివి నీవు జోడై నీసూత్రాన నాడుచును సర్వంబునున్నది యేడఁ జూచిన నీవుందు వెవ్వరికిఁ గానరావు వోడక స్వతంత్ర మొకరిపై వేతువు చ. మఱపించాఁ దలఁపించా మర్మజ్ఞఁడవు నీవు గుణియై నీసంకల్పము కొలఁదే యీజీవులెల్లా మఱి నీ వీశ్వరుఁడవు మాఁటలకుఁ జిక్కవు కఱకరి నితరులఁ గర్తలఁగాఁ జేతువు చ. అందరిమొర లాలించి అట్టె రక్షింతువు నీవు కందువ శ్రీవేంకటేశ కానవచ్చె నీమహిమ చెంది వరము లిత్తువు చేతికి సులభుఁడవు సందడి నెవ్వరినైనా సరిగా మన్నింతువు రేకు:0085-06 బైరవి సంపుటము: 01-416 పల్లవి: తెలియరాదు మాయదేహమా మమ్ము పలువికారాలఁబెట్టి పనిగొన్న దేహమా చ. దినమొక్క వయసెక్కే దేహమా సారె పెనుమదము గురిసే బెండు దేహమా దినదిన రుచిగోరే దేహమా నన్ను ఘనమోహపాశాలఁ గట్టెఁగదె దేహమా చ. తెలివినిద్రలుగల దేహమా నీ– పొలము పంచభూతాలపాతు దేహమా తిలకించి పాపపుణ్యాల దేహమా బలువుగలదాఁకా బదుకవో దేహమా చ. తీరని సంసారపు దేహమా ఇట్టె వూరట లేని భోగాల వోదేహమూ కూరిమి శ్రీవేంకటేశుఁ గొలిచితి నిఁక నాకు కారణజన్మమవై కలిగినదేహమా రేకు: 0312-04 బౌళి సంపుటము:04-070 పల్లవి: తెలియుట యెన్నఁడు దేహి తనంతట తెలియఁగ హరి నీదిక్కే కలది చ. రాపుగ రేపేమూత్రపురీషంబులు ఆపై నాఁకటి యలమటలు కైపుగ నింతటఁ గామవికారము మూపు నిదురలమంపులె కలది చ. కొన్నాళ్లు బాల్యము కొన్నాళ్లు కౌమార మన్నిటఁ గొన్నాళ్లు యవ్వనము
