494 కడలేనినవ్వుతోడ కడురాజసముతోడ అడరించీఁ బంతము ప్రపదవరదుఁడు చ. సంకుఁజక్రములతోడ చాయలమేనితోడ సంకెదేర్చేయభయహస్తముతోడ జంకపుమీసాలతోడ పెనువదనముతోడ అంకె వరములిచ్చీఁ బ్రహ్లాదవరదుఁడు చ. వనిత్రకౌఁగిటతోడ వామకరముతోడ ననుపైన తమలోనానందముతోడ యెనయుచు శ్రీవేంకటేశుఁడై యీడా నాడా అనిశము వెలసెఁ బ్రహ్లాదవరదుఁడు పె.అ.రేకు:0043-01 దేపాళం సంపుటము: 15–240 పల్లవి: కొల్లవలపులు చల్లే గోవిందరాజ నిన్ను గొల్లెతలు నవ్వేరు గోవిందరాజ చ. గొప్పలు మా చన్ను లివి గోవిందరాజ నిన్ను కుప్పెలవలె నొత్తీని గోవిందరాజు కుప్పించి బిగించకు వో గోవిందరాజ మేనఁ గుప్పళించీ పెంజెమట గోవిందరాజ చ. కొనగోరి సతులము గోవిందరాజ పై కొని పాదాలు చాఁచేవు గోవిందరాజ కొనబు మాట లేలోయి గోవిందరాజ నీతో గునిసి మానే మింక గోవిందరాజ చ. కోడెమనసువారము గోవిందరాజ మాపై గూడలఁ జల్లేవు సిగ్గు గోవిందరాజ కూడితి శ్రీవేంకటాద్రి గోవిందరాజ యిట్టె కోడి గూసెఁ దెల్లవారె గోవిందరాజ రేకు: 0330-05 నాదరామక్రియ సంపుటము: 04-176 పల్లవి: కొసరనేల నాగుణము లివి రసికత నీవిన్నిటా రక్షించుకొనుమీ చ. నేరమి నాది నేరుపు నీదే దూరు నాది బంధుఁడవు నీవు కోరుదు నేను కొమ్మని యిత్తువు కారుణ్యాత్మక గతి నీవు సుమీ చ. నేను యాచకుఁడ నీవేదాతవు దీనుఁడ నేఁ బరదేవుఁడవు జ్ఞానరహితుఁడను సర్వజ్ఞనిధివి శ్రీనిధి యిఁక ననుఁ జేరి కావుమీ చ. అరయ నే జీవుఁడ నంతర్యామివి యిరవుగ దాసుఁడ నేలికవు చిరజీవిని నే శ్రీవేంకటపతివి వరదుఁడ ననుఁ జేవదలకుమీ రేకు: 0303-03 సామంతం సంపుటము: 04-015 పల్లవి: కొసరి కొసరి యిఁకఁ గోరఁగనేఁటికి అసురవైరి శరణనుటే చాలు చ. సంతతభోగము జననబంధములు జOతురాసులకు సహజము
