493 వైపుగఁ దెల్లవారఁగ వత్తురుగాని చ. పాళెలపట్టుకుఁ బోరో బ్రహ్మరుద్రాదు లిందరు పాలసముద్రాన హరి పవ్వళించెను వేళగాదు లోనికిట్టె విచ్చేసె హరి ద్వారపాలకులు వాకిళ్ళఁ బదిలము సుండో చ. గీత మొయ్యనే పాడరో కిన్నర కింపురుషులు యీతల శ్రీవేంకటేశుఁ డెక్కెను మేడ ఫూత నెడనెడ నూడిగకాండు నిలువరో రాతిరెప్పుడైనా మిమ్మరమ్మనునో యతఁడు రేకు:0006-07 సామంతం సంపుటము: 01-044 పల్లవి: కొలువుఁడీ భక్తిఁ గొండలకోనేటి నిలయుని శ్రీనిధియైనవాని చ. ఆదిదేవుని నభవుని సామవేదనాదవినోదుని నెర వాది జితప్రియ నిర్మలతత్త్యవాదులజీవనమైనవాని చ. దేవదేవుఁడైన దివ్యుని సర్వ భావాతీతస్వభావుని శ్రీవేంకటగిరి దేవుఁడైన పరదేవుని భూదేవ తత్పరుని రేకు: 0331-06 శంకరాభరణం సంపుటము: 04-183 పల్లవి: కొలువుఁడు వలసితేఁ గొలువక మానుఁడు తెలియ నీతఁడే సుండీ దేవదేవోత్తముఁడు చ. పుడిమికాధారము పురుషోత్తముఁడె కుడిచి కట్టెడివారు కోటానఁగోటి విడువుఁ డేటికి బారవేసినగుంటికినెల్ల వొడయ డీతఁడే సుండీ వున్నతోన్నతుఁడు చ. అమృతమిచ్చినవాఁడు ఆదినారాయణుఁడే సములై జీవించువారు సతానసంఖ్య భ్రమయకుఁ డెండమావిబయళ్లు చెరువులంటా అమర నీతఁడే సుండీ హరి వాసుదేవుఁడు చ. చెలువుఁ డీతఁడె సుండీ శ్రీవేంకటేశుఁడె పలుకుఁ బంతాలవారు పదివేగురు తలఁచకుఁ డీదోమ దంతితోను సరిగా జలజనాభుఁడే సుండీ సకలలోకేశుఁడు రేకు: 0328-04 ధన్నాసి సంపుటము: 04-163 పల్లవి: కొలువైతా నల్లవాఁడె కూచున్నాఁడు గద్దెమీఁద బలవంతుఁడితఁడు ప్రపదవరదుఁడు చ. చిడుముడిగోళ్లతోడ సింహపుమోముతోడ తొడమీఁదఁగూచున్న తొయ్యలితోడ
