489 చ. కామునిగరిడిలోని కటారిసామువాఁడ లేమచూపుల పగలు దివ్వెలవాఁడా గోమున నేకాంగి నారుగురితో నొఱటువాఁడ యీమేటినైన నన్ను నేలుకో శ్రీహరీ చ. యేడునేడు లోకముల యొక్కి దిగినట్టివాఁడ మేడెపు సంసారమున మించినవాఁడ వోడక వెదకితి నీ వొక్కఁడవే రాజ విఁక యూడనే శ్రీ వేంకటేశ యేలుకోవే శ్రీహరీ రేకు: 0120-04 మలహరి సంపుటము: 02-118 పల్లవి: కొనమొద లేదో గుఱిగాన రొరులు మునుకొను సంసారమోహాంధముందు చ. తలఁచును బ్రహ్మాండతతులకు నవ్వల తలఁచేటి జీవుఁడు తా నణువు అలలిన యూసల ననలునుఁ గొనలును వెలసీ సంసారవృక్షములోన చ. పుట్టునుఁ బొదలును భువి బహురూపుల పుట్టేటి యాతఁడు పొరి నొకఁడే వొట్టుక యీఁదును వుభయకర్మముల చట్టెడు సంసారసాగరములను చ. తగులు నన్నిటా తనుభోగంబుల తగిలేటి పురుషుఁడు తా ఘనుఁడు నిగిడి శ్రీవేంకటనిలయుఁడు గతైతే అగపడ సంసారానందమందు రేకు: 0039-01 శంకరాభరణం సంపుటము: 01-237 పల్లవి: కొనరో కొనరో మీరు కూరిమిమందు వునికిమనికి కెల్ల నొక్కటే మందు చ. ధ్రువుఁడు గొనినమందు తొల్లియుఁ బ్రహ్లాదుఁడు చవిగాఁ గొనినమందు చల్లని మందు భవరోగములు వీడిపారఁగఁ బెద్దలు మున్ను జవకట్టికొనిన నిచ్చలమైనమందు చ. నిలచి నారదుఁడు గోరెనినమందు జనకుఁడు గెలుపుతోఁ గొని బ్రదికిన యూమందు మొలచి నాలుగుయుగములరాజులు ఘనులు కలకాలముగొని కడగన్నమందు చ. అజునకుఁ బరమాయువై యొసగినమందు నిజమై లోకములెల్ల నిండినమందు త్రిజగములు నెఱఁగ తిరువేంకటాద్రిపై ద్వజమెత్తెఁ గోనేటిదరినున్నమందు రేకు:0008-01 గుండక్రియ సంపుటము: 01-049 పల్లవి: కొనుట వెగ్గళము దాఁ దినుట యల్పము మీఁదుగనుట వినుట లేక దా కడచన్నభవము చ. ఆపద వడ్డికినిచ్చి అనుభవింపఁబోయిన యేపున నెవ్వరికి నిం దేమిగలదు పాపపుపైరు విత్తినపండిన పంటలలోన రూపింపఁగ నిందు రుచి యేమిగలదూ