488 తలఁపు లోపల నెలకొన్నా దయతో నన్నేలినా చెలువుఁడు మావెంకటరాయఁడు సిరులనెలవు చేకొన్నా కలియుగవైకుంఠం బనునామము గలిగి వెలయు మా కొండా రేకు:0026-05 దేసాక్షి సంపుటము: 01-160 పల్లవి: కొండో నుయ్యో కుమతులాల తండుమండు తట్టుముట్టు తాఁకైనఁ గనుఁడీ చ. కాకివోటు జముచేత కందుకుందు మరుచేత మూకాపని గారు మనుజులాల పోకుమని యాంపరాదు పొమ్మని చెప్పఁగరాదు మీకు మీకే చూచుకొండు మీరే కనుఁడు చ. గాములిల్లు పుట్టమీఁది కప్పు తోలు పై కప్పు నేమా యొఱఁగము నిపుణులాల పామునోరికడి మీప్రాణపుటూరుపు గాలి జాము జాము మేలుఁగీడు చక్కఁజేయఁ గనుఁడు చ. రచ్చమాని చింతకిందు రాఁపులకూటమిపాందు ముచ్చో చిచ్చో మూడులాల యెచ్చరికతోడ వేంకటేశుదాసులఁ గూడి పచ్చిగచ్చు మేనితోడ భయమెల్ల బాయుఁడు రేకు:0080-03 బౌళి సంపుటము: 01-384 పల్లవి: కొందరి కివి సమ్మతియైతే కొందరి కవి గావు యిందరిలోపల నీవెడమాయలు యేగతిఁ దెలిసే నేనయ్యా చ. దూరము కర్మమునకు జ్ఞానము తోడనే వొండకటికిని దూరము పరమునకు బ్రపంచము తొలుత విరుద్ధంబు; దూరము విరతికి సంసారము; తుదమొదలే లేదు; యీరీతుల నీ వెడమాయలు యేగతిఁ దెలిసెద నేనయ్యా చ. కూడదు దేహమునకు నాత్మకు గోత్రవిరోధం; బెన్నఁడును కూడదు కోపమునకు శాంతము గుణావగుణములను; కూడదు బంధమునకు మోక్షము కోరికలే కట్లుగాన; యేడ గొలఁదిగా శ్రీహరిమాయలు యేగతిఁ దెలిసెద నేనయ్యా చ. శ్రీ వేంకటపతి నన్నీ గతిఁ జిక్కించితి వీజగమునను; భావింపఁగరాదు నీమహిమ బహుముఖములయర్ధముగాన; యేవిధమును నేఁటికి నాకిఁక యెందెందని తగిలెద నేను దైవికమగు నీదాసానుదాస్యము దక్కినదే నాకు పె.అ.రేకు:0007-02 బౌళి సంపుటము: 15-039 పల్లవి: కొత్తబంట పాఁతబంట కోరినాఁడు నేఁడు నీకు యిత్తల జీతము సేసే యేలుకోవే శ్రీహరీ చ. యిరువదినలుగురి కిటునే గమికాఁడ అరిదిదేహపుటూరి అమరగాఁడా నరయక నరసేటి నల్ల తెల్లజల్లివాఁడ యిరవై జీతము సేసి యేలుకోవే శ్రీహరీ
