432 సహజ నవరత్న కాంచన వేదికలు గంటి రహి వహించిన గోపురంబులవె కంటి చ. పావనంబైన పాప వినాశనము గంటి కైవశంబగు గగన గంగ గంటి దైవికపుఁ బుణ్యతీర్ధములెల్లఁ బొడగంటి కోవిదులు గొనియాడు కోనేలఁ గంటి చ. పరమ యోగీంద్రులకు భావగోచరమైన సరిలేని పాదాంబుజములు గంటి తిరమైన గిరి చూపు దివ్యహస్తము గంటి తిరు వేంకటాచలాధిపుఁ జూడఁగంటి రేకు:0090-03 సామంతం సంపుటము: 01-443 పల్లవి: కంటి నిదే యర్ధము ఘనశాస్త్రములు దవ్వి నంటున నిందుకంటెను నాణె మొందూ లేదు చ. మేఁటివైరాగ్యముకంటే మిక్కిలి లాభము లేదు గాఁటపువిజ్ఞానముకంటే సుఖము లేదు మీఁటైనగురువుకంటే మీఁద రక్షకుఁడు లేఁడు బాటసంసారముకంటే పగ లేదు చ. పరపీడ సేయుకంటే పాపము మరెందు లేదు పరోపకారముకంటే బహుపుణ్యము లేదు నిరతశాంతముకంటే నిజధర్మమెందు లేదు హరిదాసుడౌకంటే నట గతి లేదు చ. కర్మసంగము మానుకంటే దేజము లేదు అర్మిలిఁగోరికమానేయంతకంటే బుద్ధి లేదు ధర్మపుశ్రీవేంకటేశుఁ దగిలి శరణుచొచ్చి నిర్మలాన నుండుకంటే నిశ్చయము లేదు పె.అ.రేకు:0055-01 భైరవి సంపుటము: 15-311 పల్లవి: కంటి మన్నిటి సత్వలు కమలాక్ష యిఁక నీవే యింటి వేలుపవై మమ్ము నీడేర్తువు గాకా చ. తొల్లి లేదా జ్ఞానము తొడరి యాతుమలోన అల్లన మోక్షము చూపదాయఁ గాక చల్లఁగా మనసె కాదా చవు లెల్లాఁ జూపినది వెల్లిగా బ్రహ్మానందము వెదకదు గాకా చ. యిరవై యారుశాస్త్రము లివే కావా చదివేవి హరి నిన్ను బోధింప వాయఁ గాక గరిమ నీలోకములే కావా చొచ్చి వెళ్ళేవి విరక్తుఁ జేసి కర్మము విడ్చదాయఁ గాకా చ. చెప్పుడు బుద్దులే కావా చెవులలో నిండినవి చిప్పిల నీ భక్తునిఁగాఁ జేయవు గాక యిప్పుడే శ్రీవేంకటేశ యేలితివి నన్ను నిట్టె యెప్పటి నేనే కాదా యిఁకఁ బాయఁ గాకా పె.అ.రేకు:0051-05 నాట సంపుటము: 15-291 పల్లవి: కంటి మిదె యీ యర్ధము ఘనవిధానమువలె నంటెను నీ కృపవల్ల నాతుమలో నాకును చ. కన్నులెదిటే జగము కాణాచి గడించేమంటే నెన్ని బ్రహ్మాండము లేగె నింతక తొల్లి
