420 చ. వెలిగొండ కాపిరెడ్డి వేఁకపు జీవనమెల్ల తలమోఁచి తిరిపెమై తల్లడించఁగా తెలిసి యాతనితో నొక్కటిగాఁగ నీగుట్టు తెలిసె వేంకటగిరి తిమ్మినాయఁడా రేకు:0099-06 రామక్రియ సంపుటము: 01-500 పల్లవి: ఒక్కఁడే అంతర్యామి వుపకారి చేపట్టు తక్కినవి యిన్నియును తలఁపు రేఁచెడిని చ. యెఱుఁగుమీ జీవుఁడా యింద్రియాలు సొమ్ము గావు గుణియై మాయలలోనఁ గూడించే వింతె మఱవకు జీవుడా మనసు ಮಿಲ್ಜಿಮಿ గాదు తెఱఁగొప్ప ఆసలానే తిప్పెడి దింతె చ. తెలుకో జీవుఁడా దేహమును నమ్మరాదు వలసితే నుండుఁ బోవు వన్నెవంటిది తలఁచుకో జీవుడా ధనము దనిచ్చ గాదు పలులంపటములచేఁ బరచెడి దింతె చ. సమ్మతించు జీవుడా సంసార మొకజాడ గాదు బిమ్మటి పొదొకజాడ పెనచు నింతె యిమ్ముల శ్రీవేంకటేశ డితనిమూలమే యింత నెమ్మిఁ దానే గతియంటే నిత్యమవు నింతే రేకు:0297-04 సాళంగం సంపుటము: 03-563 పల్లవి: ఒక్కఁడే దైవం బున్నతుఁ డీతఁడు తక్కిన తలఁపులు తప్పఁదెరువులు చ. పురుషుల కెల్లాఁ బురుషోత్తముఁడు సురేంద్రాదులకు సురేంద్రుఁడు హరునికి నజునికి నవ్వలిమూరితి హరి ఇతఁడే పరమాత్ముఁడు చ. వేదాంతంబుల వేద్యుఁడీతఁడు ఆదికినాదియు నన నితఁడే మేదిని నరులకు మేదినీశ్వరుఁడు యేదెసఁ జూచిన నీశ్వరుఁ డితఁడే చ. యొక్కువల కెల్ల నెక్కువ యీతఁడు మక్కువ మరునికి మరుఁడితఁడు యిక్కడ శ్రీవేంకటేశుఁడై మిగుల పక్కన నిదివో ప్రత్యక్ష మితఁడు రేకు: 0142-04 దేవగాంధారి సంపుటము: 02-186 పల్లవి: ఒక్కఁడే మోక్షకర్త వొక్కటే శరణాగతి దిక్కని హరిఁ గొల్చి బదికిరి తొంటివారు
