410 చ. కీటమై వేంకటగిరి కిందనైన నుండక యీ చేటువాటుకేల నోఁచె చెల్లఁబో ప్రాణి గాటమైనసంపదల కడలేనిపుణ్యాలకోటికిఁ బడగేత్తక కొంచెపడనా రేకు: 0379-01 శంకరాభరణం సంపుటము: 04-459 పల్లవి: ఏలవయ్య లోకమెల్ల యిట్టె రాము దీవెనచే నీలవర్ణ హనుమంత నీవు మాకు రక్ష చ. మొదల నింద్రుఁడు నీ మోమునకెల్లా రక్ష యిదె నీ శిరసునకు నినుఁడు రక్ష కదిసి నీ కన్నులకు గ్రహతారకాలు రక్ష చెదరని మేనికెల్ల శ్రీ రామరక్ష చ. పిరుఁదు వాలమునకు బెడిదపు శక్తి రక్ష గరుడఁడు నీకరయుగముల రక్ష గరిమ నీకుక్షికి కరివరదుఁడు రక్ష సిరుల నీ మహిమకు శ్రీ రామ రక్ష చ. వడి నీ పాదములకు వాయుదేవుఁడు రక్ష తొడలకు వరుణుఁడు తొడగు రక్ష విడువని మతికిని వేద రాసులే రక్ష చెడని నీ యాయువుకు శ్రీరామరక్ష చ. నలువ నీగళ రక్ష నాలుక కుర్వర రక్ష అలర నీసంధులకు హరుఁడు రక్ష పలు నీరోమములకు బహుదేవతలు రక్ష చెలఁగు నీచేఁతలకు శ్రీ రామరక్ష చ. అంగవు నీతేజమున కగ్నిదేవుఁడు రక్ష శృంగారమున కెల్లా శ్రీ సతి రక్ష మంగాంబునిధి హనుమంత నీ కేకాలము చెంగట శ్రీ వేంకటాద్రి శ్రీ రామరక్ష పె.అ.రేకు:0016-05 ముఖారి సంపుటము: 15-091 పల్లవి: ఏలిక బంటువరుస కిది చెల్లునా ఆలరినై తిరిగెద నపరాధమా చ. నీవు దేహ మియ్యఁగాను నంబరము గోరెను ఆవల నా కిది యొక్క అపరాధము చేవదేర సంసారిఁ జేయఁగా విజ్ఞాని నయ్యె ఆవటించి నిదియొక అపరాధము చ. పంచేంద్రియముల నాపైపంపు నీవు వెట్టఁగా అంచనేఁ దోసె ననేది అపరాధము కంచములోఁ బెట్టి నీవు కర్మము సేయించఁగాను అంచున దొచ్చి విడిచె నది యపరాధమూ చ. సన్నిథై నీవుండఁగాను సంతోషానందమున నన్ను వట్టియున్నాఁడ నపరాధము యెన్నిక శ్రీ వేంకటేశ యెదురాడ నీకు నేను అన్నిటాఁ గాచితివి నా యపరాధమూ చి.ఆ.రేకు:0009-01 లలిత సంపుటము: 10-049 పల్లవి: ఏలికయైన హరి నేల మరవఁగవలె పాలుమూలి మరియూల భంగపడవలెను చ. యిరుకుమానిసంది నేఁటికిఁ జొరవలె
