408 పరగఁ జక్రముచేత భాణుని నఱకెనంటే సారి దీతని శరణుచొఱవద్దా చ. అందరుసురలలోన నగ్రపూజ గొన్నప్పుడే చెంది యీతనికృపకుఁ జేరవద్దా అంది శ్రీవేంకటేశుఁ డట్టె బ్రిష్టదైవమంటే విందులఁ బరులసేవ విడువవద్దా పె.అ.రేకు:0060-03 ఛాయనాట సంపుటము: 15-342 పల్లవి: ఏల లోకులకుఁ జూపే వింద్రాదులఁ బితరుల యీలీల నిన్నుఁ బూజించే దెక్కుడుగాఁ బోలును చ. యిక్కువ గొల్లలు చేసే యింద్రయాగము మాన్పి నిక్కి కొండకుఁ జేయించి నీవే భుజించితివి వెక్కసమై కిరీటి గావించే శివపూజ మాన్పి గక్కన మోఁకాలఁ బూజ గావింపించుకొంటివి చ. ముంచి మీఁదుగాఁ జేసిన మునుల యజ్ఞాన్నములు కొంచక నీవు దెప్పించుకొంటి వా సతులచేత పొంచి దూర్వాసడిగిన భోజనము లటు మాన్పి అంచెఁ బాండవుల బలుసాకునాఁ దృప్తితివి చ. సారె గోపికలిండ్ల జన్నె వట్టినది మాని నేరుపుతోఁ బాలు వెన్న నీవే యూరగించితివి ధారుణిలో వేదోక్తధర్మము నీవే నిలిపి కారణ మింతకు శ్రీవేంకటేశ నీ వైతివి రేకు:0255-01 లలిత సంపుటము: 03–314 పల్లవి: ఏల వెట్టిసేయించే విందున నీకేమివచ్చె కాలముఁ గర్మముచేతఁ గప్పేవు లోకులను చ. బదుల మాటలాడి భ్రమయించి రేపల్లెలో ముదులు చూప వెన్నలు ముచ్చిలినట్టు కొద్దిమాలిన కర్మము కొంత మాకు గడియించి వద్ద నిన్నుఁగానివాని(?) వలె దాఁగవలెనా చ. మఱి పాండవులకు నెమ్మది వావులటు చెప్పి మొఱఁగి యిందరిలోన మొక్కినయట్టు కుఱకుఱ దైవాలఁ గొందరను గడియించి యెఱిఁగి నెఱఁగనట్టే యేమి సేసేవయ్యా చ. వరమడుగఁగఁ బోయి వడి ఘంటాకర్ణునికి యిరవుగ మోక్షవరమిచ్చినయట్టు తిరమై శ్రీవేంకటాద్రిఁ దిరువారాధన గొని వరుస నీదాసులకు వరమిచ్చేవయ్యా రేకు:0024-03 ఆహిరి సంపుటము: 01-145 పల్లవి: ఏల సమకొను సుకృత మెల్ల వారికి మహ - మాలిన్యమున నాత్మ మాసినది గాన చ. కలికాలదోషంబు కడవరానిది గాన తలఁపుదురితముల కాధారంబు గాన బలుపూర్వకర్మములు పట్టరానివి గాన మలమూత్రజన్మంబు మదకరము గాన చ. రాఁపైనగుణవికారములు బహళము గాన ఆ(పరానివి యింద్రియంబు లటుగాన