403 తన యంతరంగపుటద్దము మాసితే నది మినుకు విజ్ఞానాన మెరుఁగిచ్చుటగాక చ. మెచ్చునాలుకఁదీపు మింగ కెట్టుమానవచ్చు కొచ్చి కొచ్చి సారె రుచిగొనుటగాక నచ్చుల శ్రీ వేంకటేశు నామము నోరనుంటే పచ్చి తనభాగ్యమంటా బ్రదుకుటగాక రేకు: 9047-02 సామంతం సంపుటము: 04-560 పల్లవి: ఏమి సేయవచ్చుఁ గర్మమిచ్చినంత కాని లేదు తామసేసినంత వట్టు తమకుఁ బోరాదు చ. ఇట్టు నట్టు మిట్టిపడ్డ నించుకంతా లేదు - వీఁపు పట్టగట్ట మోఁపు మోఁచి పాటువడ్డ లేదు తట్టువడ లోకమెల్ల దవ్వుకొన్న లేదు తెట్ట తెరువున నోరుదెరచిన లేదు చ. అడిగిపరుల బతుకాసపడ్డ లేదు - భీతి విడిచి నెత్తుటఁ దోఁగి వీరుఁడైన లేదు అడవులెల్లఁ దిరిగి అలమటించిన లేదు ఇడుమపాటుఁజొచ్చి యియ్యకొన్న లేదు చ. వచ్చి వచ్చి వనితల వలపించుకొన్న లేదు మెచ్చుల గుఱ్ఱమునెక్కి మేటియైన లేదు ఎచ్చరకం దిరువేంకటేశుఁ గొలువకుంటే ఇచ్చటచ్చట సుఖమించుకంత లేదు రేకు: 0359-04 బౌళి సంపుటము:04-348 పల్లవి: ఏమి సేయుదు నింతయు నీ మాయ సామజవరద నా చOదమిది చ. జలము లోపలనున్నచందురు నీడవలె నలుగడలఁ గదలీ నా మనసు పెలుచు మేఘములు గప్పిన సూర్యునివలె వెలుఁగదు నాలోని విజ్ఞానము చ. కడఁగి యాకసమున గాలి యణఁగినట్లు వడిఁగానరాదు నా వైరాగ్యము ముడిగి ముత్తెపుఁ జిప్పముత్యము విధంబున జడిసీ నాలోని సాత్వికము చ. యిప్పుడిట్టె శ్రీ వేంకటేశ నీ కృపవలె వుప్పతిల్లె నిజభక్తి యొక్కటై నీపై కప్పిన నీ సేవవలెఁ గన్న నిధానమువలె అప్పసమై నిలిచె బ్రహ్మానందము పె.అ.రేకు:0064-02 కాంబోథి సంపుటము: 15-365 పల్లవి: ఏమిసేసే దిఁకను యెట్టు నిన్నుఁ దలఁచేది నీమతకమే కాఁబోలు నీరజనాభా చ. ఉఱక మనుజులకు నొక్కొక్కవేళ గుణము మఱపుఁ దెలివి నేను మరులు గాదు మఱియు నెంచి చూచితే మనసు నొక్కొక్కవేళ గుణి గడవఁగఁ బారు గుఱ్ఱముఁగాదుఁ చ. పన్నుక వొక్కొక్కవేళ పరులపై మచ్చరము తన్నుఁ దానే వచ్చి పట్టు దయ్యముఁగాదు
