328 చ. భావించ నీ వేలికవు బంటుమాత్రమింతే నేను నీవు సర్వాంతరాత్మవు నేనొకఁడను సావధానమున నేను సర్వభక్షకుఁడ నింతే శ్రీవేంకటేశ నీవు జీవరక్షకుఁడవు రేకు:0253-04 బౌళి సంపుటము: 03-305 పల్లవి: ఎట్టు వలసినాఁ జేయు మేమీ నననేరమయ్య వొట్టిన నామనసు నీకొప్పన సుమ్మయ్యా చ. అదిగో శ్రీహరి నీ వంపిన యింద్రియాలకు చెదరక నేము పంపు సేతుమయ్యా వెదకి యాసలకెల్లా వెట్టియుఁ జేతుమయ్య మదిమది నే నీ మాయకు లోనయ్యా చ. దేవ నీవిచ్చినయట్టి దేహపుటూరిలోన చేవమీరఁగాఁపురము సేసేమయ్య ఆవల నీ కర్మముల కప్పనము నత్తుమయ్య ఆవటించి కామాదుల కాన మీరమయ్యా చ. నిన్నుఁ దలచుటకంటే నీవు చెప్పిన పనులే యెన్నికఁ జేసినదే యొక్కుడయ్యా అన్నిటా శ్రీవేంకటేశ ఆత్మలో నున్నాఁడవు విన్నపములేల యిది విడువమయ్యా రేకు:0237-06 నాగవరాళి సంపుటము: 03-215 పల్లవి: ఎట్టు వేగించీ జీవుఁ డిన్నిటిలోనా చే పట్టి రక్షింతువుఁ గాక పరమేశ్వరా చ. బల్లిదుఁడై వైరాగ్యాన పదార్ధము లన్నియును వొల్లనంటేనే నోరూరించును వొల్లనే కావలెనని వొడిసి పట్టఁజూచితేనల్లంతనుండి యూసల నలయించును చ. యించుక మొదలువెట్టు యిచ్చాద్వేషాలు ముందు మించు రాఁగా రాఁగాఁ బెట్టిమీఁదఁ గప్పును పొంచి యంతలోఁ దెలిసి పొంగణఁగి వుండితేను వంచించొక్క కారణాన వచ్చి ప్రవేశించును చ. వేసరి యడవినున్నా వెంటనే సుఖదుఃఖాలు పాసిపాశీక కొరింత్ర యనుభవింపించును రోసి పాయలే రెవ్వరు రుచులయ్యే తోఁచు నివి శ్రీసతీశ కనుఁగొను శ్రీవేంకటేశ్వరా రేకు:0078-01 శ్రీరాగం సంపుటము: 01-370 పల్లవి: ఎట్టు వేగించె దిందుకేగురే సితరకాండ్లు వెట్టివేమి సేయుమంటా వెన్నడించే రిపుడు చ. వొంటికాలం గుంటికుంటి వూరిబందెలకుఁ జిక్కి పంటదాఁకా దున్నె నొక్కపసురము గంటుగంటులాక లొత్తి కల్లల నడిమిపంట కుంటివాఁడు గావలుండి కుప్ప లేరుపరచె చ. కలది కుక్కిమంచము కన్నవారెల్లాఁ బండేరు తలెతో దొగ్గినంబలి దావకూళ్ళు వెలిఁగంతల కొంపలు వీడుఁబట్లు చూపేరు తలవరులెందు లోనాఁ దప్ప వెదకేరు
