313 వుట్టిపడీఁ జూడరమ్మ వుగ్రహనుమంతుడు చ. నిక్కినకర్ణములు నింగిమోఁచినబొమ్మలు చక్కశిరసుపైఁ బారఁజూచిన తోఁక చుక్కలు మొలపూసలు సూదుల వాఁడి రోమాలు వుక్కుమీరెఁ జూడరమ్మ వుగ్రహనుమంతుడు చ. పుట్టుఁగౌపీనము మహద్భుత యజ్ఞోపవీతము గుట్టుచూపని కనకకుండలములు పట్టపు శ్రీవేంకటేశు బంటయి ప్రతాపమెల్ల వొట్టీ విజయనగరపు వుగ్రహనుమంతుడు పె.అ.రేకు:0076-03 గుజ్జరి సంపుటము: 15-437 పల్లవి:ఎక్కడ వోయెనో జాతస్మరత్వము యేమి సేయఁగలవాఁడను నేను దిక్కు నీవే హరి నన్నుఁ గాచుటకు దేవదేవ యిఁకబోదించవే చ. తిరముగ జన్మాంతరమున సంపాదించిన సుజ్ఞానంబున స్మరించి యీ పుట్టుగునఁ గడమనే సాధించెదనని యంటివా అరయఁ దల్లి గర్భంబున వెడలినయపుడే అన్నియు మఱచితిని ధరలోపల నే విడువక ద్రావిన మరులుఁ బాలు నను మంకుఁజేసేను చ. అంతట నేఁ బెద్ద వెరిగి బుద్దెఱిఁగి అటు నీ మాయా ప్రపంచమునను చెంతల బహువిధసృష్టిలోఁ దగిలి చిక్కువడుచు నే భ్రమసితిని చింతించినేమటీ పెక్కులు చదువుచు చిత్తములో బహుసంశయములఁబడి అంతట నంతట జరగి జరగి కడు నజ్ఞానముపాలైతిని చ. ముదిసినపిమ్మట లోభమోహములు ముంచుకొనఁగ నటు లోలుఁడనైతి వదలక భువిపై బ్రహ్మదేవుఁడటు వ్రాసిన వ్రాతలు నిజమాయె చెదరక యలమేల్మంగ విన్నపము చేకొని శ్రీవేంకటేశ కాచితివి బ్రదికితి నిఁక నాచార్యునియానతి ఫలియించెను నా భాగ్యమువలన రేకు:0251-06 సామంతం సంపుటము: 03-295 పల్లవి: ఎక్కడఁ గడచేరీ నరులు తక్కులఁ బెట్టేరు తరుణులు భువిని చ. కన్నుల చూపులు గాలపు చిలుకులు వెన్నెలనవ్వులే వెలితెరలు మిన్నక పురుషామృగముల వేఁటలు పన్నుక యాడేరు పడఁతులు భువిని చ. ముంచిన మాఁటలే మోహనఘంటలు మంచియధరములే మచ్చులవి మించిన పురుషామృగముల వేఁటలు అంచెల నాడేరు అతివలు భువిని చ. కట్టువగట్లు కందువ కుచములు పట్టు శ్రీవేంకటపతి మాయ మెట్టుగ పురుషామృగముల వేఁటలు నెట్టన నాడేరు నెలఁతలు భువిని రేకు: 0385-04 నాట సంపుటము:04-495 పల్లవి: ఎక్కడఁ జొచ్చెదరింక రక్కసులు చిక్కి చెడుఁడు నరసింహునిచేత చ. వుడుగని కోపపుటుగ్రపుఁ జూపుల మిడుగురు లెగయఁగ మిన్నంది పిడుగుల మైూఁతలఁ బెళపెళ నార్చుచు వెడలెఁ గంభమున వీరసింహుఁడు చ. కాలాగ్నికీలలు గక్కెడి చక్రము
