307 విమలమై యొప్పెనదే విచ్చేయవే చ. హరి నీకు నజుఁడు పంచాంగంబు వినిపించ నిరతమగు వాకిటను నిలిచినాఁడు సురలు నీయవసరము చూచుకొని కొలువునకు సరవినాయిత్తపడి సందడించేరు చ. కామధేనువు వచ్చె కనుఁగొనుటకై నీకు శ్రీమహాదేవి నీచేలాగు కదివో యీమహిమ శ్రీవేంకటేశ నీకే చెల్లె కామించి యన్నియునుఁ గైకొంటివిపుడు రేకు:0014-06 శ్రీరాగం సంపుటము: 01-088 పల్లవి: ఎందాఁక నేచిత్త మేతలఁపో ముందుముందు వేసారితి మలిగి వేసరితి చ. ఏమి సేతు నేడచొత్తు నేమని బోధింతును నామాఁట విన దిదే నావిహరము యేమరినాఁ దలఁపించీ నేమైనా గడించీ సాము సేసి వేసారితి జడిసి వేసారితితి చ. యేడ చుట్టా లేడ బంధు లేడ పొందు లెవ్వరూ తోడైనవారుఁ గారు దొంగలుఁ గారు కూడుచీరగానిచోటై కొరగానిపాటై వాడివాడి వేసారిత్రి వదిలి వేసారతి చ. యెందునున్నాఁ డేమిసేసీ నెక్కడ భోగించీని విందులకువిందయినవేంకటేశుఁడు యిందరిహృదయములో నిరవై యున్నాఁ డతఁడు చెంది నన్నుఁ గాచుఁగాక చెనకి వేసారితి రేకు: 0135-02 లలిత సంపుటము: 02-143 పల్లవి: ఎందు నీకు బ్రియమో యీ తెప్పతిరుణాళ్ళు దిందువడే సిరులతో తెప్పతిరుణాళ్ళు చ. పాలజలనిధిలోఁ బవ్వళించ పాముతెప్పఁ దేలుచున్నదది దెప్పదిరుణాళ్ళు వోలి నేకోదకమై వొక్క మట్టియాకుమీఁద తేలుచున్నదది తెప్పతిరుణాళ్ళు చ. అమృతము దచ్చునాఁడు అంబుధిలో మంధరము తెమలఁ దేలించు తెప్పతిరుణాళ్ళు యమునలో కాళింగునంగపుపడిగెమీఁద తిమిరి తొక్కిన తెప్పతిరుణాళ్ళు చ. అప్పుడు పదారువేలు అంగనల చెమటల తెప్పలఁ దేలిన తెప్పతిరుణాళ్ళు వొప్పగ శ్రీవేంకటాద్రి నున్నతిఁ గోనేటిలోన తెప్పిరిల్లె నేఁట నేఁట తెప్పతిరుణాళ్ళు రేకు:0278-04 శుద్ధవసంతం సంపుటము:03-450 పల్లవి: ఎందు వెదకనేల యే ప్రయాసాలు నేల యిందే వున్నది బ్రదు కిహపరములకు చ. ముక్కోటి తీర్ధములు ముకుందుదాసుల వొక్కపాదాంగుటమున నొలికీనిదే మిక్కిలి జపతపాలు మించిన ప్రపన్నుల
