110 రేకు: 0328-01 రామక్రియసంపుటము: 04-160 పల్లవి: అడర శ్రావణబహుళాష్టమి నేఁడితఁడు నడురేయి జనియించినాఁడు చూడఁగదరే చ. గొంతిదేవి మేనల్లుఁడు గోపసతులమగఁడు పంతపు పాండవులకు బావమర(ది వంతుతో వసుదేవదేవకులకుమారుఁడు ఇంతటికృష్ణుఁడు జనియించినాఁడుగదరే చ. బలరామునితమ్ముఁడు పంచసాయకునితండ్రి మలసి మేటైనయభిమన్యునిమామ లలి సాత్యకిసుభద్రలకుఁ దోఁబుట్టినయన్న ఇలపైఁ గృష్ణుఁడు జనియించినాఁడుగదరే చ. సూరసేనుమనుమఁ డచ్చుగననిరుదుతాత పౌరవయూదవలోకబాంధవుఁడు ఆరయ శ్రీవేంకటేశుఁ డలమేల్మంగకుఁ బతి యీరీతిఁ గృష్ణుఁడు జనియించినాఁడుగదరే రేకు: 0371-01 బౌళి సంపుటము:04-416 పల్లవి: అడియ నడియనయ్య యఖిలలోకైకనాథ తడతాఁకులతాపత్రయము మానుపుటకు చ. శరణు శరణు వోసర్వేశ్వర నీకు మరణభయములెల్ల మానుపుటకొఱకు మొరయోు మొరయెు నీకు ముకుంద మాధవ దురితములిన్నియుఁ దొలఁగించుటకు చ. దండము దండము నీకు దైవశిఖామణి పండియుం బండని మతి పాకము సేయు కొరకు అండనే దాస్యము దాస్యము నీకు నేనైతి నిండు నీకరుణ నాపై నించేటి కొరకు చ. అభయ మభయము శ్రీయాదినారాయణ వుభయకర్మము నాకు నూడుచుట కొరకు విభుఁడ శ్రీ వేంకటేశ వినుతి సేసెద నిన్ను శుభములన్నియు మాకుఁ జూపేటి కొరకు రేకు: 0305-03 దేపాళం సంపుటము:04-027 పల్లవి: అడుకులు చక్కిలాలు ఆనవాలు నురుగులు వడపప్పు మొదలుగా వాముల కొలఁదులు చ. దేవకి కొడుకుఁగన్న దినమిది శ్రీజయంతి భావించ మన కన్నులపండుగులాయ దేవునిఁ బూజించితిమి తేరో నైవేద్యాలు కైవసమై కృష్ణునికి గంపల కొలఁదులు చ. వసుదేవుఁ డెత్తెను శ్రావణబహుళాష్టమిని పసగాఁ దొట్లే నూ(చి పాడఁగలిగె సిసువితనికి మొక్కి చేసేము జాగరాలు కొసరదో వరములు కోట్ల కొలఁదులు చ. బలభద్రుతమ్ముఁ డాయ పతి యలమేల్మంగకు నెలమితో మనకెల్ల నేలికాయ తలఁచి శ్రీవేంకటాద్రిఁ దానే యవతారమందె అల సంతోషమందరో అబ్బినకొలఁదులు
