ఈ పుటను అచ్చుదిద్దలేదు
12
[అం 1
త గి న శా స్తి
ఇందు--నే నాలాగు చేస్తే నాసంపద ననుబవించే వాళ్లెవరే? నాకు సుఖ మెలాగు వస్తుందే!
సరో--సొమ్ము తినేవాళ్లు లేరనా విచారిస్తున్నావు? నీకుబదులు నేననుభవించలేనా? మావాళ్ళందరూ చిన్నప్పుడే గతించారు. ఇప్పుడు పడుచునైనాను పెళ్ళి చేసుకొందామంటే పైసా లేదు. విధంతప్పినదానికి విత్తముంటే ఇదే బాధ అక్కరలేకపోయినా నీకు అమితమైన ధనముంది. కావలసినా నాకు కాసులేదు. ఇంతవైపరీత్య మెక్కడైనా ఉన్నదా
ఇందు--నీవు పెళ్ళి చేసుకుంటావా?
సరో-- చేసుకోక చెడుతిరుగుడులు తిరుగు మన్నావా?...అది నాచేత కాదు...తగినవాడు దొరకవలెనంటే ధన ముండితీరవలెను కదా ఈ దినములలో
ఇందు--తగినవాడిని కూర్చుకో, ధనము నేనిస్తాను. ఎవడిమీదైనా కన్ను వేసినావా?
సరో--ఒకడిని చూచినాను కాని...అయ్యో!
ఇందు--ఎవడినో చెప్పుచెప్పు.
సరో--చె ప్పేమి లాభము అందరాని పండు!
ఇందు--అయ్యో పాపము! ఊరుకో ఊరుకో!
(వీరేశ్వరుడు వచ్చును)
వీరే--వదినా! నాకు పెళ్ళి చేసుకోవాలని ఉంది
ఇందు--పెళ్ళాడుతావా? ఎవర్తెని?
