తారాశశాంకవిజయము (4-63) —
చ. |
మలయజగంధి తా శిరసు మజ్జనమై తెలివల్వ యొంటికొం
గెలమి ధరించి ఱైక ధరియింపకయే కురు లార్పుచున్న నే
నలమిని గౌగలించుకొన నా హరిమధ్య యనంగసంగరా
కలనఁ బెనంగినట్టి రతికౌశలమున్ మదిలోఁ దలంచెదన్.
| 229
|
అందే (4-74) —
చ. |
కలఁగిన కొప్పుతోఁ జిటిలు గందముతో విడబడ్డఱైకతో
తలిరుల విల్తు పాలె మొకతట్టు తళుక్కను కట్టు కొంగుతో
సొలపుల కన్నుల న్నిదురు సొక్కులతో విరిపాన్పు డిగ్గి నీ
వెలమిని వచ్చురీతి మది నెన్నుదు నో మదహంసగామినీ.
| 230
|
పూర్వలాక్షణికుల గ్రంథములందు 'ఱవికె' అని కకారమున కేత్వ మున్నది. 'ఱైక' అని యతిస్థానమందు తలకట్టున్నది. రెండును గలవని తోచుచున్నది. (ఇట్లే) 'పోలిక' (కకారముకు) తలకట్టు సాధారణము. (ఎత్వము గలదు)231
శల్యపర్వము (1-153) —
క. |
పెనుఱొంపి లోపలను బ్రుం
గిన ధేనువు నెత్తు పోలికెను శల్యుం డ
మ్మొన.........
| 232
|
‘పైట’ —
చేమకూరవారి విజయవిలాసము (1-76) —
సీ.పా. |
బెళుకు కాటుక కంటి సొలపు చూ పెదలోనఁ
బట్టియుఁడెడు ప్రేమఁ బట్టి యియ్య
చికిలి బంగరువ్రాత జిలుఁగు టొయ్యారంపుఁ
బైట గుబ్బలగుట్టు బైట వెయ్య......
| 233
|
చేమకూరవారి సారంగధరచరిత్ర (2-89) —
మ. |
అని యూహింపుచు లజ్ఞవో విడిచి యేకాంతంబుఁగా నల్దెసల్
గనుచుం బైటతొలంగ నీవి వదలం గామాంధకారంబు నె
|
|