మరియు నందే (పీఠిక. 104) —
ఉ. |
(రంగనవద్యమై సుధ తెఱంగన శోభిలి విన్గొలంకు చే
రం గన దిందు దీప్తి నెదురం గనకోదరు కంబుకంఠి దూ
ఱంగ ననంగు జాతిపగ ఱం గనలం గమకించి) ఠీవి మీ
ఱంగ నటంచు గొబ్బురిపురప్రభు రంగనకీర్తి రంజిలన్.
| 174
|
(అని ప్రయోగించి రేఫ ఱకారములు కలిపినాడు.)
మరి, పిల్లలమఱ్ఱి పినవీరన్న జైమినీభారతము (1-137) నందు —
ఉ. |
తూరుపు తెల్లవారుటయుఁ దోడనె మంగలపాఠకస్తుతుల్
మీఱఁ దదీయరాగముల మేల్కని కాల్యసమంచితక్రియల్
దీరిచి పాండుపుత్ర వసుదేవసుతుల్ ప్రమదంబు మోములం
దేరఁగ వేడ్కతో నరుగుదెంచి సభాస్థలి నిల్చి రయ్యెడన్.
| 175
|
అని, సంకుసాల నరసింగయ 'కవికర్ణరసాయనము' (5-75) నందు —
గీ. |
వనధి సర్వంకషంబయ్యు వలయు పనికి
ఱేపులన కాని చొర రాని రీతిఁ దవరి
విశ్వరూపకుఁ డయ్యు శ్రీ విభుఁడు కూర్మ
రూపముల సేవ్యుఁడగు నారురుక్షులకును.
| 176
|
(అని రేఫ ఱకారములు కలిపినారు.)
|
'నాన్యేషాం వైధర్మ్యం, లఘ్వలఘూనాం,
రయోస్తు నిత్యం స్యాత్'
|
|
అనే ఆంధ్రవ్యాకరణసూత్రమునకు టీక వ్రాసి, రేఫ ఱకారాలు కలుపరాదని చెప్పిన బాలసరస్వతిగారు తమ 'చంద్రికాపరిణయ'మందు—
ఉ. |
అక్కమలేక్షణన్ సవినయంబునఁ గాంచుము నాదు మాఱుగా
మ్రొక్కుము సేమ మా భువనమోహిని నీకని పల్కు మూర్తిఁజేఁ
జిక్కితి వేగఁ బ్రోవుమని చెప్పుము పొమ్మిఁక తేటిరాయ నీ
ఱెక్కలమాటునన్ నను భరించి లభింపుము కీర్తిపుణ్యముల్.
| 177
|