ఉ. |
దాయను గెల్చుటింకఁ గలడా యను రాచకొలంపు గల్వ విం
దా యను నాడెమైన బిరుదాయను రక్కసి కార్మొగుళ్ల యీ
దాయను బీరమూన వలదా యను బిల్చిన నాలకింప రా
దా యను బన్నమొందతి గదా యను నీకును నంగదా యనున్.
| 477
|
ఉ. |
డాయ నదేల రావు బెగఁడా యను నెక్కటి చివ్వ గెల్పుకాఁ
డా యను ముద్దురా కొమరుఁడా యను మేలిగొనంబులూను ప్రో
డా యను సోయగంపు మరుఁడా యను నెన్నిక గన్న నేల ఱేఁ
డా యను మేటి జెట్టి మగఁడా యను బల్కర తమ్ముఁడా యనున్.
| 478
|
శ్రీరామమూర్తి ధీరోదాత్తుడైనప్పటికి సహోదరుని యందు దయార్ద్రహృదయుఁడుగాన కారుణ్యమున రఘుక్ష్మావరేణ్యుని బోలి... అనికరుణాకరులలో శ్రీరామమూర్తి కన్న నెవరును లేరు గావున నిచ్చట కరుణరసము కవి వర్ణించు టలంకారమే.479
గీ. |
అంత నచ్చట రాచూలి నంతఁ బెరయఁ
దోడ బుట్టువుఁ గాడిన తూపు వెఱికి
వైచి క్రొవ్వేది కన్నీరు వఱద వాఱఁ
బలుదెఱంగుల నిట్లని పలువరించె.
| 480
|
అని కవి సార్వభౌముడే స్పష్టము చేసినారు. మరియును—
ఉ. |
మా యనుఁగుం జెలి న్వెదుకుమా యను వొప్పఁ దుటారి చిల్క లే
మా యను గండు దేటి కొదుమా యను నిద్దపు ముద్ద చందమా
మా యను జుట్టు పుల్గు తుటుమాయను గద్దఱికాఱు బింకకూ
మా యను నింక నోర్వఁదరమా యను నక్కట దయ్యమా యనున్.
| 481
|
ఉ. |
పాయను నేరమేమి బులుపా యను నాడెపు ప్రోడరాచ పా
పా యను గుందనంపు మెఱుపా యను బూవిలుకాని వాలుదూ
పా యను బల్కవేమి దిసపా యను బంటవలంతి ముద్దుకా
న్పా యను నిట్టు లింత మఱపా యను నీకిది నేరుపా యనున్.
| 482
|