ఆదిపర్వము (1-125) —
ఉ. |
(ప్రల్లదుఁడైన యొక్కకులపాంసను చేసిన దానఁ దత్కులం
బెల్లను దూషితంబగుట యేమి యపూర్వము) గావునన్ మహీ
వల్లభ! తక్షకాధము నెపంబున సర్పము లెల్ల నగ్నిలోఁ
ద్రెళ్లగ (సర్పయాగ మతిధీయుత చేయుము విప్రసమ్మతిన్.)
| 283
|
వ బ లకు—
అందే (4-94) —
చ. |
నుతజలపూరితంబులగు నూతులు నూఱిఁటికంటె సూనృత
వ్రత! యొక బావి మేలు, మఱి బావులు నూఱిఁటికంటె నొక్కస
త్క్రతు వది మేలు, సత్కతుశతంబున కంటె సుతుండు మేలు, ద
త్సుతశతకంబుకంటె నొకసూనృతవాక్యము మేలు, భూవరా!
| 284
|
ద డ లకు—
శ్రీనాథుని నైషధము (7-93) —
సీ. |
కఱుకులై వీడిన కుఱుచవెండ్రుకలతో
బట్టనౌదల కావిపాగ తనర
కుఱచ పూరేడు బాగుగ గుస్తరించిన
గడ్డంబుతో ఱొమ్ము గమ్మలింప
బండి కందెనకాయ ప్రతివచ్చు నేచాయ
నీలిపచ్చడముతో మేళవింప
నవరక్తచందనద్రవకల్పితంబైన
నూత్నత్రిపుండ్రంబు నొసల నొప్పఁ
గోఱమీసాలు మిడిగ్రుడ్లు కుఱచ పొడవు
దొప్పచెవులును గొగ్గిపండులును గలిగి
యున్నమద్గ్రీవుఁడై వచ్చుచున్నవాని
గని మహారాజు కనిరి దిక్పాలవరులు.
| 285
|