హరిశ్చంద్రోపాఖ్యానము (2-180) —
ఉ. |
నేరవు సౌఖ్యమందు ధరణిశ! యజీర్ణముఁ బొందునంచు నా
హారము మాని పెల్లొదవు నాఁకటిచే కృశమై చరించుటల్
సారవివేకమా తలఁప సయ్యన నీ యెలదీఁగెబోఁడులన్
గౌరవశీల! గైకొనుము గాదుసుమీ మది సంశయింపఁగన్.
| 98
|
అందే (3–158) —
చ. |
అలుక జనింపఁ గౌశికమహాముని యేమరిపాటు భీమభం
గులఁ జనుదెంచి మాధనము గొబ్బునఁదెమ్మని యానవెట్టినన్
గలుగుచు నే యుపాయమును గానక నిన్నును నీ తనూజుఁ గొం
[1]దలమున విక్రయించు వసుధాధిపుఁ డెవ్వరినైనఁ జెచ్చెరన్.
| 99
|
అందే (4-20) —
|
కుముదమిత్రోపలగోపురంబులచేత
విద్రుమప్రాకారవితతిచేత
మరకతహరినీలమండపంబులచేత
బహుశాతశాతకుంభములచేతఁ
జాల దీపించు ముత్యాలమ్రుగ్గులచేతఁ
గనుపట్టు పట్టుమేల్కట్లచేతఁ
గమనీయపద్మరాగచ్ఛత్రములచేత
వృషరాజకేతనశ్రేణిచేత
మహితకర్పూరధూపధూమములచేత
నన్యమాణిక్యనీరాజనములచేత
శంఖభేరీమృదంగఘోషములచేత
[2]వెలయు నవ్విశ్వనాథు దేవేశుఁ గాంచి.
| 100
|
- ↑ ము. ప్ర. '...కొం, దలమున విక్రయించు వసుధాధవు...'
(వావిళ్ల ప్రచురణ. 1916)
- ↑ ము. ప్ర. 'వెలయు నవ్విశ్వనాథుదేవళముఁ గాంచె'
(వావిళ్ల ప్రచురణ. 1916)