అందే (3–60) —
క. |
చాకున్న నీదు ముక్తులు
శ్రీ కాశీక్షేత్ర మెవ్వరికి నే నిక్కం
బీ కుధరమిచ్చు శిఖరా
[1]లోకనమాత్రమున ముక్తు లుల్లసిలంగన్.
| 94
|
చాకున్న—వకారలోపము.
అందే (5-304) —
ఉ. |
యంత్రితభక్తిభావమున నగ్ని సమింధన సామిధేని రు
ఙ్మంత్రము లుచ్చరించుచు సమగ్రతరారణిమంథనక్రియా
తంత్రము లాచరించి వసుధావరముఖ్యులు వీతిహోత్రు నా
మంత్రణ సేయలేరయిరి మచ్చరికించియుఁ గాశికాపురిన్.
| 95
|
పారిజాతాపహరణము (5-68) —
ఉ. |
దావవభేది సత్యయును దాను యథోచితవృత్తి మంగల
స్త్నానమొనర్చి శుభ్రవసనంబులు గట్టి యనర్ఘరత్నభూ
షానివహంబుఁ బూని హరిచందనచర్చ వహించి బంధువృ
[2]ద్ధానుమతిన్ సులగ్నమునఁ దద్వ్రతదీక్ష వహించె నయ్యెడన్.
| 96
|
నంది మల్లయ కవిన్ని, ఆయన మేనల్లుడు ఘంటా మలయమారుత కవిన్ని రచించిన 'ప్రబోధచంద్రోదయము' —
శా. |
శ్రీ నిత్యంబుగ నిచ్చుగాత కరుణాశ్రీమత్సుధారాశియై
నానాజీవులలోన రత్నములలోనన్ సూత్రముంబోలెఁ దా
లీనుండయ్యు జగత్కరండక నిచోలీభావముం దాల్చు బో
ధానందైకమయుండు శంకరుఁ డనంతస్వామి గంగయ్యకున్.
| 97
|
- ↑ ము. ప్ర. ...లోకనమాత్రమున ముక్తులు కురంగాజీ
- ↑ ము. ప్ర. ....వృద్ధస
ఖ్యానుమతి న్సులగ్నమున నావ్రతదీక్ష వహించె నయ్యెడన్.
(ఎమెస్కో ప్రచురణ)