పుట:Sukavi-Manoranjanamu.pdf/168

అఖండవడిలక్షణమందు (కవిజనాశ్రయమున) '... తదీయానుగుణాక్షరంబుఁ గొనియైనను జెప్పఁగ నొప్పు......' అనగా, ఏ యక్షరమున కా యక్షరము సరే, లేని పక్షముకు ఆ యక్షరముకు చెల్లిన యే యక్షరమైనా చెప్పవచ్చునని తాత్పర్యము. గనుకనె, బిందువు దాపలగల బకారము మకారముకు (పైపద్యమున నాల్గవచరణమందు) యతియైనది. 'ఈ దాంపత్య' మని స్వరమున్నందున నఖండవడి, స్వరము లేకపోతే బిందుయతి. ఇదే '... తదీయానుగుణాక్షర...' మనుట. ఈ రహస్యము తెలియలేరు మరియును——89

శ్రీనాథుని నైషధమునందే (7-184) —

ఉ.⁠

[1]క్రిక్కిరి సున్నచన్నుఁగవ కేవలఁ గాంతియుఁ బంచబాణు క్రొ వ్వెక్కఁగఁజేయు హస్తయుగ మెత్తిన హారభరంబు [2]పేర్మి గై పెక్కి ప్రసూనముల్ గురియు వేనలి వీడిచి కొప్పు వెట్టుచో చొక్కుల పెట్టి భూవిభుని చూపుల కోమలి బాహుమూలముల్.

⁠ 90

కైపు-ఎక్కి-కైపెక్కి. స్వరము వ పలకు అభేదమునైన అఖండయతి. 91

శ్రీనాథుని కాశీఖండము (1-33) —

క.⁠

అంభోధి వలయితావని [3]సంభరణ ప్రౌఢ నిజ భుజార్గల యుగలీ సంభావిత కిటి కచ్ఛప కుంభీనస సార్వభౌమ కులకుధరునకున్.

⁠ 92

అందే (6–141) —

ఉ.⁠

కైటభదైత్యవైరి యధికంబగు నేర్పున మన్నుఱేని కు చ్చాటన మాచరించి తన జక్కి ఖగేంద్రుని బంచెఁ గ్రమ్మఱన్ హాటకలేఖ దానును గజాస్యుఁడు లక్ష్మియుఁ జేసినట్టి కై లాటమునన్ ఘటిల్లె సకలార్థము దేవరయాజ్ఞపెంపునన్.

⁠ 93

1. ము. ప్ర. ‘క్రిక్కిరి చన్నుదోయి యిరు గ్రేవల'...
2. ము. ప్ర. '... పేర్మికిన్
   విక్కి ప్రమానము ల్గురియు వేనలి వీడిచి...'
3. ము. ప్ర. 'సంభరణ ప్రౌఢ నిజ భుజయుగ యుగళీ'