తిమ్మకవి లక్షణసార సంగ్రహము (2-120) —
గీ. |
హల్లునకు హల్లు వడి యిడునపుడు దాని
తుదిని స్వరము ఘటిల్లిన నది యఖండ
వడి యనగఁ బొల్చుఁ గృతుల దేవాధిదేవ
యనుచుఁ జెప్పిన శైలకన్యాసహాయ.
| 85
|
లక్ష్యములు—
నూత్నదండి ఆంధ్రభాషాభూషణము (16) —
క. |
ఆదులు స్వరములు నచ్చులు
కాదు లొగిని వ్యంజనములు హల్లులనంగా
మే నెల్లెడఁ జెల్లును
[1]కాదులు నై రైదుఁ గూడఁగా వర్గంబుల్.
| 86
|
శ్రీనాథుని నైషధము (4-90) —
గీ. |
కాంత! యశ్రుబిందుచ్యుతి కైతవమునఁ
దివిరి బిందుచ్యుతక కేలిఁ దవిలె దీవు
సారె సారెకు నాదు సంసారమునను
సారముగఁ జేయవే సారసాభనయన!
| 87
|
అందే (6–76) —
శా. |
వైదర్భీ బహుజన్మనిర్మలతపోవర్ధిష్ణు తల్లోచన
స్వాదు ప్రౌఢవిలాస మీ వసుమతీసంజాత తృష్ణాయుధం
బాదిత్యాన్వయ సార్వభౌమ సుకృతాహంకార[2]దుష్ప్రాభవం
బీ దాంపత్యమునం జిరాయువయి నెమ్మిం బొందుగా కెంతయున్.
| 88
|
- ↑ ము. ప్ర.'.......కాదులు నైదైదు గూర్పనగు వర్గంబుల్'. (వావిళ్ల ప్రచురణ. 1949.)
- ↑ ము. ప్ర. ......దుష్ర్పాస భై,
మీ దాంపత్యమునం జిరాయువయి నెమ్మిం...